Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faamasino 14:1-20

14  Ona alu ifo lea o Samasoni i Timenata,+ ma iloa ai se fafine Timenata i fanau teine a Filisitia.  Ua alu aʻe o ia ma taʻu atu i lona tamā ma lona tinā e faapea: “Ua ou iloa se fafine i Timenata i fanau teine a Filisitia, o lenei, ia aumai o ia e fai ma aʻu avā.”+  A ua fai mai lona tamā ma lona tinā iā te ia: “Pe e leai ea se fafine i afafine o ou uso ma loʻu nuu uma,+ ua e alu ai e fai avā i tagata Filisitia e lē peritomeina?”+ A ua fai atu pea Samasoni i lona tamā: “Ia aumai o ia iā te aʻu, auā e na o ia lava ou te fiafia i ai.”  Ae e leʻi iloa e lona tamā ma lona tinā e mai iā Ieova+ lenei mea, ina ia maua ai se avanoa e tau ai ma Filisitia, auā o le taimi lenā o loo pule ai Filisitia iā Isaraelu.+  Ona ō ifo lea o Samasoni, o lona tamā, ma lona tinā i Timenata.+ Ina ua ia oo atu i togāvine o Timenata, faauta! o se leona taanoa o loo tagi ina ua la fetaiaʻi.  Ona osofia lea o ia e le agaga o Ieova,+ ma ia saeluaina le leona e pei ona saeluaina o se tamaʻi ʻoti poʻa, ae e leai lava se mea i lona lima. E na te leʻi taʻuina atu i lona tamā po o lona tinā le mea ua na faia.  Ua alu atu pea o ia i lona ala, ma tautala atu i le fafine; ma na fiafia pea Samasoni iā te ia.+  Ua mavae sina taimi, ua toe foʻi o ia e ave le fafine i le fale.+ Ona ia afe lea e vaavaai i le tino mate o le leona, ua mumu i ai lagomeli, ma ua iai foʻi le meli+ i le tino mate o le leona.  Ua ia sali le meli i lona lima ma ʻai, a o ia savali.+ Ina ua latou toe faatasi ma lona tamā ma lona tinā, ona ia avatu lea o le meli iā i laʻua, ma ua la aai ai. E na te leʻi taʻuina atu iā i laʻua o le tino mate o le leona lea na ia sali mai ai le meli. 10  Ona ō ifo lea o Samasoni ma lona tamā i le fafine, ma na faia ai e Samasoni i inā se faigaʻai;+ auā o le mea lea sa masani ona fai e tauleleʻa. 11  Ina ua latou iloa o ia, ona latou avatu loa lea o uō sili e toʻatolu sefulu a le alii faaipoipo, e faatasi ma ia. 12  Ua fai atu Samasoni iā i latou: “Faamolemole, seʻi ou fai atu iā te outou laʻu tupua.+ Afai e mafai ona outou faamatala mai iā te aʻu lona uiga i aso e fitu+ o le faigaʻai, ona ou avatu lea iā te outou o ofu i totonu e tolu sefulu, ma ofu tetele e tolu sefulu.+ 13  Ae afai tou te lē mafai ona faailoa mai iā te aʻu lona uiga, ona outou aumai lea iā te aʻu o ofu i totonu e tolu sefulu, ma ofu tetele e tolu sefulu.” Ona latou fai mai lea iā te ia: “Faamatala mai lau tupua, a o matou faalogologo atu i ai.” 14  Ona ia fai atu lea iā i latou: “Na sau le meaʻai mai i lē e ʻaina mea,+ Na sau foʻi le mea suamalie mai i lē e malosi.”+ E leʻi mafai ona latou faamatalaina le tupua mo aso e tolu. 15  Ua oo i le aso lona fā, ona latou faapea ane lea i le avā a Samasoni: “Ia e faaōleōle lau tane e taʻu mai iā i matou le tupua.+ Afai e leai, e matou te susunuina oe ma le aiga o lou tamā i le afi.+ Pe na outou valaaulia ea i matou i inei ina ia faoa a matou mea?”+ 16  Ona tagi lea o le avā a Samasoni iā te ia,+ ma faapea atu: “Ua na ona e ʻinoʻino mai lava iā te aʻu, e te lē alofa mai iā te aʻu.+ Ua e fai atu le tupua i tagata o loʻu nuu,+ ae e te leʻi taʻu mai lava iā te aʻu.” Ona fai mai lea o ia iā te ia: “Aiseā ou te taʻu atu ai iā te oe, ae ou te leʻi taʻuina atu lava i loʻu tamā ma loʻu tinā?”+ 17  A ua tagi pea o ia iā Samasoni i aso e fitu na fai ai le faigaʻai mo i latou, ua iʻu ina ia taʻu atu i le fafine i le aso lona fitu, auā ua ia faatauanau pea iā te ia.+ Ona taʻu atu lea e le fafine o le tupua i tagata o lona nuu.+ 18  Ona faapea mai lea o tagata o le aai iā Samasoni i le aso lona fitu, a o leʻi alu atu o ia i le potu pito i totonu:+ “O le ā se mea e suamalie atu i le meli, O le ā foʻi se mea e malosi atu i le leona?”+ Ona ia faapea atu lea iā i latou: “Ana outou lē suatia le fanua i laʻu tamaʻi povi,+ Semanū e tou te lē mateʻia laʻu tupua.”+ 19  Ua osofia o ia e le agaga o Ieova,+ ona alu ifo lea o ia i Asekelona+ ma fasiotia tagata e toʻatolu sefulu o i latou, ua ia ave ofu e tolu sefulu na ia aveesea mai iā i latou, ma avatu i ē na mateʻia le tupua.+ Ua matuā ita lava o ia, ma ua alu atu i le fale o lona tamā. 20  A ua ave le avā+ a Samasoni ma lana uō sili,+ o lē sa faatasi ma ia.

Faamatalaga Pito i Lalo