Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faamasino 8:1-35

8  Ona fai mai lea o tagata o Efaraima iā te ia: “O le ā ea lenei mea ua e faia iā i matou, i le lē amia o i matou ina ua e alu atu e tau le taua ma Mitiana?”+ Ua latou taumafai malosi e faatupu se misa ma ia.+  Ona ia fai atu lea iā i latou: “O le ā le mea ua ou faia e tusa ai ma outou?+ Pe e lē sili ea toe fuifuivine o Efaraima+ i lo o seleselega vine o Apieseru?+  Na tuuina atu e le Atua i o outou lima o perenise o Mitiana o Oreva ma Seeva,+ ma o le ā ea se mea ou te mafaia e tusa ma outou?” Ona teʻa ai lea o lo latou ita, ina ua ia fai atu o lenā tala.+  Ona sau ai lea o Kitiona ma sopoʻia Ioritana, o ia ma tagata e toʻatolu selau ua iā te ia, ua lē lavavā ae o loo tuliloa atu pea i o latou fili.  Ua ia fai atu i tagata o Sukota:+ “Faamolemole, seʻi avane ni falaoa i tagata o loo mulimuli mai iā te aʻu,+ auā ua lē lavavā i latou, ae ou te tuliloa pea iā Sepa+ ma Salemuna,+ o tupu o Mitiana.”  A ua fai mai perenise o Sukota: “Po ua i ou lima ea Sepa ma Salemuna matou te avatu ai falaoa i lau ʻautau?”+  Ona fai atu lea o Kitiona: “Afai e tuuina mai e Ieova o Sepa ma Salemuna i loʻu lima, ona ou sasa lea o o outou tino i laau tuitui o le toafa ma laau talatala.”+  Ua alu aʻe pea o ia mai i inā e agaʻi i Penueli,+ ua faapea ona ia tautala atu iā i latou, ae na tali mai tagata o Penueli iā te ia e pei ona tali mai o tagata o Sukota.  Ua ia faapea atu foʻi i tagata o Penueli: “Ou te talepeina i lalo lenei ʻolo+ pe a ou foʻi mai ma le manumalo.” 10  Sa iai Sepa ma Salemuna+ i Karekori, faatasi ma a la ʻautau, e tusa ma le toʻasefulu lima afe o tagata na totoe mai i le ʻautau atoa a tagata mai i Sasaʻe;+ o i latou foʻi na fasiotia e toʻaselau lua sefulu afe o tane o ē na ave a latou pelu.+ 11  Ua alu aʻe pea Kitiona i le ala o ē na nonofo i faleʻie i le itu i sasaʻe o Nopa ma Iakepea,+ ma ia fasia ai le ʻautau a o leʻi nofosauni i latou.+ 12  Ina ua sosola Sepa ma Salemuna, na ia tuliloa iā i laʻua ma puʻea tupu e toʻalua o Mitiana, o Sepa ma Salemuna;+ ua gatete foʻi le ʻautau uma ona o ia. 13  Ua toe foʻi mai Kitiona le atalii o Ioasa mai i le taua, na ui mai i le aʻega e alu aʻe ai i Herese. 14  A o alu aʻe, na ia puʻea ai se tauleʻaleʻa o tagata o Sukota+ ma fesilisili iā te ia.+ Ona ia tusia lea mo ia o igoa o perenise+ o Sukota, ma ona toeaina, e toʻafitu sefulu fitu tane. 15  Ona alu atu lea o ia i tagata o Sukota ma faapea atu: “O Sepa lenei ma Salemuna, ia na outou faifai ai iā te aʻu e faapea, ‘Po ua i ou lima ea Sepa ma Salemuna matou te avatu ai falaoa i ou tagata ua lē lavavā?’ ”+ 16  Ona ia avea lea o toeaina o le aai faapea laau tuitui o le toafa ma laau talatala, ma ia faia ai le aʻoaʻiga+ o tagata o Sukota. 17  Na ia talepe i lalo+ le ʻolo o Penueli,+ ma fasiotia tamāloloa o le aai. 18  Ua ia faapea atu iā Sepa ma Salemuna:+ “E faapeʻī tagata na outou fasiotia i Tapora?”+ Ua la tali mai: “E pei o oe, sa faapena foʻi i latou, e taʻitasi ma faapei o alo o se tupu.” 19  Ona ia fai atu lea: “O oʻu uso i latou, o le fanau a loʻu tinā. O loo soifua Ieova, ana oulua faaolaina i latou, semanū ou te lē fasiotia oulua.”+ 20  Ona ia fai atu lea iā Ietero lana ulumatua: “Inā tulaʻi ia e fasioti iā i laʻua.” A ua lē seʻia e le tauleʻaleʻa lana pelu, auā ua fefe o ia, ona o ia o se tauleʻaleʻa.+ 21  A ua fai mai Sepa ma Salemuna: “Ia e tulaʻi mai oe, ma fasi iā i maʻua, auā e pei o le tagata, e faapea foʻi lona malosi.”+ Ona tulaʻi lea o Kitiona ma fasioti+ iā Sepa ma Salemuna, na ia ave foʻi asoa e pei o le masina na i ua o a la kamela. 22  Mulimuli ane, ona fai mai lea o tagata Isaraelu iā Kitiona: “Ia e pule iā i matou,+ o oe ma lou atalii atoa ma le atalii o lou atalii, auā ua e faaolaina i matou mai i lima o Mitiana.”+ 23  A ua faapea atu Kitiona iā i latou: “Ou te lē pule iā te outou, e lē pule foʻi loʻu atalii iā te outou.+ E pule lava Ieova iā te outou.”+ 24  Ona faapea atu lea o Kitiona iā i latou: “Ou te talosaga atu iā te outou: Ia outou aumai iā te aʻu, e taʻitoʻatasi le tagata ma le mama o le isu+ mai i ana mea na faoa.” (Na iai a latou mama auro e tui i isu, auā o i latou o tagata Isamaeli.)+ 25  Ua latou faapea mai: “Matou te avatua lava.” Ona latou fofola lea o se ofu tele, ma lafo i ai e taʻitoʻatasi le tagata ma le mama o le isu mai mea na faoa. 26  E afe fitu selau sekeli auro le mamafa o mama auro o isu na ia talosaga i ai, e ese mai i asoa e pei o le masina,+ o tautaliga, ma ofu fulufulu mamoe ua vali i le lanu mūmū violē+ na i tupu o Mitiana, e ese mai foʻi i asoa na i ua o kamela.+ 27  Ona faia lea e Kitiona o le efota+ i le auro, ma tuu e faaaliali i lona aai o Ofira;+ ona ō atu lea o Isaraelu uma i inā ma faitaaga ai,+ ma avea ai ma mailei iā Kitiona ma lona aiga.+ 28  Ua toʻilalo Mitiana+ i luma o le fanauga a Isaraelu, ma e leʻi toe ea lava i luga o latou ulu; ma e leʻi toe iai foʻi ni taua i le laueleele mo tausaga e fā sefulu i aso o Kitiona.+ 29  Ona alu lea o Ierupaala+ le atalii o Ioasa ma nofo pea i lona aiga. 30  E toʻafitu sefulu atalii+ na fananau mai iā Kitiona, auā e toʻatele ana avā. 31  Na fanaua foʻi e lana palake sa i Sekema se atalii mai iā te ia. Ona ia faaigoa lea iā te ia o Apimeleko.+ 32  Ona maliu lea o Kitiona le atalii o Ioasa ina ua toeaina lava, na tanu foʻi o ia i le tuugamau o Ioasa lona tamā i Ofira, le nuu o tagata Apieseru.+ 33  Ina ua maliu Kitiona, ona toe faia foʻi lea e le fanauga a Isaraelu o le faitaaga ma Paala,+ ma latou tofia ai Paala-perita e avea ma o latou atua.+ 34  Ua lē manatua e le fanauga a Isaraelu Ieova lo latou Atua,+ o lē na laveaʻiina i latou mai i lima o o latou fili uma na siʻomia ai i latou;+ 35  e latou te leʻi alolofa faamaoni+ atu foʻi i le aiga o Ierupaala, o Kitiona lea, e tusa ai o mea lelei uma na ia faia iā Isaraelu.+

Faamatalaga Pito i Lalo