Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faataoto 1:1-33

1  O faataoto+ a Solomona+ le atalii o Tavita,+ le tupu o Isaraelu,+  ina ia maua ai e se tasi le atamai+ ma ia aʻoaʻoina,*+ ma ia iloa ai upu ua iai uiga loloto,+  ia talia ai aʻoaʻoga+ e maua ai le tofā mamao,+ o le amiotonu,+ o le faamasinotonu+ ma le faamaoni,+  ia avatu ai i ē ua leai se poto masani le utaga mamao,+ ia avatu ai foʻi i le tauleʻaleʻa le poto+ ma le mafaufau lelei.+  O le tagata atamai e faalogo ma ave i fale faatonuga,+ ma o le tagata malamalama e na te mauaina le taʻitaʻiga atamai,+  ina ia malamalama ai i se faataoto ma ni faaupuga lavelave,+ o upu a tagata atamamai+ ma a latou tupua mategatā.+  O le mataʻu iā Ieova o le amataga lea o le poto.+ E ʻinoʻino tagata vālea i le atamai ma le aʻoaʻoina.+  Loʻu atalii e, ia e faalogo i le aʻoaʻiga a lou tamā,+ ma aua e te tuulafoaʻiina le tulafono a lou tinā.+  Auā o le pale matagofie lea i lou ulu,+ ma le asoa manaia i lou ua.+ 10  Loʻu atalii e, afai e taufaaosooso o ē e agasala iā te oe, aua e te faalogo i ai.+ 11  Pe a latou faapea mai: “Tatou ō. Seʻi o tatou lamalama e fasioti* se tasi.+ Ia tatou lalafi ma osofaʻia ni tagata lelei, ae e leai se māfuaaga.+ 12  Seʻi o tatou ave ifo i latou i lalo a o ola*+ e pei ona faia e le Tuugamau,*+ ia atoatoa lava, e pei ona ō ifo i lalo i latou i se lua.+ 13  Ia tatou maua ai mea tautele uma lava.+ Ia tatou faatumuina o tatou fale i le vete.+ 14  E sili pe a e aufaatasi mai iā i matou. Ona tatou tofusia faatasi ai lea i le ato e tasi.”+ 15  Loʻu atalii e, aua e te savali faatasi ma i latou.+ Ia faamamao ou vae mai i o latou ala.+ 16  Auā ua latou taufetuli ina ia faia mea leaga,+ ma latou televavave e fasiotia* se tasi.+ 17  Ua latou lafo fua le upega a o iloa mai e mata o meaola e fai apaʻau.+ 18  O lea, ua lamalama ai o ē e amioleaga ina ia fasiotia tagata lelei;+ ua latou lalafi ina ia faaumatia ola o tagata lelei.+ 19  E faapena foʻi ala o ē e maua polofiti i faiga lē saʻo.+ E aveesea ai ola o ē e faia faapea.+ 20  O loo alaga leotele le atamai moni+ i le magāala.+ O loo leotele foʻi i malae.+ 21  O loo alaga mai foʻi i magāala e tumutumu ai tagata.+ I luma o ala tatala o pā o le aai, ua fai atu ai ana upu:+ 22  “O outou o ē ua leai se poto masani, o le ā le umi e tou te naunau e tumau ai i lea mea,+ o outou o ē e tauemu, o le ā le umi e tou te fiafia e tauemu ai,+ o outou foʻi o ē e vālea, o le ā le umi e tou te ʻinoʻino ai i le poto?+ 23  Ia e liliu mai ma talia aʻu aʻoaʻiga.+ Ona ou liligi atu lea o loʻu agaga iā te outou;+ ma ou faailoa atu foʻi aʻu upu iā te outou.+ 24  Ua ou valaau atu ae ua outou teena pea aʻu,+ ua ou faaloaloa atu loʻu lima ae e leai se isi e ano mai,+ 25  ua outou faatalalē pea i aʻu fautuaga uma,+ ma ua outou lē taliaina aʻu aʻoaʻiga,+ 26  o le mea lea ou te ʻataʻata ai i lo outou malaia,+ ou te aamu foʻi pe a oo mai mea e tou te fefefe ai,+ 27  pe a oo mai mea e tou te fefefe ai e pei o se afā, ma pe a oo mai foʻi lo outou malaia e pei o se matagi malosi,+ pe a oo mai puapuaga ma faigatā iā te outou.+ 28  O le a latou valaau mai pea iā te aʻu i lea taimi, ae ou te lē tali atu lava;+ e latou te saʻili mai pea foʻi iā te aʻu, ae e latou te lē maua lava aʻu,+ 29  auā ua latou ʻinoʻino i le poto,+ ma ua latou lē mananaʻo e matataʻu iā Ieova.+ 30  Ua latou lē faalogo i laʻu fautuaga;+ ua latou lē amanaʻia foʻi aʻu aʻoaʻiga uma.+ 31  E latou te selesele āuga o o latou ala,+ e faamalieina i latou i a latou faufauga.+ 32  Auā o le fouvale+ o ē ua leai se poto masani, e oti ai i latou,+ ma o le faatamala o ē e vālea, e fano ai i latou.+ 33  A o lē e faalogo mai iā te aʻu, o le a saogalemu+ ma lē fefe i so o se puapuaga.”+

Faamatalaga Pito i Lalo

O le upu i le uluaʻi gagana ua faaliliuina i lenei upu e tele ona uiga, ma ua faaliliuina i le: aʻoaʻiga, faatonuga, aʻoaʻoga, faasaʻoga, apoapoaʻiga, faasalaga, ma le fautuaga.
I le gagana Eperu, o le “lamalama i le toto.”
I le gagana Eperu o le “foloolaina i latou.”
Po o “Seoli,” e mai le upu Eperu sheʼohlʹ. Tagaʻi i le Faaopoopoga e 6.
I le gagana Eperu, o le “faamasaatoto.”