Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faataoto 15:1-33

15  O le tali filemu e liliueseina ai le ita,+ a o le upu faatigā e tupu ai le ita.+  O laulaufaiva o ē e atamamai e faia mea lelei ma le poto,+ a o gutu o ē e vālea e puna mai ai le valea.+  O loo i mea uma lava fofoga o Ieova,+ o loo silasila pea i ē e amioleaga ma ē e amiolelei.+  O le laulaufaiva e pulea lelei, o le laau o le ola lea,+ a o le laulaufaiva faapiʻopiʻo e momomo ai le agaga.+  O le tagata valea e lē amanaʻia le aʻoaʻo atu a lona tamā,+ a o lē e usiusitaʻi i le aʻoaʻiga, e iā te ia le utaga mamao.+  Ua tele oloa i le fale o lē e amiotonu,+ a o fua o le tagata leaga ua aumai ai mala.+  E faasalalau solo e laugutu o tagata atamamai le poto,+ a o tagata vālea e lē faapena o latou loto.+  E inosia e Ieova le taulaga a ē e amioleaga,+ a o le tatalo a ē e amio saʻo e fiafia i ai o ia.+  O le ala o le tagata amioleaga o se mea lea e inosia e Ieova,+ a o le tagata na te tuliloaina le amiotonu e alofa i ai o ia.+ 10  E leaga le aʻoaʻiga i lē ua tuua le ala;+ o so o se tasi e ʻinoʻino i le aʻoaʻiga e oti o ia.+ 11  Ua i luma o Ieova le Tuugamau* ma le nofoaga o le faaumatiaga.+ E lē sili ea ona faapea o loto o le fanau a tagata!+ 12  E lē alofa o lē e tauemu i lē e aʻoaʻi atu iā te ia.+ E lē alu atu foʻi o ia i ē e atamamai.+ 13  E iai se āuga lelei o le lotofiafia i foliga o le tagata,+ a o le lototigā e momomo ai le agaga.+ 14  O le loto o lē ua malamalama e saʻili i le poto,+ a o le gutu o le tagata valea e naunau i le valea.+ 15  O aso uma o lē ua mafatia e leaga;+ a o lē ua lelei lona loto, e fai e lē aunoa lana faigaʻai.+ 16  E sili le iai o mea itiiti ae o loo mataʻu iā Ieova+ nai lo o le tele o mea ae o loo iai le fenuminumiaʻi.+ 17  E sili le iai o se ipu fualaau faisua ae o loo iai le alofa,+ nai lo o le povi poʻa peti ae o loo iai le ʻinoʻino.+ 18  O le tamāloa ua matuā ita e na te faatupuina vevesi,+ a o lē e telegese lona ita e na te faafilemuina misa.+ 19  O le ala o le tagata paiē e pei o le pā laau tuitui,+ a o le ala o tagata amio saʻo, o le ala tele lamolemole lea.+ 20  O le atalii atamai e faafiafia i lona tamā,+ a o le tagata valea e ʻinoʻino i lona tinā.+ 21  O le valea, o le mea lea e olioli ai lē ua leai sona mafaufau,+ a o le tagata ua iai le faautaga loloto, e mulimuli pea o ia i le auala saʻo.+ 22  E faalēaogāina fuafuaga pe a lē iai ni talanoaga i mataupu faalilolilo,+ a o le toʻatele o le ʻaufaufautua e taunuu ai mea.+ 23  E olioli le tagata i le tali atu a lona gutu,+ ae e maʻeu le matagofie o le upu e fai i le taimi talafeagai!+ 24  O le ala o le ola e alu aʻe i lē ua gaoioi ma le tofā mamao,+ ina ia puipui o ia mai i le alu ifo i le Tuugamau.+ 25  E lepetia i lalo e Ieova le fale o ē e fiasili,+ a o le fafine ua oti lana tane e na te toe faasaʻo lona tuaoi.+ 26  E inosia e Ieova faufauga a ē e amioleaga,+ a e mamā upu logolelei.+ 27  O le tagata e maua polofiti i faiga lē saʻo, ua ia aumaia mala i lona lava aiga,+ a o lē e ʻinoʻino i meaalofa e ola pea o ia.+ 28  O le loto o lē e amiotonu e mafaufau loloto ina ia tali atu,+ a o gutu o ē e amioleaga e puna mai ai mea leaga.+ 29  E mamao Ieova mai i ē e amioleaga,+ ae faafofoga o ia i le tatalo a ē e amiotonu.+ 30  O le malamalama o mata+ e faafiafia ai le loto;+ o se tala+ ua lelei e lololo ai ponaivi.+ 31  O le taliga e faalogo i le aʻoaʻiga+ e ola ai, e mau faatasi ma tagata atamamai.+ 32  O so o se tasi e teena le aʻoaʻiga+ e ʻinoʻino i lona lava ola, a o lē e faalogo i le aʻoaʻiga ua ia maua le loto ua poto.+ 33  O le mataʻu iā Ieova o le aʻoaʻoina lea e atamai ai,+ e muamua foʻi le faamaulalo i le faamamaluina.+

Faamatalaga Pito i Lalo

Po o “Seoli.” Tagaʻi i le Faaopoopoga e 6.