Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Faamasino 13:1-25

13  Ua toe faia foʻi e le fanauga a Isaraelu le mea e leaga i silafaga a Ieova,+ ona tuuina atu ai lea o i latou e Ieova i lima o Filisitia+ mo tausaga e fā sefulu.  O le taimi lenā, sa iai se tasi tagata o Soraa+ mai i le aiga o Tanu,+ o Manoa+ lona igoa. Sa pā lana avā, e leʻi fanauina e ia se tama.+  Ona faaali mai lea o le agelu a Ieova i le fafine,+ ma fai mai iā te ia: “Faauta, o oe e pā, e te leʻi fanauina se tama. O le a e tō ma fanau mai se tama.+  O lenei, ia e faaeteete faamolemole, aua neʻi e inu i se uaina po o se ʻava malosi,+ aua foʻi e te ʻai i se mea e lē mamā.+  Faauta! o le a e tō ma e fanaua se tama tama, e lē oo foʻi se tafi i lona ulu,+ auā e avea le tama ma Naseri+ i le Atua pe a fanau mai;+ ma o ia foʻi e na te taʻimua i le faaolaina o Isaraelu mai i lima o tagata Filisitia.”+  Ona alu lea o le fafine ma faapea atu i lana tane: “Sa iai se tagata o le Atua moni na sau iā te aʻu, o lona tino mai sa pei o le tino mai o le agelu a le Atua moni,+ e mataʻutia+ lava. Ou te leʻi fesili i ai po o fea e sau ai o ia, e na te leʻi taʻuina mai foʻi lona igoa.+  A ua fai mai o ia iā te aʻu, ‘Faauta! O le a e tō ma e fanauina lava se tama tama.+ O lenei, aua neʻi e inu i se uaina po o se ʻava malosi, aua foʻi e te ʻai i se mea e lē mamā, auā e avea le tama ma Naseri i le Atua mai i lona fanau mai e oo i le aso e oti ai.’”+  Ua faatoga atu Manoa iā Ieova e faapea: “Faamolemole Ieova e.+ O le tagata o le Atua moni lea na e auina mai, seʻi toe sau lava e faailoa+ mai iā i maʻua le mea e ma te faia i le tama o le a fanau mai.”+  Ua faafofoga le Atua moni i le leo o Manoa,+ ona toe sau ai lea o le agelu a le Atua moni i le fafine a o nofo i le fanua, ae e leʻi iai Manoa lana tane faatasi ma ia. 10  Ona tamoʻe vave atu loa lea o le fafine ma taʻu atu i lana tane,+ ma faapea atu iā te ia: “Faauta! Ua toe faaali mai iā te aʻu le tagata lea na sau iā te aʻu i le isi aso.”+ 11  Ona tulaʻi lea o Manoa ma ō atu faatasi ma lana avā i le tagata, ua ia faapea atu iā te ia: “Po o oe le tagata lea na tautala i le fafine?”+ ua fai mai o ia: “O aʻu lava lea.” 12  Ona fai atu lea o Manoa: “O lenei, ia taunuu lava au upu. E faapefea ona tausia aʻe le tama, ma o le ā le mea e na te faia?”+ 13  Ona fai mai lea o le agelu a Ieova iā Manoa: “O mea uma na ou fai atu ai i le fafine, ia tausia e ia.+ 14  Aua neʻi ʻai i se mea e faia mai i le vine, pe inu i le uaina po o le ʻava malosi,+ pe ʻai foʻi i so o se mea e lē mamā.+ O mea uma ua ou poloaʻi atu ai, ia tausia e ia.”+ 15  Ona fai atu lea o Manoa i le agelu a Ieova: “Seʻi o ma taofi iā te oe, seʻi sauni mo oe se tamaʻi ʻoti.”+ 16  A ua fai mai le agelu a Ieova iā Manoa: “Afai e te taofia aʻu, ou te lē ʻai i lau falaoa; ae afai e te faia ai se taulaga mū iā Ieova,+ ia e faia lava.” Auā e leʻi iloa e Manoa o le agelu lava lea a Ieova. 17  Ona fai atu lea o Manoa i le agelu a Ieova: “O ai lou igoa,+ ina ia o ma vivii atu ai iā te oe pe a taunuu au upu?” 18  A ua fai mai le agelu a Ieova iā te ia: “Aiseā ua e fesili ai i loʻu igoa, auā e ofoofogia?” 19  Ona ave lea e Manoa o le tamaʻi ʻoti ma le taulaga i meaʻai ma ofo atu i luga o le papa iā Ieova.+ Ua Ia faia se mea ofoofogia a o vaavaai atu Manoa ma lana avā. 20  O lea, a o alu aʻe le mumū o le afi i le lagi mai i le fata faitaulaga, ona alu aʻe ai lea o le agelu a Ieova i le mumū o le afi mai i le fata faitaulaga, a o vaavaai atu+ Manoa ma lana avā. Ona la faapaʻuʻū faō ai lea i le eleele.+ 21  E leʻi toe faaali mai lava le agelu a Ieova iā Manoa ma lana avā. Ona iloa ai lea e Manoa, o le agelu lava lea a Ieova.+ 22  Ua fai atu Manoa i lana avā: “O le a ta feoti+ nei, auā ua ta vāai i le Atua.”+ 23  A ua fai mai lana avā iā te ia: “Afai e finagalo Ieova e fasiotia i taʻua, semanū e na te lē talia le taulaga mū ma le taulaga i meaʻai mai i o ta lima,+ semanū e na te lē faaalia mai foʻi nei mea uma iā i taʻua, ma e na te lē faatagaina foʻi i taʻua e faalogo i mea ua ta faalogo ai nei.”+ 24  Mulimuli ane, ona fanaua lea e le fafine o le tama tama, ua faaigoa iā Samasoni;+ ua tuputupu aʻe le tama, ma ua faamanuia atu pea Ieova iā te ia.+ 25  Ua amata ona faagaeetia o ia e le agaga o Ieova+ i Maane-tanu+ i le va o Soraa+ ma Esetaola.+

Faamatalaga Pito i Lalo