Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faataoto 10:1-32

10  O faataoto a Solomona.+   O le atalii atamai e na te faafiafiaina le tamā,+ a o le tama valea e faanoanoa ai lona tinā.+  E lē aogā ʻoa a le tagata amioleaga,+ a o le amiotonu o le a laveaʻiina ai mai i le oti.+  E lē tuua e Ieova le tagata amiotonu ia matelāina,+ ae e na te teena manaʻoga o tagata amioleaga.+  O lē e galue ma le lima paiē o le a mativa,+ ae o le lima o lē e toʻaga o le a mauʻoa ai o ia.+  O le atalii e iai le tofā mamao, e na te faaputuina mea i le tau māfanafana; o le atalii e tupu ai le mā, e moegase o ia a o faia le seleselega.+  Ua i luga o le ulu o lē e amiotonu o faamanuiaga,+ ae e tusa ai ma gutu o ē e amioleaga, e ufiufi ai faiga sauā.+  O le igoa lelei o lē e amiotonu e maua ai le faamanuiaga,+ a o le igoa o ē e amioleaga e pala ia.+  O lē ua atamai lona loto o le a ia talia poloaʻiga,+ a o lē ua gutu valea o le a solia o ia i lalo.+  O lē e savali ma le faamaoni o le a savali ma le saogalemu,+ a o lē e faapiʻopiʻo ona ala o le a faaalia e ia o ia lava.+ 10  O lē e faaivi lona mata e na te faatupu le tigā,+ ma o lē ua gutu valea o le a solia o ia i lalo.+ 11  O le gutu o le tagata amiotonu o le puna lea o le ola;+ ae e tusa ai ma gutu o tagata amioleaga e ufiufi ai faiga sauā.+ 12  O le ʻinoʻino e tupu ai le femisaaʻi,+ a o le alofa e ufiufi ai mea sesē uma.+ 13  E iloa le atamai i laugutu o le tagata malamalama,+ a o le laau, e sasa ai le tua o lē ua leai sona mafaufau.+ 14  O i latou e atamamai e latou te teuina le poto,+ a o le gutu o le tagata valea ua lata ina faaumatia.+ 15  O ʻoa a le tagata mauʻoa, o lona aai malosi lea.+ O le fanoga o tagata faatauvaa, o lo latou mativa lea.+ 16  O galuega a le tagata amiotonu e iʻu i le ola;+ o fua o le tagata amioleaga e iʻu i le agasala.+ 17  O lē e pipiimau i mea e aʻoaʻoina, o le ala lea i le ola,*+ o lē e tuulafoaʻiina aʻoaʻiga e na te taʻitaʻisesēina tagata.+ 18  A ufiufi e se tasi le ʻinoʻino ua iā te ia laugutu pepelo,+ ma e valea le tagata e faatupuina se tala taufaaleaga.+ 19  O le tele o upu e lē asa ai ma se mea sesē,+ a o lē na te pulea ona laugutu e gaoioi o ia ma le faautauta.+ 20  O le laulaufaiva o le tagata amiotonu o le siliva lea e sili ona lelei;+ o le loto o le tagata amioleaga e itiiti sona aogā.+ 21  O laugutu o le tagata amiotonu e fafaga ma taʻitaʻiina ai le toʻatele,+ ae o ē e valelea ua feoti i latou ona ua leai se mafaufau.+ 22  O le faamanuiaga a Ieova, e faatamaoaiga+ ai ma e na te lē faaopoopo i ai se tigā.+ 23  Ua pei le faia o amioga matagā o se taaloga i le tagata valea,+ a o le tagata e iai le faautaga loloto e iā te ia le atamai.+ 24  O le mea e fefe ai le tagata amioleaga, o le mea tonu lea e oo iā te ia;+ ae o mea e mananaʻo ai tagata amiotonu e tuuina atu iā i latou.+ 25  E pei ona mavae atu o le matagi malosi, e faapena foʻi ona lē toe iai le tagata amioleaga;+ a o le tagata amiotonu e pei o se faavae e tumau lava.+ 26  E pei o le vineta i nifo, e pei o le asu foʻi i mata, e faapena le tagata paiē i ē ua auina atu o ia.+ 27  O le mataʻu iā Ieova e faaopoopoina ai aso,+ a o tausaga o ē e amioleaga, e vave faamutaina ia.+ 28  O le faamoemoe o tagata amiotonu o le olioli lea,+ ae o le faamoemoe o tagata amioleaga o le a faafanoina.+ 29  O le ala o Ieova o le malosi lea mo lē e amio saʻo,+ a o le faaumatiaga mo ē e faia mea e tigā ai.+ 30  A o le tagata amiotonu, e lē tautevateva o ia e faavavau;+ ae o ē e amioleaga e lē nonofo pea i latou i le lalolagi.+ 31  O le gutu o le tagata amiotonu, e fua mai ai le fua o le atamai,+ a o le laulaufaiva faapiʻopiʻo e vavaeeseina lea.+ 32  O laugutu o le tagata amiotonu, ua saʻili pea mo le talileleia,+ a o gutu o tagata amioleaga e faapiʻopiʻo ia.+

Faamatalaga Pito i Lalo

Po o “ua iai i le ala o le ola.”