Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faataoto 13:1-25

13  E atamai le atalii pe a ia maua le aʻoaʻiga mai i lona tamā,+ a o lē e tauemu e musu e faalogo i aʻoaʻiga malolosi.+  E ʻai le tagata i mea lelei i le fua o lona gutu,+ ae o le sauā o le manaʻo lea o i latou o ē e lē faamaoni.+  O lē e na te leoleo i lona gutu ua ia tausi i lona ola.+ O lē e faamaga ona laugutu, e iʻu ina malaia o ia.+  E manaʻonaʻo le tagata paiē ae e leai se mea iā te ia.+ Peitaʻi o i latou e galulue malosi e tino lelei i latou.+  E ʻinoʻino tagata amiotonu i le upu pepelo,+ a o tagata amioleaga e latou te fai mea e mamā ai ma faamāsiasi ai i latou lava.+  E leoleoina e le amiotonu lē ua lē ponā lona ala,+ ae e faaleagaina e le amioleaga le tagata agasala.+  E iai le tagata e faatagā mauʻoa ae e leai lava sana mea;+ e iai foʻi le tagata ua faatagā mativa ae e tele ana mea tāua.  O le togiola mo le tagata mauʻoa o ana ʻoa ia,+ a o lē e tau leai ni ana mea e leʻi faalogo o ia i se aʻoaʻiga malosi.+  E aumai e le malamalama o ē e amiotonu le olioli iā i latou;+ ae o le a tineia le molī o ē e amioleaga.+ 10  O le faamaualuga e na o le femisaaʻi e tupu ai,+ ae e iai le atamai iā i latou o ē e soālaupule faatasi.+ 11  E faaitiitia ʻoa na maua i se auala faigofie,*+ a o lē na te aoaoina mea i ona lima o le a faateleina ana mea.+ 12  O le faamoemoe ua tuai ona taunuu e maʻi ai le loto,+ a o le manaʻo ua taunuu, o le laau o le ola lea.+ 13  O lē ua ʻinoʻino i lana upu,+ e aveese mai iā te ia le mea na ia faamau ai le aitalafu; a o lē e mataʻu i le poloaʻiga e tauia o ia.+ 14  O le tulafono a lē ua atamai o le puna lea o le ola,+ ina ia liliuese mai ai se tasi i mailei o le oti.+ 15  O le tele o le tofā mamao e talileleia ai,+ a o le ala o ē e lē faamaoni e lutia i faafitauli.+ 16  O i latou uma e iai le utaga mamao e taʻitasi ma gaoioi ma le poto,+ a o lē ua valea o le a ia faasalalau atu lona faavalevalea.+ 17  O le avefeʻau leaga e aumaia na o mea leaga,+ a o le avefeʻau faamaoni e mālōlō ai.+ 18  O lē e tuulafoaʻiina mea ua aʻoaʻoina* e oo i ai le mativa ma le faalumaina,+ a o lē e tausi i le aʻoaʻiga e faamamaluina o ia.+ 19  O le manaʻo ua faataunuuina e fiafia ai le loto;+ a o se mea inosia i ē e vālea le liliuese mai i le leaga.+ 20  O lē e savali ma tagata atamamai, e atamai ai o ia,+ a o lē e faifaimea faatasi ma tagata vālea, e leaga ai lava o ia.+ 21  O tagata agasala e tuliloaina e mala,+ a o ē e amiotonu o le a tauia i latou i mea lelei.+ 22  O le tagata e lelei o le a ia tuuina se tofi i fanau a lana fanau, a o le tamaoaiga o le tagata agasala, ua teuina lea mo lē e amiotonu.+ 23  O le fanua ua galueaʻiina a ē e matitiva e fua mai ai le tele o meaʻai,+ a ua iai le tagata ua soloiesea ona o le leai o se faamasinotonu.+ 24  O le tagata ua taofia lana laau* ua ʻinoʻino i lona atalii,+ a o lē e alofa i lona atalii ua vaavaai lelei iā te ia e tusa ma aʻoaʻiga.+ 25  E ʻai le tagata amiotonu ma maʻona ai o ia,+ ae e momole manava o ē e amioleaga.+

Faamatalaga Pito i Lalo

Atonu e ala i faiga lē faamaoni.
Tagaʻi i le faamatalaga pito i lalo o le Fat 1:2.
E faaataina mai e le “laau” faasaʻoga ma le faia foʻi o faasalaga.