Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Esoto 19:1-25

19  O le masina lona tolu talu ona ō ese le fanauga a Isaraelu mai i Aikupito,+ o lea lava aso, ua latou taunuu ai i le toafa o Sinai.+  Ua latou ō ese mai i Refiti+ ma ō atu i le toafa o Sinai, ua faatutū o latou faleʻie i le toafa;+ ua nonofo ai i inā Isaraelu i luma o le mauga.+  Ua alu aʻe Mose i le mauga ina ia tū ai i luma o le Atua moni, ua valaau Ieova iā te ia mai i le mauga,+ e faapea: “O le tala lenei e te fai atu i le aiga o Iakopo, o le fanauga lea a Isaraelu,  ‘Ua outou vāai i le mea na ou faia i tagata Aikupito,+ ina ia ou ave outou i apaʻau o aeto ma aumaia outou iā te aʻu.+  Afai tou te matuā faalogo+ i loʻu leo ma tausi i laʻu feagaiga,+ ona avea lea o outou ma aʻu oloa tāua i lo o isi nuu uma,+ auā o aʻu e ona le lalolagi atoa.+  E avea outou ma malo o ositaulaga ma le nuu paia.’+ O upu nei e te fai atu ai i le fanauga a Isaraelu.”  Ona alu lea o Mose ma aami i toeaina+ o le nuu, ma taʻu atu iā i latou nei upu uma na poloaʻi mai ai Ieova iā te ia.+  Ua malilie uma le nuu ma tali faatasi mai: “O mea uma ua fetalai mai ai Ieova ua matou malilie e fai.”+ Ona momoli atu lea e Mose o faamatalaga a le nuu iā Ieova.+  Ua fetalai mai Ieova iā Mose: “Faauta! ou te alu atu iā te oe i se ao uliuli,+ ina ia lagona ai e le nuu pe a ou tautala atu iā te oe,+ ma ia latou faatuatua ai pea iā te oe.”+ Ua taʻu atu foʻi e Mose upu a le nuu iā Ieova. 10  Ua toe fetalai mai Ieova iā Mose: “Ia e alu i le nuu, ia faapaia i latou i le asō ma a taeao, ma e ao foʻi ona latou tatā o latou ofu.+ 11  Ia latou nofosauni mo le aso lona tolu, auā o le aso lona tolu e afio ifo ai Ieova i le Mauga o Sinai,+ a o vaavaai atu i ai le nuu atoa. 12  E te faia foʻi ni tuaoi mo le nuu i itu uma o lenei mauga ma faapea atu, ‘Ia aua neʻi outou ō aʻe i le mauga, ma aua neʻi paʻi atu se tasi i le auvae mauga. O so o se tasi e paʻi i le mauga, e fasiotia lava o ia.+ 13  Aua neʻi papaʻi iā te ia se lima, auā e fetogia lava o ia i maa pe fanaina lava i se aū. E tusa lava po o se manu po o se tagata, e lē ola ia.’+ Ae a ili atu le pū,*+ ona latou ō mai lea e faalatalata mai i le mauga.” 14  Ona alu ifo lea o Mose i le nuu mai i le mauga, ua ia faapaiaina le nuu; ma ua latou tatā o latou ofu.+ 15  Ua ia fai atu i le nuu: “Ia sauniuni+ i aso e tolu. O outou tane, aua neʻi outou momoe* ma a outou avā.”+ 16  Ua oo i le taeao o le aso lona tolu, ua pāpā faititili, ua emo uila,+ ma ua iai se ao mafiafia+ i luga o le mauga, ma le leo foʻi o le pū ua matuā leotele,+ ona gatete ai lea o tagata i le togālauapi.+ 17  Ua aumai e Mose le nuu mai i le togālauapi, ina ia faafeiloaʻi ma le Atua moni, ma ua latou laulaututū i luma o le auvae mauga.+ 18  Ua ufitia le Mauga o Sinai i le asu,+ ona ua afio mai Ieova i luga o le mauga i le afi;+ ma ua faaauau ona alu aʻe le asu e pei o se asu o se ogaumu,+ ma ua matuā lūlūina ai le mauga atoa.+ 19  Ua faaauau pea ona leotele ma oo ina matuā leotele le leo o le pū, ona tautala atu lea o Mose, a ua tali mai le siʻufofoga o le Atua moni iā te ia.+ 20  Ua afio ifo Ieova i le tumutumu o le Mauga o Sinai. Ua valaau mai Ieova iā Mose e alu atu i le tumutumu o le mauga, ona alu aʻe ai lea o Mose.+ 21  Ua fetalai mai Ieova iā Mose: “Ia e alu ifo, ma lapataʻi le nuu ia aua neʻi o latou taumafai e ō mai faamalosi e vāai iā Ieova ma feoti ai le toʻatele o i latou.+ 22  Ia faapaia foʻi e ositaulaga i latou lava,+ o ē e masani ona faalatalata mai iā Ieova, ina ia aua neʻi faapogaia ai le toʻasā o Ieova iā i latou.”+ 23  Ua fai atu Mose iā Ieova: “Ua lē mafai ona ō mai le nuu i luga o le Mauga o Sinai, auā ua uma ona e lapataʻia i matou, ina ua e fetalai mai iā te aʻu e faapea, ‘Ia faia ni tuaoi mo le mauga ma ia faapaiaina ai.’ ”+ 24  Peitaʻi, ua fetalai mai Ieova iā te ia: “Ia e alu ifo, ona oulua ō mai lea ma Arona faatasi ma oe; ae aua neʻi taumafai ositaulaga ma le nuu e ō aʻe faamalosi i luga iā Ieova, ina neʻi faapogaia ai lona ita iā i latou.”+ 25  Ona alu ifo lea o Mose i le nuu ma taʻu atu iā i latou.+

Faamatalaga Pito i Lalo

I le gagana Eperu, o “pū e faia i seu o le mamoe poʻa.”
I le gagana Eperu, “aua neʻi outou ō ane i se fafine.”