Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Faamasino 2:1-23

2  Ona alu aʻe lea o le agelu+ a Ieova mai i Kilikala+ i Pokima+ ma faapea atu: “Na ou aveina aʻe outou mai i Aikupito ma avatu outou i le laueleele na ou tautō ai i o outou augātamā.+ O lea foʻi na ou faapea atu ai, ‘Ou te lē solia lava laʻu feagaiga ma outou.+  A o outou, aua tou te osia se feagaiga ma ē o nonofo i lenei nuu.+ A ia outou talepe i lalo o latou fata faitaulaga.’+ A ua outou lē faalogo i loʻu leo.+ Aiseā ua outou faia ai lenei mea?+  Ona ou faapea atu ai lea, ‘Ou te lē tutuliesea i latou mai i o outou luma, e avea i latou ma mailei iā te outou,+ e avea foʻi o latou atua ma maunu iā te outou.’”+  Ina ua fai atu e le agelu a Ieova nei upu i le fanauga uma a Isaraelu, ona fetagisi leotetele ai lea o le nuu.+  O le mea lea, ua latou faaigoa ai lenā nofoaga o Pokima. Ona latou faia ai lea i inā o le taulaga iā Ieova.  Ina ua aauina ese atu e Iosua le nuu, ona ō lea o le fanauga a Isaraelu i o latou ala, e taʻitasi i lona tofi, e fai mo latou le laueleele.+  Sa auauna pea le nuu iā Ieova i aso uma o Iosua, ma aso uma o toeaina o ē na iai pea ina ua mavae Iosua, o ē na vāai i galuega tetele uma na faia e Ieova iā Isaraelu.+  Ona maliu ai lea o Iosua le atalii o Nuno le auauna a Ieova, i le selau sefulu o ona tausaga.+  Ua latou tanu o ia i le laueleele o lona tofi i Timenata-heresa,+ i le vaega maugā o Efaraima, i le itu i mātū o le Mauga o Kaasa.+ 10  Ona faaopoopoina atu lea o lenā tupulaga uma i o latou tamā+ i le oti, ae tulaʻi mai le isi tupulaga ina ua mavae i latou, o ē e latou te leʻi iloa Ieova po o galuega na ia faia iā Isaraelu.+ 11  Ua faia e le fanauga a Isaraelu mea leaga i le silafaga a Ieova,+ ma ua latou auauna iā Paala.+ 12  Ona latou lafoaʻi lea o Ieova le Atua o o latou tamā o lē na aumaia i latou mai i le nuu o Aikupito,+ ma mulimuli atu i isi atua o tagata na siʻomiaina i latou,+ ua latou ifo foʻi i ai, ma latou faatigā ai iā Ieova.+ 13  Ua latou lafoaʻi iā Ieova ae auauna iā Paala ma tupua o Asaira.+ 14  Ona matuā toʻasā ai lea o Ieova iā Isaraelu,+ ua ia tuuina atu i latou i lima o ē e faomea, ma ua latou faoa a latou mea;+ ua ia faatauina atu i latou i lima o o latou fili o loo siʻomia ai i latou,+ ma ua lē mafai foʻi ona latou tutū atu i o latou fili.+ 15  O mea uma na latou ō atu i ai, ua teena ai i latou e le aao o Ieova ma oo i ai mala,+ e pei ona fetalai mai ai Ieova, e pei foʻi ona tautō ai Ieova iā i latou;+ ua latou matuā puapuagatia+ foʻi. 16  Ona faatūina lea e Ieova o faamasino,+ o ē na faaolaina i latou mai i lima o ē na faoa a latou mea.+ 17  E oo lava i o latou faamasino e leʻi faalogo i ai, a ua latou faia feusuaʻiga lē mamā+ ma isi atua+ ma ifo i ai. Ua vave ona latou liliuese mai i le ala na savavali ai o latou augātamā, o ē na usiusitaʻi i poloaʻiga a Ieova.+ Latou te leʻi faia faapena. 18  Na faatasi Ieova i le faamasino ina ua faatūina e Ieova o faamasino+ e taʻitaʻia i latou, na ia faaolaina i latou mai i lima o o latou fili i aso uma o le faamasino; auā ua faanoanoa+ Ieova i lo latou ōi ona o ē e faasauā,+ ma ē na faatigā iā i latou. 19  Ua oo ina oti le faamasino ona latou liliu lea ma fai mea e sili atu ona leaga nai lo o o latou tamā, i lo latou mulimuli atu i isi atua, ua auauna ma ifo iā i latou.+ E latou te leʻi ʻaloese mai i a latou amioga leaga ma lo latou faauamaaa.+ 20  Ua matuā toʻasā+ Ieova iā Isaraelu, ma ua fetalai mai: “Ona ua solia e lenei nuu o laʻu feagaiga+ na ou poloaʻi ai i o latou augātamā ma ua lē faalogo i loʻu leo,+ 21  o le mea lea, ou te lē toe tulia ai mai i o latou luma o se nuu e tasi o nuu na tuua e Iosua ina ua maliu o ia,+ 22  ina ia latou tofotofo+ ai Isaraelu pe e latou te tausia ala o Ieova i lo latou savavali ai, e pei ona tausia e o latou tamā, pe leai.” 23  O le mea lea na tuu ai pea e Ieova o nei nuu, e leʻi vave tutuliesea i latou,+ e na te leʻi tuuina atu foʻi i latou i lima o Iosua.

Faamatalaga Pito i Lalo