Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Esoto 9:1-35

9  Ona fetalai mai lea o Ieova iā Mose: “Ia e alu iā Farao ma e fai atu iā te ia,+ ‘O le mea lenei ua fetalai mai ai Ieova le Atua o tagata Eperu: “Ia tuu mai loʻu nuu e ō ina ia latou auauna mai iā te aʻu.  Peitaʻi, afai e faaauau ona e musu e tuu mai i latou e ō, ma ua e taofia pea i latou,+  o le mea lea, o le a oo mai ai le aao+ o Ieova i au manu+ i le fanua. E oo le faamaʻi mataʻutia i solofanua, i asini, i kamela, i lafu povi, ma lafu mamoe.+  E faaesea e Ieova lafumanu a tagata Isaraelu ma lafumanu a tagata Aikupito, ma e lē mate se mea e tasi a le fanauga a Isaraelu.” ’ ”+  Ua faatulaga foʻi e Ieova le taimi e faapea: “O a taeao o le a faia ai e Ieova lenei mea i lenei laueleele.”+  Ona faia lea e Ieova o lenei mea i le aso na sosoo ai, ma ua mamate uma ai manu eseese a Aikupito;+ ae e leai ma se manu a le fanauga a Isaraelu ua mate.  Ua aauina atu e Farao ana auauna e vaai le mea ua tupu, ae ua leai ma se manu a tagata Isaraelu ua mate. E ui i lea ua faamaaa pea e Farao lona loto,+ ma ua ia lē tuu mai le nuu e ō.  Ua mavae lea, ona fetalai mai lea o Ieova iā Mose ma Arona: “Ia faatutumu o oulua lima i lefulefu mai i le ogaumu,+ ma ia togi faasalalau solo agaʻi i le lagi e Mose, i luma o Farao.  E avea le lefulefu ma pauta i le atunuu atoa o Aikupito, e avea foʻi ma maʻi sua ogaoga+ i tagata ma manu i le atunuu atoa o Aikupito.” 10  Ua la ave le lefulefu mai i le ogaumu ma tutū i luma o Farao, ona togi lea e Mose o le lefulefu i le lagi, ona avea ai lea ma maʻi sua ogaoga+ ua tutupu i tagata ma manu. 11  Ua lē mafai ona tutū ositaulaga o ē e faia faiga faaagaga i luma o Mose ona o maʻi sua, auā ua tutupu maʻi sua i ositaulaga o ē e faia faiga faaagaga, ma tagata uma o Aikupito.+ 12  A ua tuu pea e Ieova Farao i lona lotomaaa, ua lē faalogo o ia iā i laʻua, e pei ona fetalai mai ai Ieova iā Mose.+ 13  Ua fetalai mai Ieova iā Mose: “Ia e usupō i le taeao ma tū i luma o Farao,+ ma e fai atu iā te ia, ‘O le mea lenei ua fetalai mai ai Ieova le Atua o tagata Eperu: “Ia tuu mai loʻu nuu e ō ina ia latou auauna mai iā te aʻu.+ 14  Auā o le taimi nei ou te auina atu ai aʻu mala iā te oe, i au auauna, ma ou tagata, ina ia e iloa ai, e leai se tasi e tusa ma aʻu i le lalolagi atoa.+ 15  E mafai ona ou tuu atu loʻu lima e taia ai oe ma ou tagata i le faamaʻi, ma soloiesea oe mai i lenei lalolagi.+ 16  Ae o le mea lenei ua ou tuu ai pea oe ia e ola,+ ina ia ou faaali atu ai iā te oe loʻu mana, ma faailoa atu loʻu igoa i le lalolagi uma.+ 17  Po o ua e faasausili pea i loʻu nuu i le lē tuu mai o i latou e ō?+ 18  O le mea lea, ou te faatotō ifo ai le uatoʻa mamafa tele i le taimi faapenei a taeao, e leʻi faapea ona iai muamua i Aikupito, mai lava i le aso na amata ai ona ʻainā seʻia oo mai i le asō.+ 19  Ia aauina atu nisi o au auauna e aumai au lafu, ma mea uma o iā te oe i le fanua i se mea e malu ai. O se tagata po o se manu e maua i le fanua e leʻi aumaia i le fale, o le a oo le uatoʻa+ iā i latou ma fano ai.” ’ ” 20  O so o se tasi o auauna a Farao ua mataʻu i le fetalaiga a Ieova, ua vave lava ona ia aumaia ana auauna ma ana manu i fale,+ 21  a o sē ua lē manatu i fetalaiga a Ieova, ua tuu pea ana auauna ma ana lafu i le fanua.+ 22  Ua fetalai mai Ieova iā Mose: “Ia faaloaloa lou lima+ i le lagi, ina ia oo atu ai le uatoʻa+ i le atunuu atoa o Aikupito, i luga o tagata, o manu ma laau ʻaina uma o le fanua o le atunuu o Aikupito.” 23  Ona faaloaloa lea e Mose o lona tootoo i le lagi; ma ua aumaia ai e Ieova o faititili ma le uatoʻa,+ ua oo mai foʻi le afi i le lalolagi, ma ua faaauau ona faatotō ifo e Ieova le uatoʻa i le atunuu o Aikupito. 24  Ua iai le uatoʻa, ma le afi ua fefiloi ma le uatoʻa. Ua mamafa tele, ma e leʻi tupu muamua se mea faapea i le atunuu atoa o Aikupito, talu mai le taimi na faavaeina ai lea nuu.+ 25  Ua taia e le uatoʻa le atunuu atoa uma o Aikupito. Ua taia e le uatoʻa mea uma o loo i le fanua, o tagata e oo lava i manu, o laau ʻaina eseese uma o le fanua; ma ua faatamaʻia laau eseese uma o le fanua.+ 26  E na o le laueleele o Kosena, o le mea o iai le fanauga a Isaraelu e leʻi totō ifo i ai le uatoʻa.+ 27  Mulimuli ane, ua aami e Farao o Mose ma Arona ma faapea atu iā i laʻua: “Ua ou agasala i lenei taimi.+ E amiotonu Ieova,+ ae o aʻu ma oʻu tagata, ua matou sesē. 28  Ia ʻaiʻoi atu iā Ieova ia faauma le faititili ma le uatoʻa.+ Ona ou malie lea e tuu atu outou e ō, ma e tou te lē toe nonofo lava.” 29  Ua fai mai Mose iā te ia: “O le taimi lava ou te alu ese ai i fafo mai i le aai, ou te faaloaloa atu oʻu lima iā Ieova.+ Ona taofia loa lea o faititili ma e lē toe totō ifo le uatoʻa, ina ia e iloa ai o Ieova e ona le lalolagi.+ 30  A o oe ma au auauna, ua ou iloa e tou te lē matataʻu lava iā Ieova le Atua.”+ 31  Ua faaleagaina foʻi laau o lino* ma karite,* auā ua matutua karite ma ua fuga mai laau o lino.+ 32  A o saito ma kaseme,*+ e leʻi faaleagaina auā e masani ona tuai ona matutua. 33  Ua alu ese Mose i fafo mai i le aai mai iā Farao, ua faaloaloa ona lima iā Ieova, ona uma ai lea o faititili, ua uma foʻi ma le uatoʻa, ma ua lē toe totō ifo le timu i le lalolagi.+ 34  Ua iloa e Farao ua uma le timu, o le uatoʻa ma faititili, a ua faaauau ona ia agasala i le faamaaaina o lona loto,+ o ia atoa ma ana auauna. 35  Ua faaauau pea ona maaa le loto o Farao, ma ua ia lē tuu mai le fanauga a Isaraelu e ō, e pei ona fetalai mai ai o Ieova e ala iā Mose.+

Faamatalaga Pito i Lalo

O le “lino” o se laau ua totō i Aikupito e fai mai ai ofu lino.
O le “karite” o se isi ituaiga saito. O le upu Peretania o le barley.
O le “kaseme” o se ituaiga o saito e lē tutusa ma le saito masani. O le upu Peretania o le spelt.