Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faamasino 7:1-25

7  Ona usupō lea o Ierupaala,+ o Kitiona+ lava lea, ma tagata uma sa faatasi ma ia, ua ō atu ma tolauapi i le vaieli o Harota; a o ʻautau a Mitiana, o loo i lona itu i mātū i le aʻega o Morē, i le fanua laugatasi.  Ua fetalai mai Ieova iā Kitiona: “Ua toʻatele naʻuā tagata o iā te oe, ou te lē tuuina atu ai Mitiana i o latou lima.+ Ina neʻi mitamita+ mai Isaraelu i oʻu luma, ma faapea mai, ‘O loʻu lima lava na ou faaola ai iā te aʻu.’+  O lenei, seʻi e valaau atu faamolemole a o faalogo mai tagata ma faapea atu, ‘O ai se tasi o i inā e fefe ma mataʻu? Inā toe foʻi atu ia.’ ”+ Ona tofotofoina lea o i latou e Kitiona. O lea, e toʻalua sefulu lua afe tagata na toe foʻi, ae toʻasefulu afe na totoe.  A ua fetalai mai Ieova iā Kitiona: “Ua toʻatele pea tagata.+ Ia ave i latou i le vai ina ia ou tofotofo ai i latou i inā mo oe. O so o se tasi ou te fai atu ai iā te oe, ‘O ia lenei e te lua ō,’ o ia lava lea e lua te ō, ae o ē uma ou te fai atu ai iā te oe, ‘E lua te lē ō,’ o ia lea e lua te lē ō.”  Ua ia ave ifo tagata i lalo i le vai.+ Ona fetalai mai lea o Ieova iā Kitiona: “O ē uma e inu etoeto le vai e pei o se taʻifau, e te tuu ese o ia, e faapea foʻi i latou uma e tootutuli ma feinu.”+  E toʻatolu selau le aofaʻi o tane na inu etoeto i o latou lima. Ae o isi tagata uma, na latou punonou e feinu.  Ona fetalai mai lea o Ieova iā Kitiona: “O tagata e toʻatolu selau na inu etoeto, ou te faaolaina ai outou, ou te tuuina atu ai foʻi Mitiana i lou lima.+ A o isi tagata uma, ia tuu atu i latou e taʻitoʻatasi ma alu i lona aiga.”  Ua latou ave meaʻai a tagata i o latou lima, o a latou pū,+ ma ua tuuina atu tane uma o Isaraelu e ō i o latou aiga; a ua ia taofi i tane e toʻatolu selau. Sa i lalo ifo i le fanua laugatasi le ʻautau a Mitiana.+  O le pō+ lava lenā na fetalai mai ai Ieova iā te ia: “Inā tulaʻi ia, ma alu ifo i le togālauapi, auā ou te tuuina atu ia i lou lima.+ 10  Ae afai e te fefe e alu ifo, ia lua ō ifo ma Fora lau auauna i le togālauapi.+ 11  Ia e faalogo i mea o loo latou talanoa+ ai, e mulimuli ane ona malosi ai lea o lou lima,+ ma e alu ifo ai lava i le togālauapi.” Ona la ō ifo lea ma Fora lana auauna i le pito mai o le togālauapi o ē ua sauni e tau. 12  Ua taooto i le fanua laugatasi o Mitiana, o Amaleka, ma tagata uma mai i Sasaʻe,+ ua toʻatele e pei o sē akerise;+ o a latou kamela+ foʻi e lē mafaitaulia, ua tele e pei o le oneone o le matafaga. 13  Ua sau Kitiona ma vaai! o se tagata o loo faamatala i lana uō se miti, ua ia faapea atu: “O laʻu miti lenei na fai.+ Faauta! o se falaoa karite lapotopoto o loo fetaavaleaʻi i le togālauapi o Mitiana. Ona alu atu lea ma taia ai se faleʻie, ua paʻū ai i lalo,+ ua mafuli ai le faleʻie ma ua taatia i lalo.” 14  Ona tali+ mai lea o lana uō e faapea: “E leai lava se isi mea, e na o le pelu a Kitiona+ le atalii o Ioasa, le tagata Isaraelu. Ua tuuina atu e le Atua moni+ Mitiana ma le ʻautau atoa i lona lima.”+ 15  Ina ua faalogo Kitiona i le miti ma lona uiga,+ ona ia tapuaʻi ai lea i le Atua.+ Ona ia toe foʻi lea i le togālauapi a Isaraelu ma faapea atu: “Inā tulaʻi ia,+ auā ua tuuina mai e Ieova le ʻautau a Mitiana i o outou lima.” 16  Ona ia vaevaeina lea o tane e toʻatolu selau i vaega e tolu, ma tuu atu pū+ i lima o i latou uma, ma fagu tetele e lē o iai ni vai, ma o loo iai foʻi sulu i totonu o fagu tetele. 17  Ua faapea atu o ia iā i latou: “Ia outou vaavaai mai ma faaaʻoaʻo mai iā te aʻu, ma e faapenei ona outou faia. Afai ou te sau i le pito mai o le togālauapi, o mea uma ou te faia, o mea foʻi na e tou te faia. 18  Pe a ou ilia le pū, o aʻu ma i latou uma o iā te aʻu, ia outou ilia foʻi pū, o outou uma ia soo atoa ai le togālauapi,+ ma ia outou faapea atu, ‘O le pelu a Ieova+ ma Kitiona!’ ” 19  Ona ō mai ai lea o Kitiona ma tagata e toʻaselau o iā te ia, i le pito mai o le togālauapi i le amataga o le leoleoga i le vaeluapō.*+ O lea faatoʻā uma lava ona sui le leoleoga. Ona latou ilia ai lea o pū+ ma taʻei faguvai tetele na i o latou lima.+ 20  Ona ilia lea e vaega e tolu o a latou pū+ ma taʻei fagu tetele, ma fetagofi atu o latou lima tauagavale i sulu, a o o latou lima taumatau e ili ai pū, ma ua latou alalaga atu: “O le pelu a Ieova+ ma Kitiona!” 21  Ua latou tutū pea e taʻitasi i le mea e tū ai o ia e siʻomia le togālauapi, ona taufetuli ai lea o le ʻautau atoa ma alalaga ma sosola ese.+ 22  A ua ili pea e le toʻatolu selau+ a latou pū,+ ona faaoo atu ai lea e Ieova o le pelu a le tasi i le isi o le ʻautau uma;+ a ua sosola pea ʻautau ua oo atu lava i Peteseta, e oo atu i Sererata, ma oo atu ai i tuaoi o Apelemeola+ i Tapata. 23  I lea lava taimi ua faapotopoto faatasi ai tane o Isaraelu mai i Nafatali,+ o Asera,+ ma Manase+ uma, ona latou tuliloaina+ lea o Mitiana. 24  Ua aauina atu e Kitiona o avefeʻau i vaega maugā uma o Efaraima,+ ua faapea atu: “Inā ō ifo ia e faafetaiaʻi iā Mitiana ma ia muamua atu e taofi iā i latou mai i le sopoʻia o Ioritana ma vai i Petepara.” Ona faapotopoto faatasi ai lea o tane uma o Efaraima, ua latou ō atu ma maua asaga+ e oo atu i Petepara ma Ioritana. 25  Ua latou puʻea perenise e toʻalua o Mitiana, o Oreva ma Seeva;+ ua latou fasiotia foʻi Oreva i luga o le papa o Oreva,+ ae fasiotia Seeva i le mea e soli ai vine a Seeva. Ua latou tuliloa pea iā Mitiana+ ma latou aumaia ulu o Oreva ma Seeva iā Kitiona i le itu o le Ioritana.+

Faamatalaga Pito i Lalo

O le leoleoga i le vaeluapō, e amata mai i le 10 i le pō seʻia oo i le 2 i le vaveao.