Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Esoto 24:1-18

24  Ua ia fetalai mai iā Mose: “Ia ō atu iā Ieova, o oe, o Arona, o Natapu, o Aviu+ ma toeaina e toʻafitu sefulu+ o Isaraelu, ma ia outou ifo mai i se mea mamao.  E ao iā Mose ona faalatalata atu na o ia iā Ieova; ae aua neʻi o latou faalatalata atu, ma e lē tatau foʻi ona ō aʻe le nuu faatasi ma ia.”+  Ua sau Mose ma faamatala atu i le nuu afioga uma a Ieova ma iʻuga o faamasinoga uma,+ ona tali mai lea o tagata uma ma le leo e tasi e faapea: “O upu uma ua fetalai mai ai Ieova, ua matou malilie e fai.”+  Ua tusia e Mose afioga uma a Ieova.+ Ona usupō lea o ia i le taeao, ma fausia se fata faitaulaga i le auvae mauga, ma ni maa faamanatu se sefulu lua mo ituaiga e sefulu lua o Isaraelu.+  Ua mavae lea, ona ia aauina atu lea o tauleleʻa o le fanauga a Isaraelu, ua latou faia taulaga mū, ma taulaga i povi poʻa, o taulaga faifaatasi+ ia iā Ieova.  Ua ave e Mose le ʻafa o le toto ma tuu i ipu faaofuofu,+ a ua ia sausau le fata faitaulaga i le ʻafa o le toto.+  Mulimuli ane, ua ia ave le tusi o le feagaiga+ ma faitau atu a o faalogo mai le nuu.+ Ona latou faapea mai lea: “O mea uma ua fetalai mai ai Ieova, e matou te malilie e fai ma usiusitaʻi i ai.”+  Ona ave lea e Mose o le toto ma sausau ai le nuu+ ma faapea atu: “O le toto lenei o le feagaiga+ ua osia e Ieova ma outou e tusa ai ma upu uma ua outou faalogo i ai.”  Ona ō aʻe lea o Mose, o Arona, o Natapu, o Aviu ma toeaina e toʻafitu sefulu o Isaraelu, 10  ma ua latou iloa atu le Atua o Isaraelu.+ Ua i lalo o ona aao se mea e pei o le paepae ua faia i maa safaira, ma ua mamā foʻi e pei o le lagi.+ 11  E leʻi faaoo lona aao i ia tane iloga o le fanauga a Isaraelu,+ ae ua latou maua se faaaliga a le Atua moni,+ ma ua aai ma feinu.+ 12  Ua fetalai mai Ieova iā Mose: “Ia e sau iā te aʻu i le mauga ma e nofo ai, auā ou te manaʻo e tuu atu iā te oe papamaa ma le tulafono, ma le poloaʻiga ua uma ona ou tusia ina ia aʻoaʻo ai i latou.”+ 13  Ua tulaʻi Mose ma Iosua lana auauna, ma ua alu aʻe Mose i le mauga o le Atua moni.+ 14  A ua fai atu Mose i toeaina: “Ia outou faatali atu i nei mo i maʻua seʻia ma toe foʻi mai iā te outou.+ Auā foʻi o loo iā te outou Arona ma Huro.+ O se tasi e iai sana mataupu e faamasinoina, ia faalatalata atu iā i laʻua.”+ 15  Ua alu aʻe Mose i le mauga a o ufitia le mauga i le ao.+ 16  Ua iai pea le mamalu+ o Ieova i le Mauga o Sinai,+ ma ua faaauau pea ona ufitia le mauga i le ao mo aso e ono. Ae i le aso lona fitu, ua ia valaau atu ai iā Mose mai i le ao.+ 17  Ua pei le mamalu o Ieova o se afi mumū+ i luga o le tumutumu o le mauga i le vaai a le fanauga a Isaraelu. 18  Ua ulu atu Mose i totonu o le ao ma alu aʻe i le mauga.+ Ua nofo pea Mose i le mauga mo ao e fā sefulu ma pō e fā sefulu.+

Faamatalaga Pito i Lalo