Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faamasino 1:1-36

1  Ua mavae le oti+ o Iosua, ona fesili+ ai lea o le fanauga a Isaraelu iā Ieova, ua faapea atu: “O ai o i matou e alu aʻe muamua i tagata Kanana e tau ma i latou?”  Ona fetalai mai lea o Ieova: “E alu aʻe Iuta.+ Faauta! Ou te tuuina atu le laueleele i lona lima.”  Ona fai atu lea o Iuta iā Simeona lona uso: “Seʻi o ta ō aʻe i loʻu tofi+ ma ta siitaua i tagata Kanana, ona ta ō atu foʻi lea i lou tofi.”+ Ona alu ai lea o Simeona faatasi ma ia.+  Ua alu aʻe Iuta, ona tuuina atu lea e Ieova o tagata Kanana ma tagata Perisē i o latou lima,+ ma ua latou faatoʻilaloina i latou i Piseka, e toʻasefulu afe tane.  Ina ua latou maua Atonipiseka i Piseka, ona latou tau ai lea ma ia ma faatoʻilaloina tagata Kanana+ ma tagata Perisē.+  Ua sola ese Atonipiseka, a ua latou tuliloa o ia ma puʻe iā te ia, ona latou tipiesea lea o ona lima matua ma ona vae matua.  Ona faapea ane lea o Atonipiseka: “E toʻafitu sefulu tupu na tatipi ese o latou lima matua ma o latou vae matua, na samusamu i lalo o laʻu laulauʻai. E pei o le mea na ou faia, ua faapea ona toe taui mai e le Atua iā te aʻu.”+ Mulimuli ane, ona latou ave lea o ia i Ierusalema,+ ma ua oti ai i inā.  E lē gata i lea, ua siitaua atu le fanauga a Iuta iā Ierusalema+ ma faatoʻilalo i ai, ua latou fasia i le pelu, ma latou susunuina le aai i le afi.  Mulimuli ane, ona ō ifo lea o le fanauga a Iuta e siitaua i tagata Kanana o ē o loo nonofo i vaega maugā, ma laufanua o Nekepi+ ma Sefila.+ 10  Ona ō atu lea o le fanauga a Iuta e tau ma tagata Kanana o ē o loo nonofo i Heperona+ (o le igoa muamua o Heperona o Kiriata-arapa),+ ua latou ō atu ma fasi iā Sesai, o Aimano ma Talemai.+ 11  Ua latou ō atu mai i inā e tau ma ē o loo nonofo i Tiperi.+ (O le igoa muamua o Tiperi o Kiriata-sapera.)+ 12  Ona faapea atu lea o Kalepo:+ “O le tagata e na te fasia Kiriata-sapera ma faatoʻilalo i ai, ou te avatu iā te ia loʻu afafine o Akesa+ e fai ma ana avā.”+ 13  Ona faatoʻilaloina lea o le aai e Otinielu+ le atalii o Kinasa+ le uso laʻitiiti o Kalepo.+ Ua ia avatu foʻi Akesa lona afafine e fai ma ana avā.+ 14  Ina ua alu Akesa i le fale, sa ia faaoso pea iā Otinielu e talosaga atu mo se fanua mai lona tamā. Ona pati lea o lima o Akesa a o tiʻetiʻe i le asini.+ Ua fai atu Kalepo iā te ia: “O le ā le mea e te manaʻo ai?” 15  Ua faapea mai Akesa iā te ia: “Ia tuuina mai iā te aʻu se faamanuiaga,+ auā ua e tuuina mai iā te aʻu se fasi fanua i le itu i saute, ma e ao foʻi ona e tuuina mai iā te aʻu o Kulomaima.” Ona tuuina atu lea e Kalepo iā te ia o Kulo i Luga+ ma Kulo i Lalo. 16  Ona ō aʻe lea o le fanauga a Keni,+ o le tamā lea o le avā a Mose,+ mai i le aai o laau pama+ faatasi ma le fanauga a Iuta i le toafa o Iuta lea e i le itu i saute o Arata.+ Ua latou ō atu ma nonofo faatasi ma le nuu.+ 17  Ae na alu atu Iuta faatasi ma Simeona lona uso, ma fasiotia tagata Kanana na nonofo i Seifata ma faaumatia ai.+ Ona faaigoa ai lea o lea aai o Horema.+ 18  Mulimuli ane, ua faatoʻilaloina e Iuta o Kasa+ ma ona laueleele, o Asekelona+ ma ona laueleele, ma Ekerona+ ma ona laueleele. 19  Sa faatasi pea Ieova ma Iuta, ona nofo lea o ia i le vaega maugā, ae e leʻi mafai ona ia tuliesea tagata na nonofo i fanua laugatasi, auā e iai a latou kariota o le taua+ e iai uʻamea maamaʻai.+ 20  Ina ua latou avatu iā Kalepo o Heperona, e pei ona folafola atu e Mose,+ ona ia tutuliesea lea mai i inā o atalii e toʻatolu o Anaki.+ 21  E leʻi tutuliesea e le fanauga a Peniamina o tagata Iepusē na nonofo i Ierusalema;+ ae na nonofo pea tagata Iepusē faatasi ma le fanauga a Peniamina i Ierusalema e oo mai i aso nei.+ 22  Ua ō aʻe foʻi le fanauga a Iosefa+ e siitaua atu i Peteli,+ ma na faatasi Ieova ma i latou.+ 23  Ona ō atu faalilolilo lea o le fanauga a Iosefa e mataʻi+ Peteli (o le igoa muamua o lea aai o Lusa),+ 24  ua iloa atu e tagata vāai se tamāloa o sau mai i le aai. Ona latou faapea atu lea iā te ia: “Faamolemole, seʻi e faasino mai iā i matou le ala i le aai, ona matou agalelei atu lea iā te oe.”+ 25  Ua faasino atu e le tamāloa iā i latou le ala i le aai; ona latou ō atu lea ma osofaʻia le aai i le pelu,+ ae tuu atu le tamāloa ma lona aiga uma e ō.+ 26  Ua alu atu le tamāloa i le nuu o tagata Hetī+ ma fausia ai se aai ma faaigoa o Lusa. O le igoa lea o le aai e oo mai i aso nei. 27  E leʻi maua e le fanauga a Manase+ o Peteseana+ ma ona tamaʻi aai, o Tanaka+ ma ona tamaʻi aai, o ē na nonofo i Toro+ ma ona tamaʻi aai, o ē na nonofo i Ipelamo+ ma ona tamaʻi aai, o ē na nonofo i Mekito+ ma ona tamaʻi aai, ae ua maumauaʻi tagata Kanana e nonofo pea i lea laueleele.+ 28  Ua oo ina matuā malolosi+ tagata Isaraelu, ona latou faatigāina lea o tagata Kanana i galuega mamafa,+ ae latou te leʻi matuā tutuliesea i latou.+ 29  E leʻi tutuliesea e le fanauga a Efaraima tagata Kanana o ē na nonofo i Kasera, ae na nonofo pea tagata Kanana faatasi ma i latou i Kasera.+ 30  E leʻi tutuliesea e le fanauga a Sepulona+ ē na nonofo i Kiterona ma ē na nonofo i Naalolo,+ ae na nonofo pea tagata Kanana faatasi ma i latou,+ ma faamalosia i latou e fai galuega mamafa.+ 31  E leʻi tutuliesea e le fanauga a Asera+ tagata na nonofo i Ako, o ē na nonofo i Saitonu,+ o Ailava, o Akasepa,+ o Helipa, o Afika+ ma Reopa.+ 32  Na nonofo pea le fanauga a Asera faatasi ma tagata Kanana o ē na nonofo i le nuu, auā latou te leʻi tutuliesea i latou.+ 33  E leʻi tuliesea e Nafatali+ o ē na nonofo i Petesemesa ma ē na nonofo i Peteanata,+ ae na latou nonofo pea ma tagata Kanana o ē na nonofo i le nuu;+ ona faia lea e ē na nonofo i Petesemesa ma Peteanata a latou galuega mamafa.+ 34  Na tetee malosi atu pea tagata Amorī i le fanauga a Tanu+ ia nonofo i vaega maugā, auā e latou te leʻi faatagaina i latou e ō ifo i le fanua laugatasi.+ 35  Na maumauaʻi tagata Amorī e nonofo i le Mauga o Heresa, i Ailona,+ ma Salapima.+ A ua malolosi tele lima o le fanauga a Iosefa, ona faamalosia ai lea o i latou e fai galuega mamafa.+ 36  O le laueleele o tagata Amorī sa amata mai i le aʻega o Akarava,+ e mai i Sela e agaʻi i luga.

Faamatalaga Pito i Lalo