Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faamasino 18:1-31

18  Sa leai se tupu i Isaraelu+ i na aso. O aso foʻi ia na saʻili ai le ituaiga o Tanu+ mo se tofi e latou te nonofo ai i inā; auā e oo mai lava i na aso, e leʻi maua so latou tofi faatasi ma ituaiga o Isaraelu.+  Ua aauina atu e le fanauga a Tanu ni tagata se toʻalima mai i o latou aiga, o tagata mai iā i latou, o ni tagata totoa mai i Soraa+ ma Esetaola,+ ina ia ō atu faalilolilo e mataʻi+ le laueleele ma vaavaai i ai. Ua latou fai atu iā i latou: “Inā ō ia e vaavaai i le laueleele.” Ona latou ō lea i le vaega maugā o Efaraima+ e oo atu i le fale o Mika,+ ma ua momoe ai i le pō.  A o latou latalata atu i le fale o Mika, na latou mātauina ai le leo o le tauleʻaleʻa, o le sa Levī, ona latou afe ane ai lea i inā. Ua latou faapea atu iā te ia: “O ai na aumaia oe i inei, o le ā lau mea o fai i inei, ma aiseā foʻi ua e iai i inei?”  Ona fai mai lea o ia iā i latou: “O le mea lenei ua faia e Mika iā te aʻu, ua ia totogi aʻu+ ina ia ou auauna ai o se ositaulaga+ mo ia.”  Ona latou faapea atu lea iā te ia: “Faamolemole, ia e fesili+ atu i le Atua+ ina ia matou iloa pe e taulau manuia le ala o loo matou ui ai.”  Ua fai mai le ositaulaga iā i latou: “Inā ō ia ma le filemu. O loo silafia e Ieova le ala o loo outou ui ai.”  Ona ō ai lea o ia tagata e toʻalima ua taunuu i Laisa,+ ma iloa ai o loo ola tutoʻatasi tagata o le aai e pei o le masani a tagata Saitonu, e fifilemu ma e lē masalosalo,+ e leai foʻi se pule sauā na faaleagaina mea i le nuu, a o mamao ese lava i latou mai i tagata Saitonu,+ ma e latou te lē faifaimea faatasi foʻi ma isi tagata.  Mulimuli ane, ona latou taunuu mai lea i o latou uso i Soraa+ ma Esetaola,+ ma ua fai mai o latou uso iā i latou: “O le ā sa outou tala?”  Ua latou fai atu: “Inā tutulaʻi ia, ma tatou ō aʻe e tau ma i latou; auā ua matou iloa le laueleele, faauta! e matuā lelei lava.+ A ua outou faatalatū. Aua neʻi faatuai e ō atu e nonofo i le laueleele.+ 10  A outou ō atu, e tou te ō atu i tagata e lē masalosalo,+ ma e matuā lautele lava le laueleele; auā ua tuuina mai e le Atua i o outou lima+ o se nofoaga e leai se mea e tasi o i le lalolagi e mativa ai.”+ 11  Ona ō ese ai lea mai i inā i Soraa ma Esetaola+ o tagata e toʻaono selau ua faaauupegaina mo le taua, mai i le aiga o ituaiga o Tanu.+ 12  Ua latou ō aʻe i lo latou ala ma tolauapi i Kiriata-iarima+ i Iuta. O le mea lea na faaigoa ai lenā nofoaga o Maane-tanu+ e oo mai i aso nei. Faauta! O loo i le itu i sisifo o Kiriata-iarima. 13  Ua mavae lea mea, ona latou ō atu ai lea i le vaega maugā o Efaraima ma ua oo atu lava i le fale o Mika.+ 14  Ona tali mai lea o tagata e toʻalima o ē na ō atu faalilolilo e mataʻi+ le laueleele o Laisa,+ ua latou fai mai i o latou uso: “Pe tou te iloa ea, o loo iai i nei fale le efota, o le faatagata,+ o le faatusa ua tā,+ ma le tupua uʻamea?+ Ia outou filifili po o le ā le mea e fai.”+ 15  Ona latou afe ane lea i inā, ua oo atu i le fale o le tauleʻaleʻa, o le sa Levī,+ i le fale o Mika, ma fesili i ai po o faapefea+ mai o ia. 16  I le taimi lea, o loo tutū ai i le faitotoʻa tagata e toʻaono selau ua faaauupegaina mo le taua+ mai i le fanauga a Tanu.+ 17  Ua ō aʻe tagata e toʻalima o ē na ō atu faalilolilo e mataʻi le laueleele,+ ina ia latou ulu atu e ave le faatusa ua tā,+ o le efota,+ o le faatagata,+ ma le faatusa uʻamea.+ (O loo tutū i le faitotoʻa o le pā ia le ositaulaga+ ma tagata e toʻaono selau ua faaauupegaina mo le taua.) 18  Ua ō atu i latou nei i le fale o Mika ma ave le faatusa ua tā, le efota, le faatagata, ma le faatusa uʻamea.+ Ona fai mai lea o le ositaulaga+ iā i latou: “O le ā la outou mea ua fai?” 19  A ua latou fai atu iā te ia: “Inā faalologo ia. Tuu lou lima i lou gutu, ma sau tatou ō e fai oe ma tamā+ ma ositaulaga+ mo i matou. O fea e sili, o le fai pea o oe ma ositaulaga i le aiga o le tagata e toʻatasi,+ po o le fai o oe ma ositaulaga i se ituaiga ma se aiga i Isaraelu?”+ 20  Ona fiafia+ lea o le loto o le ositaulaga, ma ua ia ave le efota, o le faatagata, ma le faatusa ua tā,+ ma ua ō faatasi ma le nuu. 21  Ona latou toe liliu lea ma ō atu i lo latou ala, ua faamuamua i o latou luma o tamaiti, o lafumanu, ma mea tāua.+ 22  Ina ua mamao ese i latou mai i le fale o Mika, ona faapotopoto faatasi ai lea o tagata o ē e latalata ane o latou fale i le fale o Mika,+ ma taumafai e tuliloa le fanauga a Tanu. 23  Ina ua latou valaau atu pea i le fanauga a Tanu, ona latou liliu mai lea ma faapea mai iā Mika: “O le ā le mea ua tupu iā te oe+ ua e faapotopoto faatasi ai nei tagata?” 24  Ona ia fai atu lea: “Ua outou ave oʻu atua+ na ou faia,+ o le ositaulaga+ foʻi, ma outou ō atu i lo outou ala, o le ā le mea o totoe iā te aʻu?+ Ae faapefea ona outou fai mai iā te aʻu, ‘O le ā le mea ua tupu iā te oe?’ ” 25  Ona fai mai lea o le fanauga a Tanu iā te ia: “Aua neʻi o matou lagona atu lou leo, ina neʻi faasauā atu iā te outou tagata ua tigā o latou loto,+ ona faaumatia ai lea o oe ma lou aiga.” 26  Ua faaauau pea le fanauga a Tanu i lo latou ala; ua iloa foʻi e Mika e malolosi atu i latou i lo o ia,+ ona liliu lea ma toe foʻi i lona fale. 27  A o i latou, ua latou ave mea na faia e Mika ma lana ositaulaga,+ ma ō atu pea e agaʻi i Laisa,+ e siitaua i tagata o loo fifilemu ma e lē masalosalo.+ Ua latou fasiotia foʻi i latou i le pelu+ ma susunu le aai i le afi.+ 28  Sa leai sē e laveaʻiina i latou auā ua mamao ese lava mai i Saitonu,+ e leʻi faifaimea faatasi i latou ma isi tagata; o le aai lea e i le fanua laugatasi i Petereopa.+ Ona latou fausia lea o le aai ma nonofo ai.+ 29  Ua latou faaigoa foʻi le aai iā Tanu o le igoa lea o lo latou tamā o Tanu,+ o lē na fanau mai iā Isaraelu.+ Ae o le igoa muamua o le aai, o Laisa.+ 30  Ua mavae lenā, ona faatūina lea e le fanauga a Tanu o le faatusa ua tā+ mo i latou; o Ionatana+ foʻi le atalii o Keresoma,+ le atalii lea o Mose, o ia ma ona atalii sa fai ma ositaulaga i le ituaiga o le fanauga a Tanu, e oo atu i le aso na ave faapagota+ ai le nuu. 31  Ua latou taofia le faatusa ua tā na faia e Mika, ma faatūina mo i latou i aso uma na iai le fale+ o le Atua moni i Sailo.+

Faamatalaga Pito i Lalo