Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faataoto 2:1-22

2  Loʻu atalii e, afai e te talia aʻu upu+ ma teu i lou loto aʻu poloaʻiga e pei o se oloa tāua,+  ina ia uaʻi atu ai ou taliga i le atamai,+ ma faasaga atu ai foʻi lou loto i le faautaga loloto;+  afai foʻi e te valaau atu mo le malamalama+ ma ōle atu mo le faautaga loloto,+  afai e te saʻili pea i ai e pei ona saʻili i le siliva,+ ma afai foʻi e te suʻesuʻe i ai e pei o le oloa lilo,+  ona e malamalama ai lea i le mataʻu+ iā Ieova ma e maua ai le poto i le Atua.+  Auā o Ieova e na te foaʻi mai le atamai;+ e mai i lona fofoga foʻi le poto ma le faautaga loloto.+  E na te teua le atamai aogā+ mo ē e amio saʻo; e fai foʻi o ia ma talita mo ē e savavali i le faamaoni,+  e ala i le tausia o lana faamasinoga,+ ma e na te leoleoina foʻi le ala o ona tagata faamaoni.+  Ona e malamalama ai lea i le amiotonu, o le faamasinotonu ma le amio saʻo, o ala lelei uma ia.+ 10  A oo le atamai i lou loto+ ma ua mālie iā te oe le poto,+ 11  e leoleoina oe e le mafaufau lelei,+ e malupuipuia foʻi oe i le faautaga loloto,+ 12  e laveaʻiina oe mai i le ala leaga,+ mai i le tagata e tautala pepelo,+ 13  mai i ē ua tuua ala saʻo ina ia savavali i ala o le pōuliuli,+ 14  mai i ē e fiafia e faia le mea leaga,+ o ē e fiafia i tala pepelo e faaleagaina ai;+ 15  o ē e faapiʻopiʻo o latou ala ma ē e faaʻoleʻole o latou olaga;+ 16  ina ia laveaʻiina oe mai i le fafine ese, mai i le fafine+ amioleaga o lē e faia faaupuga faagauloto,+ 17  o lē ua tuua lana paaga na fai a o talavou,+ ma ua ia lē amanaʻia la laʻua feagaiga ma le Atua.+ 18  Auā e alu ifo se tasi mai i lona fale i le lua o le oti, ma ona ala e oo iā i latou ua feoti.+ 19  E leai se tasi o i latou na feusuaʻi ma ia e toe foʻi mai, e lē toe foʻi i latou i ala o ē o loo ola.+ 20  O le mea lea ia e savali ai i le ala o tagata lelei+ ma ia e tausisi i ala o tagata amiotonu.+ 21  Auā o ē e amio saʻo e latou te mau i le lalolagi,+ ma o ē e lē ponā e faatotoeina i le lalolagi.+ 22  Ae e faaumatia o ē e amioleaga mai i le lalolagi;+ e liaʻieseina foʻi o ē e amio faapiʻopiʻo.+

Faamatalaga Pito i Lalo