Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faamasino 9:1-57

9  Ona alu atu lea o Apimeleko+ le atalii o Ierupaala i tuagane o lona tinā i Sekema,+ ma tautala atu iā i latou ma le aiga uma o le tamā o lona tinā, ua faapea atu:  “Faamolemole ia outou fai atu ina ia faalogo mai tagata uma o Sekema e ona fanua, ‘O fea e sili iā te outou, pe pule iā te outou o tagata e toʻafitu sefulu,+ o atalii uma o Ierupaala, po o se tagata e toʻatasi? Ia outou manatua foʻi, o aʻu nei o o outou ivi ma aano.’ ”+  Ona fai atu lea o tuagane o lona tinā o nei upu uma e faatatau iā te ia, a o faalogologo tagata uma o Sekema e ona fanua, ma ua uaʻi atu o latou loto iā Apimeleko,+ auā ua latou faapea ane: “O lo tatou uso lava ia.”+  Ona latou avatu lea iā te ia o tupe siliva e fitu sefulu mai i le malumalu o Paala-perita,+ ua totogi ai e Apimeleko tagata e leai ni mea o faia ma le fiasisili,+ ina ia latou ō ma ia.  Mulimuli ane, ona alu atu lea o ia i le aiga o lona tamā i Ofira,+ ma fasiotia ai ona uso+ i luga o le maa e tasi, o atalii o Ierupaala, e toʻafitu sefulu tane, ae na totoe ai Iotama le atalii aupito i itiiti o Ierupaala, auā na lafi o ia.  Ona faapotopoto faatasi lea o tagata uma o Sekema e ona fanua ma le aiga uma o Milo,+ ma latou ō atu ma tofia Apimeleko e avea ma tupu,+ e lata ane i le laau tele,+ le poutū lea sa i Sekema.+  Ina ua latou taʻu atu lenei tala iā Iotama, ona ia alu aʻe loa lea ma tū i le tumutumu o le Mauga o Keresema,+ ma alaga leotele atu iā i latou, ua faapea atu: “Inā faalogologo mai ia iā te aʻu, outou o tagata o Sekema e ona fanua, ma ia faafofoga mai le Atua iā te outou:  “I le tasi aso, ona ō atu ai lea o laau e tofia se tupu e pule iā i latou. Ua latou fai atu i le laau o le olive,+ ‘Inā fai ia oe ma tupu iā i matou.’+  A ua fai mai le laau o le olive iā i latou, ‘ Ou te tuua ea loʻu suāuu lea e latou te faamamaluina+ ai le Atua ma tagata, ou te falala atu ea foʻi i luga o isi laau?’+ 10  Ona fai atu lea o laau i le mati,+ ‘Sau ia e fai oe ma o matou tupu tamaʻitaʻi.’ 11  A ua fai mai le mati iā i latou, ‘Ou te tuua ea loʻu suamalie ma oʻu fua lelei, ou te falala atu ea foʻi i luga o isi laau?’+ 12  Ona fai atu lea o laau i le vine, ‘Sau ia e fai oe ma o matou tupu tamaʻitaʻi.’ 13  Ona fai mai lea o le vine iā i latou, ‘Ou te tuua ea loʻu uaina fou e faafiafia+ ai le Atua ma tagata, ou te falala atu ea foʻi i luga o isi laau?’ 14  Mulimuli ane, ona fai atu lea o isi laau uma i le laau tuitui,+ ‘Sau ia e fai oe ma o matou tupu.’ 15  Ua fai atu le laau tuitui i laau, ‘Afai e moni ua outou faauuina aʻu e fai ma tupu iā te outou, inā ō mai ia e faamalumalu i lalo o loʻu paolo.+ Ae afai e leai, ia alu atu le afi+ mai i le laau tuitui ma faaumatia ai arasi+ o Lepanona.’+ 16  “A o lenei, afai e faamaoni ma ua tonu la outou gaoioiga lea ua outou filifilia ai Apimeleko e fai ma tupu,+ ma afai foʻi ua outou agalelei iā Ierupaala ma lona aiga, ma ua outou faia iā te ia e tusa ma mea na ia faia, 17  ina ua tau+ loʻu tamā mo outou, ma lamatia ai lona ola+ ina ia laveaʻi ai outou mai i lima o Mitiana;+ 18  a o outou, ua outou faasagatau i le aiga o loʻu tamā i le asō, ina ia outou fasiotia ona atalii+ o tane e toʻafitu sefulu+ i luga o le maa e tasi, ina ia outou faia Apimeleko le tama a lana teine pologa+ ma tupu+ o tagata uma o Sekema e ona fanua, auā o ia o lo outou uso; 19  ioe, afai e faamaoni ma ua tonu la outou gaoioiga ua faia iā Ierupaala ma lona aiga i le asō, ia olioli la iā Apimeleko, ma ia olioli foʻi o ia iā te outou.+ 20  Ae afai e leai, ia alu aʻe le afi+ mai iā Apimeleko ma faaumatia ai tagata o Sekema e ona fanua ma le aiga o Milo,+ ia alu aʻe foʻi le afi+ mai i tagata o Sekema e ona fanua ma le aiga o Milo ma faaumatia ai Apimeleko.”+ 21  Ona sola lea o Iotama+ ma alu atu i Pere, ua nofo ai i inā ona o Apimeleko lona uso. 22  Ua faoa e Apimeleko le pule ma fai o ia e pei o se perenise iā Isaraelu mo le tolu tausaga.+ 23  Ona faatupu lea e le Atua o se agaga leaga+ i le va o Apimeleko ma tagata o Sekema e ona fanua, ua faaʻoleʻole+ foʻi tagata o Sekema e ona fanua iā Apimeleko, 24  ina ia oo faiga sauā+ na faia i atalii e toʻafitu sefulu o Ierupaala, ma ia taui atu foʻi e ia lo latou toto iā Apimeleko lo latou uso auā na ia fasiotia i latou,+ atoa ma tagata o Sekema e ona fanua, auā na latou faamalosia ona lima+ e fasiotia ona uso. 25  Ua tuu foʻi e tagata o Sekema e ona fanua ni tane e lamalama iā te ia i tumutumu o mauga, ma ua latou faoa mea mai so o se tasi e ui ane i le auala. Mulimuli ane, ua taʻu atu lenei mea iā Apimeleko. 26  Ua ō mai Kaala+ le atalii o Epete ma ona uso ua ui atu i Sekema,+ ona faatuatua ai lea o tagata o Sekema e ona fanua iā te ia.+ 27  Ua latou ō atu e pei ona masani ai i le fanua, ma tau mai vine i o latou togāvine ma soli ai, ua latou pepese fiafia+ foʻi. Ua mavae lea mea, ona latou ō atu lea i le fale o lo latou atua,+ ua aai ma feinu,+ ma fetuu+ iā Apimeleko. 28  Ona faapea atu lea o Kaala le atalii o Epete: “O ai ea Apimeleko,+ ma o ai foʻi Sekema e tatou te auauna ai iā te ia? Pe e lē o ia ea o le atalii o Ierupaala,+ ma e na te leʻi tofia foʻi Sepula+ e pule? O outou na, ia outou auauna i tagata Hamoro,+ ae aiseā e matou te auauna ai iā te ia? 29  Pe ana mulimuli mai nei tagata iā te aʻu!+ Semanū ua ou aveesea Apimeleko.” Ua ia fai atu foʻi iā Apimeleko: “Inā faatoʻatele ia lau ʻautau ma sau e ta te tau.”+ 30  Ua faalogo Sepula le perenise o le aai i upu a Kaala le atalii o Epete.+ Ona matuā ita ai lea o ia. 31  Ua ia aauina atu avefeʻau i se auala faaʻoleʻole iā Apimeleko, ua faapea atu: “Faauta! Ua ō mai Kaala le atalii o Epete ma ona uso i Sekema,+ ma ua latou faaoso le aai e tetee atu iā te oe. 32  O lea, inā tulaʻi ia i le pō,+ o oe ma tagata ua iā te oe, ma lalafi+ i le fanua. 33  Pe a oo i le taeao ua oso aʻe le lā, ia e alapō ma osofaʻi vave atu i le aai; pe a faasagatau mai o ia ma tagata o iā te ia iā te oe, ia faapea ona e faia iā te ia e pei ona e loto i ai.” 34  Ona tulaʻi lea i le pō o Apimeleko ma tagata uma o iā te ia, ua lalafi ma faatalitali e osofaʻi Sekema i ʻautau e fā. 35  Mulimuli ane, ua alu atu Kaala+ le atalii o Epete ma tū i le faitotoʻa o le aai. Ona tutū mai lea o Apimeleko ma tagata ua iā te ia mai i le mea na lalafi ai. 36  Ina ua vaai atu Kaala i tagata, ona ia fai atu loa lea iā Sepula: “Faauta! O tagata la e ō ifo mai i tumutumu o mauga.” A ua fai mai Sepula iā te ia: “O ataata o mauga e pei o ni tagata la e te vaai atu i ai.”+ 37  Ona toe fai atu lea o Kaala: “Faauta! O tagata la e ō ifo mai i le ogatotonu o le nuu, ma o loo ui mai le tasi ʻautau i tafatafa o le laau tele o Meoneni.” 38  Ua fai mai Sepula iā te ia: “O fea le upu na e fai mai ai,+ ‘O ai ea Apimeleko e matou te auauna ai iā te ia?’+ Pe e lē o tagata ea ia na e teena?+ Inā alu atu ia ma tau ma i latou.” 39  Ona alu atu lea o Kaala, ua muamua atu i tagata o Sekema e ona fanua, ma ua tau ma Apimeleko. 40  Ua tuliloa o ia e Apimeleko, ma ua sola o ia mai iā te ia; ua paʻuʻū foʻi le toʻatele o tagata ua fasia, e oo lava i luma o le faitotoʻa. 41  Ua nofo pea Apimeleko i Aruma, ma ua tuliesea e Sepula+ o Kaala+ ma ona uso ina ia lē nonofo i Sekema.+ 42  I le aso na sosoo ai, ona ō atu ai lea o tagata i le fanua. Ua latou taʻu atu ai iā Apimeleko.+ 43  Ona ia ave lea o tagata ma vaevaeina i latou i ʻautau e tolu,+ ma lalafi e faatalitali i le fanua. Ua vaavaai atu o ia o loo ō mai tagata mai i le aai. Ona tulaʻi lea o ia ma fasiotia i latou. 44  Ua osofaʻi vave atu Apimeleko ma ʻautau sa iā te ia, ina ia latou tutū ai i le faitotoʻa o le aai, a o isi ʻautau e lua ua osofaʻi vave atu i ē uma sa i le fanua, ma latou fasiotia i latou.+ 45  Na tau Apimeleko ma tagata o le aai i lenā aso atoa, ma faatoʻilalo i le aai; na ia fasiotia foʻi tagata na iai,+ ua ia lepeti i lalo+ le aai ma lūlū i ai le masima.+ 46  Ina ua faalogo i ai tagata uma e ona fanua o le ʻolo o Sekema, ona ō atu loa lea i le potu e lalafi ai i le fale o Eli-perita.+ 47  Ona taʻu atu lea iā Apimeleko e faapea, ua faapotopoto faatasi tagata uma e ona fanua i le ʻolo o Sekema. 48  Ua alu aʻe Apimeleko i le Mauga o Salemone,+ o ia ma tagata uma sa iā te ia. Ona tago lea o Apimeleko i le toʻi, ua tā i lalo le lālā laau, ma sii aʻe i luga i ona tauʻau, ma faapea atu i tagata na iā te ia: “O le mea lea e tou te vāai mai o oʻu faia, ia vave ona outou faia faapea!”+ 49  Ona tā lea i lalo e tagata uma e taʻitasi ma lana lālā, ma mulimuli atu iā Apimeleko. Ua latou tuuina lālā e faataamilo i le potu o loo lalafi ai, ona susunu ai lea i le afi, ma ua feoti ai foʻi tagata uma o le ʻolo o Sekema, e tusa ma le toʻaafe o tane ma fafine.+ 50  Ua alu Apimeleko i Tipesa,+ ua ia siitaua foʻi iā Tipesa ma ia faatoʻilalo i ai. 51  Sa iai se ʻolo malosi i le ogatotonu o le aai, o i inā na sosola i ai tane ma fafine ma tagata uma e ona fanua o le aai, ona latou tapuni lea o le ʻolo ma feʻaʻei i le tumutumu. 52  Ua alu aʻe Apimeleko i le ʻolo e tau ai le taua, ua faalatalata atu foʻi i le faitotoʻa o le ʻolo ina ia susunu i le afi.+ 53  Ona lafo ifo lea e se tasi o fafine se maa e olo ai saito i le ulu o Apimeleko, ma taʻe ai lona atigipoo.+ 54  Ona ia vave valaau atu lea i le auauna o loo aveina ana auupega, ma faapea atu: “Seʻi lau pelu ma fasioti ai iā te aʻu,+ ina neʻi o latou faapea ane iā te aʻu, ‘Na fasiotia o ia e se fafine.’ ” Ona tago loa lea o lana auauna i le pelu ma fasiotia ai o ia, ma ua oti ai.+ 55  Ina ua vāai tagata Isaraelu ua oti Apimeleko, ona taʻitoʻatasi lea ma alu o le tagata i lona nuu. 56  Ua taui atu e le Atua le leaga na faia e Apimeleko i lona tamā, i le fasiotia o ona uso e toʻafitu sefulu.+ 57  Ua toe taui atu foʻi e le Atua i o latou ulu mea leaga uma a tagata Sekema, ina ia oo ai iā i latou+ mala+ na fai atu ai Iotama+ le atalii o Ierupaala.+

Faamatalaga Pito i Lalo