Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Faamasino 17:1-13

17  Sa iai i le vaega maugā o Efaraima+ le tasi tagata, o lona igoa o Mika.  Sa ia fai atu i lona tinā: “O tupe siliva e afe selau ia na aveesea mai iā te oe, ia foʻi na e fetuuina,+ ma na ou faalogo na e faapea ane, faauta! ua iā te aʻu tupe siliva. O aʻu lea na ou avea.”+ Ona fai mai lea o lona tinā: “Ia faamanuia Ieova iā te oe laʻu tama.”+  Ona ia faafoʻi lea o tupe siliva e afe selau i lona tinā;+ ona faapea mai lea o lona tinā: “Ou te faapaiaina tupe siliva iā Ieova mai i loʻu lima mo laʻu tama, ina ia fai ai se faatusa ua tā+ ma se tupua uʻamea;+ o lenei, ou te toe avatu iā te oe.”  Ona ia toe faafoʻi lea o tupe siliva i lona tinā, ma ua ave e lona tinā le lua selau tupe siliva ma avatu i le tagata e faia mea siliva.+ Ua ia faia ai le faatusa ua tā+ ma le tupua uʻamea;+ ma sa iai i le fale o Mika.  Na iai iā Mika se fale o atua,+ ma ua ia faia le efota+ ma le faatagata,*+ ua ia tuuina atu i se tasi o ona atalii le pule+ ina ia auauna ai o se ositaulaga mo ia.+  Sa leai se tupu i Isaraelu+ i na aso. Sa taʻitasi i latou uma ma fai le mea ua tonu i lona manatu e pei ona masani ai.+  O lea, sa iai se tauleʻaleʻa mai i Peteleema+ i Iuta o le aiga o Iuta, o ia foʻi o le sa Levī.+ Sa nofo ai o ia i inā mo sina taimi.  Ua alu atu le tauleʻaleʻa mai i le aai o Peteleema i Iuta, e suʻe po o fea lava se mea e maua e nofo ai mo sina taimi. A o alu atu o ia, ua taunuu i le vaega maugā o Efaraima i le fale o Mika.+  Ona fai atu lea o Mika iā te ia: “O fea e te sau ai?” A ua ia fai mai iā te ia: “O aʻu o le sa Levī mai i Peteleema i Iuta, ma ou te alu e suʻe po o fea lava se mea e maua ou te nofo ai mo sina taimi.” 10  Ona fai atu lea o Mika iā te ia: “Sau ta nonofo ma fai oe ma oʻu tamā+ ma ositaulaga+ mo aʻu, a ou te avatu iā te oe o tupe siliva e sefulu i le tausaga ma ofu masani, ma au meaʻai.” Ona alu atu ai lea o le sa Levī. 11  Ua lotomalie le sa Levī e nonofo ma le tagata, ma na avea foʻi le tauleʻaleʻa e pei o se tasi o ona atalii. 12  Ona tuuina atu lea e Mika o le pule+ i le sa Levī, ina ia auauna ai le tauleʻaleʻa o se ositaulaga+ mo ia, ma ia iai pea i le fale o Mika. 13  Ona faapea ane lea o Mika: “Ua ou iloa nei ua faamanuia aʻu e Ieova, auā ua avea le sa Levī ma ositaulaga mo aʻu.”+

Faamatalaga Pito i Lalo

I le gagana Eperu, o le “terafimi” o lona uiga o atua po o tupua o le aiga.