Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faamasino 3:1-31

3  O nuu+ nei na tuua e Ieova ina ia latou tofotofoina+ ai Isaraelu, o i latou uma ia e leʻi auai i taua a Kanana;+  ina ia maua ai e tupulaga o le fanauga a Isaraelu le poto masani, ia aʻoaʻo ai i latou i taua ia e leʻi aʻoaʻoina ai i latou muamua:  O alii e toʻalima o Filisitia+ o ē e pule faatasi,+ o tagata uma o Kanana,+ o tagata Saitonu,+ o tagata Hivī+ o ē na nonofo i le Mauga o Lepanona,+ e amata mai i le Mauga o Paala-heremone+ e oo atu i le ala e ui i Amato.+  Na avea pea i latou ma mea e tofotofoina+ ai Isaraelu, ina ia iloa ai pe e latou te usiusitaʻi i poloaʻiga a Ieova na ia poloaʻi mai ai i o latou tamā e ala iā Mose.+  Na nonofo foʻi le fanauga a Isaraelu faatasi ma tagata Kanana,+ o tagata Hetī, o tagata Amorī, o tagata Perisē, o tagata Hivī, ma tagata Iepusē.+  Na latou faiavā i o latou afafine,+ ua avatu foʻi o latou afafine i o latou atalii,+ ma auauna atu i o latou atua.+  Ua faia e le fanauga a Isaraelu le amioleaga i le silafaga a Ieova, ua galo iā i latou Ieova lo latou Atua,+ ma ua latou ō atu ma auauna iā Paala+ ma pou paia.+  O le mea lea na matuā toʻasā ai Ieova iā Isaraelu,+ na ia faatauina atu+ ai i latou i lima o Kusa-risatima le tupu o Mesopotamia;+ ma na auauna pea le fanauga a Isaraelu iā Kusa-risatima mo tausaga e valu.  Ona alalaga atu lea o le fanauga a Isaraelu iā Ieova mo se fesoasoani.+ Ua faatūina ai e Ieova se faaola+ mo le fanauga a Isaraelu, e na te faaolaina i latou, o Otinielu+ lea le atalii o Kinasa,+ le uso laʻitiiti o Kalepo.+ 10  Ona oo lea i ona luga o le agaga+ o Ieova, ma ua avea ai o ia ma faamasino iā Isaraelu. Ina ua alu atu o ia i le taua, ona tuuina mai lea e Ieova o Kusa-risatima le tupu o Suria i lona lima, ma ua ia faatoʻilaloina+ Kusa-risatima. 11  Ua mavae lenā, ona lē toe iai foʻi lea o ni taua i le laueleele mo tausaga e fā sefulu. Mulimuli ane, ona oti ai lea o Otinielu le atalii o Kinasa. 12  Na toe faia foʻi e le fanauga a Isaraelu le mea e leaga i le silafaga a Ieova.+ Ona faataga lea e Ieova o Ekelona le tupu o Moapi+ ina ia sili atu lona malosi nai lo o Isaraelu,+ auā ua latou faia le mea e leaga i le silafaga a Ieova.+ 13  Ua ia faapotopoto faatasi foʻi le fanauga a Amoni+ ma Amaleka+ e faasagatau iā i latou. Ona latou ō atu lea ma fasia Isaraelu ma fai mo i latou le aai o laau o pama.+ 14  Ua auauna pea le fanauga a Isaraelu iā Ekelona le tupu o Moapi mo tausaga e sefulu valu.+ 15  Ona alalaga atu lea o le fanauga a Isaraelu iā Ieova mo se fesoasoani.+ O lea, na faatūina ai e Ieova se faaola mo i latou, o Euta+ le atalii o Kera mai i le ituaiga o Peniamina,+ o se tagata e lima tauagavale.+ Ua auina atu e le fanauga a Isaraelu e ala iā te ia, le meaalofa* na faatonuina e Ekelona le tupu o Moapi. 16  Ona faia lea e Euta o se pelu mo ia, e taufaimaʻai ona itu e lua,+ o lona umi e tusa ma le kupita. Ua ia fusi foʻi le pelu i lona ogāvae taumatau i totonu o lona ofu.+ 17  Ua ia tuuina atu le meaalofa iā Ekelona le tupu o Moapi,+ ma o Ekelona o se tagata e matuā puta tele. 18  Ina ua uma ona ia tuuina atu le meaalofa,+ ona ia aauina ese atu lea o tagata, o ē na aumaia le meaalofa. 19  Ona toe foʻi lea o ia i le mea o iai tupua ua tā i Kilikala,+ ma ia faapea atu: “Le tupu e, e iai se feʻau faalilolilo mo oe.” Ona ia faapea mai lea: “Aua le pisa!” O lea, na ō ai i fafo i latou uma sa tutū i ona tafatafa.+ 20  Ua alu atu Euta iā te ia a o nofo na o ia i lona potu faasavili pito i luga. Ona faapea atu lea o Euta: “Ua iā te aʻu se feʻau mai le Atua mo oe.” Ona ia tulaʻi lea mai i lona nofoālii. 21  Ona tago lea o le lima tauagavale o Euta, ma seʻi mai le pelu mai i lona ogāvae taumatau ma sunuʻi i lona manava. 22  Ua goto atoa le pelu ma lona ʻau i le manava, ma ua lilo ai le pelu ona o le puta o lona manava, auā e na te leʻi seʻiina mai i fafo le pelu, ma ua sau ai i fafo lona otaotavale. 23  Ua alu i fafo Euta e ui atu i le pū e sau ai le savili, ua ia tapuni foʻi faitotoʻa o le potu pito i luga ma loka. 24  Ona ia alu lea i fafo.+ Ua ō mai ana auauna ma suʻe o ia, a ua loka faitotoʻa o lona potu pito i luga. Ona latou faapea ane lea: “Ai o alu i le faleese+ i lona potu faasavili.” 25  Ua latou faatalitali pea, ua oo ina māsiasi i latou, ma faauta! e leai se tasi na te tatalaina faitotoʻa o le potu i luga. Ona latou ave lea o le ki ma tatala ai faitotoʻa, ae faauta! ua paʻū i le eleele lo latou alii, ua oti! 26  A ua sola Euta a o latou faatali pea, ma ua ia ui atu i le mea o iai tupua ua tā+ e sola ai i Seirata. 27  Ina ua taunuu o ia, ona ia ilia lea o le pū+ i le vaega maugā o Efaraima;+ ua ō ifo foʻi le fanauga a Isaraelu faatasi ma ia e ō ese mai i le vaega maugā, ma ua ia taʻitaʻia i latou. 28  Ua ia fai atu iā i latou: “Ia mulimuli mai iā te aʻu,+ auā ua tuuina mai e Ieova o outou fili o Moapi i o outou lima.”+ Ona latou mulimuli atu lea iā te ia, ma ua latou maua asaga+ o Ioritana e feagai ma Moapi, ma e latou te leʻi faatagaina se tasi e ui atu ai. 29  Ua latou fasia foʻi tagata Moapi i lea taimi, pe tusa ma le toʻasefulu afe tamāloloa,+ o tagata uma e malolosi+ ma totoa; ma e leai se tasi na sao.+ 30  Ua faatoʻilaloina Moapi i lima o Isaraelu i lenā aso; ma ua lē toe iai foʻi ni taua i le laueleele mo tausaga e valu sefulu.+ 31  Ua mavae atu o ia, ona tū mai lea o Samekara+ le atalii o Anato, ua ia fasiotia foʻi tane Filisitia+ e toʻaono selau i le tui povi; ma ua ia faaolaina ai Isaraelu.+

Faamatalaga Pito i Lalo

O lenei “meaalofa” atonu o se lafoga na tatau ona totogiina.