Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Esoto 34:1-35

34  Ona fetalai mai lea o Ieova iā Mose: “Ia e tā mai ni papamaa se lua e pei o papamaa muamua,+ ina ia ou tusi ai i luga o ia papamaa o upu na tusia i papamaa+ muamua ia na e nutililiia.+  Ia e sauni mo a taeao, auā e tatau ona e alu aʻe i le Mauga o Sinai a taeao, ma ia e faatasi ma aʻu i le tumutumu o le mauga.+  E leai se tasi e te lua ō aʻe, ma aua neʻi iloa se tasi i le mauga+ atoa. Aua neʻi aai i le fanua i luma o le mauga ni lafu mamoe ma ni lafumanu.”+  Ua tā e Mose papamaa e lua e pei o papamaa muamua, ua usupō i le taeao ma alu aʻe i le mauga o Sinai, e pei ona poloaʻi mai ai Ieova iā te ia, ma ua ia ave foʻi i lona lima o papamaa e lua.  Ona afio ifo+ ai lea o Ieova i le ao ma faatasi ma ia i inā, ma taʻutino atu le suafa o Ieova.+  Ua afio ane Ieova i ona luma ma taʻutino mai: “O Ieova, o Ieova, o le Atua e alofa mutimutivale+ ma alofa fua,+ e telegese lona toʻasā+ ae e tele lona alofa faamaoni+ ma fai mea moni,+  e tausia le alofa faamaoni e oo atu i afe o tupulaga,+ e faamagalo mea sesē, o solitulafono ma agasala,+ ae e na te lē faasaoina o ē e agasala mai i faasalaga,+ e na te faasalaina atalii e oo foʻi i o latou atalii, ona o mea sesē a o latou tamā, e oo lava i le tupulaga e tolu ma le tupulaga e fā.”+  Ona faavave ane lea o Mose ua punou ma faapaʻū faō.+  Ua ia faapea atu: “Ieova e, afai ua fiafia lou finagalo iā te aʻu, faamolemole ia ō faatasi Ieova ma i matou,+ auā o tagata faauamaaa i latou,+ ia e faamagalo o matou sesē ma a matou agasala,+ ma ia avea i matou ma ou nuu.”+ 10  Ona ia fetalai mai lea: “O lenei, ua ou osia se feagaiga ma outou: Ou te faia mea ofoofogia i luma o tagata uma, o mea e leʻi faia lava i le lalolagi atoa, pe faia foʻi i nuu uma;+ ma o le a vaaia e tagata uma i le mea tou te iai o galuega a Ieova, auā ua ou faia iā te outou se mea mataʻutia e mataʻu ai.+ 11  “A o oe ia e tausia mea ua ou poloaʻi atu ai iā te oe i le asō.+ Ou te tuliesea mai i ou luma o tagata Amorī, o tagata Kanana, o tagata Hetī, o tagata Perise, o tagata Hivī ma tagata Iepusē.+ 12  Ia e faaeteete neʻi e osia se feagaiga ma tagata o le atunuu lea e te alu atu i ai,+ neʻi avea lea mea ma mailei iā te outou.+ 13  Ia outou talepe i lalo o latou fata faitaulaga, ia outou nutililii i a latou poutū paia, ma ia outou tā i lalo o latou pou paia.+ 14  Aua e te ifo i se isi atua,+ auā o le igoa o Ieova o le Fuā, o ia o le Atua fuā;+ 15  neʻi e osia se feagaiga ma tagata o le atunuu, e latou te faitaaga ai ma o latou atua,+ e latou te fai taulaga foʻi i o latou atua,+ e valaaulia lava e se tasi oe, ma e ʻai ai i ni mea o lana taulaga.+ 16  Ona e ave lea o nisi o o latou afafine ma ou atalii,+ e faitaaga foʻi o latou afafine ma o latou atua, e fai lea ma mea e faitaaga ai ou atalii ma o latou atua.+ 17  “Aua neʻi fai mo oe ni tupua uʻamea e fai ma ou atua.+ 18  “Ia e tausia le tausamiga o falaoa e lē faafefeteina.+ E fitu aso e te ʻai ai i falaoa e lē faafefeteina e pei ona ou poloaʻi atu ai iā te oe, i le taimi faatulagaina i le masina o Apipa,+ auā o le masina o Apipa lea na e sau ai mai i Aikupito. 19  “O ulumatua uma lava e fai ia mo aʻu,+ ma e tusa ai ma au lafumanu uma, o ulumatua poʻa uma a povi ma mamoe.+ 20  O le ulumatua a se asini, ia e fesuiaʻi ma se mamoe.+ Afai e te lē fesuiaʻia, ona e gagau lea o lona ua. E te fesuiaʻia ulumatua uma a ou atalii.+ E leai se isi e sau i oʻu luma e leai sana mea.+ 21  “E ono aso e te faia ai galuega, ae o le aso lona fitu, e te tausia ai le sapati.+ E te tausia le sapati i le taimi e te suatia ai le eleele ma le taimi e te selesele ai.+ 22  “E te tausia pea le tausamiga o vaiaso i uluaʻi fua ua matutua o le seleselega saito,+ ma le tausamiga o le aoaoina o fua i le faaiʻuga o le tausaga.+ 23  “O tausaga taʻitasi, e faatolu ona tutū+ tane uma ua iā te oe i luma o le Alii moni o Ieova, o le Atua o Isaraelu. 24  Auā ou te tuliesea nuu mai i ou luma,+ ma ou te faalautele lou laueleele;+ e leai se tasi e manaʻo i lou fanua a o e alu aʻe e vaai i fofoga o Ieova lou Atua e faatolu i le tausaga.+ 25  “Aua e te osi le taulaga i le toto o laʻu taulaga faatasi ma se mea ua faafefeteina.+ O le taulaga o le tausamiga o le paseka e lē tatau ona tuua seʻia oo i le taeao.+ 26  “Ia e avatu i le fale o Ieova lou Atua+ o uluaʻi fua+ ua matutua e aupito lelei o lou laueleele. “Aua e te sakaina le tamaʻi ʻoti i le suāsusu o lona tinā.”+ 27  Ona toe fetalai mai lea o Ieova iā Mose: “Ia e tusi i lalo upu nei,+ auā e tusa ma ia upu, ua ou osia ai se feagaiga ma oe atoa ma Isaraelu.”+ 28  Ua ia faatasi pea ma Ieova i inā mo le fā sefulu ao ma le fā sefulu pō. E leʻi ʻai o ia i ni meaʻai pe e inu i se vai.+ Ua Ia tusia i papamaa o upu o le feagaiga, o Upu e Sefulu.*+ 29  Ina ua alu ifo Mose mai i le Mauga o Sinai, ua iai i le lima o Mose o papamaa e lua o le Feagaiga,*+ e leʻi iloa e Mose ua susulu mai le malamalama i ona foliga, auā na ia talanoa ma le Atua.+ 30  Ina ua iloa e Arona ma le fanauga a Isaraelu Mose, faauta! ua susulu mai le malamalama i ona foliga, ma ua latou fefefe e faalatalata atu iā te ia.+ 31  Ua valaau atu Mose iā i latou. Ona toe foʻi mai lea iā te ia o Arona ma taʻitaʻi uma o le faapotopotoga, ma ua talanoa atu Mose iā i latou. 32  Ua mavae lea, ona faalatalata mai lea iā te ia o le fanauga uma a Isaraelu, ua ia faatonu i latou uma i mea na fetalai mai ai Ieova iā te ia i le Mauga o Sinai.+ 33  Pe a uma ona talanoa atu Mose iā i latou, ona ia ufiufi lea o ona foliga.+ 34  A ulufale Mose i luma o Ieova e talanoa ma ia, e na te aveese le ufiufi seʻia toe ulufafo.+ Ae a alu i fafo o ia, ona ia talanoa atu lea i le fanauga a Isaraelu i mea ua poloaʻiina ai o ia.+ 35  A vāai le fanauga a Isaraelu i foliga o Mose, ua susulu mai le malamalama mai i foliga o Mose;+ ona toe ufiufi ai lea e Mose o ona foliga seʻia ulufale o ia e talanoa ma ia.+

Faamatalaga Pito i Lalo

O mea e sefulu e ao ona fai, o tulafono e sefulu po o poloaʻiga e sefulu.
Po o le “Molimau.”