Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faataoto 12:1-28

12  O lē e naunau i mea ua aʻoaʻoina, e naunau foʻi i le poto,+ a o lē e ʻinoʻino i le aʻoaʻiga, e lē mafaufau o ia.+  O le tagata lelei e na te maua le finagalo malie o Ieova,+ ae e na te taʻuleagaina le tagata e manatunatu i mea leaga.+  E leai se tagata e faatumauina ona o le amioleaga;+ ae o le a lē maluelue le aa o tagata amiotonu.+  O le avā lelei o le pale lea i lana tane,*+ ae o le avā e faia amioga lē talafeagai, e pala ai ivi o le tane.+  O manatu o tagata amiotonu ua tonu lava ia;+ o le taʻitaʻiga a tagata amioleaga e pepelo ia.+  O upu a tagata amioleaga o loo lamalama e faamasaa i le toto,+ a o gutu o tagata amio saʻo e laveaʻiina ai i latou.+  E faaumatia tagata amioleaga ma e lē toe iai,+ ae o fale o ē e amiotonu, o le a tumau pea.+  E viiviia le tagata ona e faautauta lona gutu,+ a o lē e faapiʻopiʻo lona loto, e inosia o ia.+  E sili le tagata e manatu faatauvaa i ai, ae e iai lana auauna, nai lo o le tagata e faamamaluina o ia lava, ae e leai sana meaʻai.+ 10  E tausia faapelepele e le tagata amiotonu le ola o lana manu lata,+ a o le tausiga a le tagata amioleaga, o le sauā lea.+ 11  O le tagata e galueaʻiina lona laueleele, e maʻona o ia i meaʻai,+ a o lē ua saʻili i mea e lē aogā, ua leai sona mafaufau.+ 12  O lē ua amioleaga ua manaʻo i mea ua maua e tagata amioleaga;+ a o le aa o tagata amiotonu e fua mai lea.+ 13  E maileia le tagata amioleaga i mea sesē a ona laugutu,+ a o le tagata amiotonu e sao o ia mai i le puapuaga.+ 14  E malie le tagata i mea lelei i le fua o lona gutu,+ ma o galuega a lima o le tagata e toe foʻi mai iā te ia.+ 15  Ua saʻo i le manatu o le tagata valea lona lava ala,+ a o lē e faalogo i fautuaga e atamai lava o ia.+ 16  O le tagata valea, e na te faailoa mea e tigā ai i lea lava aso,+ a o le tagata e iai le utaga mamao e na te ufiufi i le māsiasi.+ 17  O lē e tautala i le faamaoni, e taʻu atu mea ua tonu,+ a o le molimau pepelo, e taʻu atu tala sesē.+ 18  O le tagata e tautala lē mafaufau, ua pei o le tutuʻi o le pelu,+ a o le laulaufaiva o ē e atamamai, e mālōlō ai.+ 19  O le a matuā faatumauina e faavavau laugutu faamaoni,+ a o le laulaufaiva pepelo, e iai mo sina sekone.+ 20  Ua iai le taufaasesē i loto o ē e faufau e fai togafiti leaga,+ ae e olioli i latou ua fautuaina le filemu.+ 21  E lē oo se mea leaga i le tagata amiotonu,+ a o ē e amioleaga e faafaupuʻe iā i latou mala.+ 22  O laugutu pepelo e inosia e Ieova,+ ae e fiafia o ia iā i latou e gaoioi ma le faamaoni.+ 23  O le tagata e iai le utaga mamao, e na te ufiufi lona poto,+ a o le loto o ē ua vālea ua faalauaʻitele atu lo latou valea.+ 24  O lima o ē e tōʻaaga o le a pule,+ a o le lima o lē e paiē e iʻu ina avea ma pologa.+ 25  O popolega i le loto o le tagata e faavaivai ai le loto,+ a o tala lelei e olioli ai le loto.+ 26  O le tagata amiotonu e na te iloilo lona lava siʻomaga, a o le ala o tagata amioleaga e māfua ai ona feoaʻi solo i latou.+   27  O le paiē e na te lē tulia ni manu mo meaʻai,+ a o le tagata toʻaga, o le oloa tāua lea a le tamāloa. 28  Ua iai le ola i le ala o le amiotonu,+ ma e leai se oti i lea ala.+

Faamatalaga Pito i Lalo

I le gagana Eperu, “o lē e ona o ia.”