Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Eseta 9:1-32

9  I le masina lona sefulu lua, o le masina lea o Atara,+ i le aso lona sefulu tolu o le masina, ina o le a faataunuuina le upu a le tupu ma lana tulafono,+ o le aso lea na faatalitali ai fili o tagata Iutaia e faatoʻilaloina i latou, a ua liua lea mea i le faatoʻilaloina e tagata Iutaia o ē na ita iā i latou.+  Ua faapotopoto tagata Iutaia+ i o latou aai i itumalo uma a le Tupu o Asueru,+ ina ia faaoo o latou lima iā i latou o loo saʻili e faia se mea leaga iā i latou,+ ma ua leai foʻi se tasi e tū mai i o latou luma, auā ua matuā matataʻu+ tagata uma iā i latou.  Na fesoasoani foʻi i tagata Iutaia ia alii sili+ uma o itumalo, o faipule,+ o kovana, ma ē e faia galuega+ a le tupu, auā ua matuā matataʻu+ i latou ona o Moretekai.  Auā ua sili Moretekai+ i le fale o le tupu, ma ua logo atu foʻi le tala i itumalo uma i lona taʻutaʻua,+ auā ua faateleina pea le malosi o lenei tagata o Moretekai.+  Ua fasiotia e tagata Iutaia o latou fili uma i se fasi tele i le pelu,+ ua fasiotia ma faaumatia, ua latou faia foʻi i ē na ita iā i latou e tusa ma mea na latou loto i ai.+  Ua fasiotia ma faaumatia e tagata Iutaia i le maota i Susana+ o tagata e toʻalima selau.  Ua latou fasiotia foʻi Paresaneta, o Tafono, o Asefata,  o Porata, o Ataria, o Aritatu,  o Paremaseta, o Arisai, o Aritai, ma Vaisato, 10  o atalii+ ia e toʻasefulu o Hamanu+ le atalii o Hametatu, o lē na ita i tagata Iutaia;+ a o mea na faoa+ e latou te leʻi fetagofi i ai. 11  I lenā aso, na avatu ai le aofaʻiga o i latou na fasiotia i le maota i Susana i luma o le tupu. 12  Ona fai atu lea o le tupu i le masiofo o Eseta:+ “Ua fasiotia e tagata Iutaia ma ua faaumatia i le maota i Susana+ o tagata e toʻalima selau, faapea atalii e toʻasefulu o Hamanu. Ae o le ā le mea ua latou faia i isi uma itumalo+ a le tupu?+ O le ā se mea e te ōle mai ai? E avatu lava iā te oe.+ O le ā foʻi se isi mea e te talosaga mai i ai?+ E faia lava.” 13  Ona fai mai lea o Eseta: “Afai e lelei i le tupu,+ ia tuu atu foʻi taeao i tagata Iutaia o loo i Susana, ina ia faia e tusa ai ma le tulafono o le aso lenei;+ ia faatautauina atalii e toʻasefulu o Hamanu i le laau.”+ 14  Ona fai atu lea o le tupu ia faapea ona faia.+ Ua tuuina atu foʻi le tulafono i Susana, ma ua faatautauina atalii e toʻasefulu o Hamanu. 15  Ua faapotopoto foʻi tagata Iutaia sa i Susana i le aso lona sefulu fā+ o le masina o Atara, ma ua latou fasiotia i Susana o tagata e toʻatolu selau; a o mea na faoa e latou te leʻi fetagofi i ai.+ 16  A o isi tagata Iutaia uma sa i itumalo+ a le tupu, ua faapotopoto i latou ma tau mo o latou ola,+ ua taui+ atu e i latou i o latou fili ma fasiotia i latou o ē na ita iā i latou, e toʻafitu sefulu lima afe; a o mea na faoa e latou te leʻi fetagofi i ai, 17  i le aso lona sefulu tolu o le masina o Atara; ona mapu ai lea i le aso lona sefulu fā o lea masina, ma ua fai ai lea aso ma aso o faigaʻai+ ma olioli ai.+ 18  A o tagata Iutaia sa i Susana, ua faapotopoto i latou i le aso lona sefulu tolu+ o lea masina, ma le aso lona sefulu fā, ma na mapu i le aso lona sefulu lima o lea masina, ua faia foʻi lea aso ma aso o faigaʻai ma olioli ai.+ 19  O le mea lea na faia ai e tagata Iutaia na nonofo i aai o itumalo e i fafo atu o le laumua, le aso lona sefulu fā o le masina o Atara+ ma aso e olioli ai,+ e fai ai faigaʻai, o se aso e fiafia ai,+ ma o se aso e fetufaaʻi ai meaalofa.+ 20  Ona tusia lea e Moretekai+ o nei mea, ma aauina atu tusi i tagata Iutaia uma sa i itumalo+ uma a le Tupu o Asueru, o ē e lata mai ma ē e mamao, 21  ina ia tuuina atu iā i latou le matafaioi+ e faia e lē aunoa i le aso lona sefulu fā o le masina o Atara, ma le aso lona sefulu lima o le masina lava lea i tausaga taʻitasi uma, 22  e tusa ma aso na mapu ai tagata Iutaia mai i o latou fili,+ ma le masina na suia ai lo latou faanoanoa i le olioli ma le faavauvau+ i se aso fiafia, ina ia faia na aso ma aso o faigaʻai ma le olioli, ia fetufaaʻi foʻi meaʻai+ ma meaalofa i tagata matitiva.+ 23  Ua talia e tagata Iutaia o mea na amata ona latou faia, ma mea na tusi atu ai Moretekai iā i latou. 24  Talu ai o Hamanu+ le atalii o Hametatu+ le Akako,+ o lē na ita+ i tagata Iutaia uma, na ia faufau faasaga i tagata Iutaia ina ia faaumatia i latou,+ na ia faia foʻi le Puro,+ o le Vili+ lea, ina ia faaatuatuvale ai ma faaumatia i latou. 25  Ae ina ua alu atu Eseta i luma o le tupu, ona poloaʻi mai lea o le tupu e ala i se tusi:+ “Ia toe foʻi atu i lona lava ulu+ lana faufauga leaga+ sa ia faufau ai faasaga i tagata Iutaia”; ma na latou faatautauina o ia ma ona atalii i le laau.+ 26  O le mea lea ua latou taʻua ai ia aso o le Purima, i le igoa o le Puro.+ E tusa ai foʻi ma upu uma o lenei tusi,+ e tusa ma mea na latou vaaia ma mea na oo iā i latou, 27  na tuuina atu ai ma talia e tagata Iutaia, o a latou fanau, ma ē uma na faatasi ma i latou,+ ia lē toe teʻa ese le matafaioi e faia e lē aunoa nei aso e lua e tusa ma le mea ua tusia e faatatau iā i latou, ma e tusa ai foʻi ma lo latou taimi ua tofia i ai i tausaga taʻitasi uma. 28  Ia manatua nei aso ma ia faia e tupulaga taʻitasi uma, i aiga taʻitasi, i itumalo taʻitasi, ma aai taʻitasi, ia lē toe teʻa ese foʻi nei aso o Purima mai i tagata Iutaia, aua foʻi neʻi mavae atu le faamanatuina+ o na aso e a latou fanau. 29  Ua tusi atu foʻi ma le pule uma le masiofo o Eseta le afafine o Aviaila,+ ma Moretekai le Iutaia, ina ia faamautinoa ai lenei tusi lona lua e faatatau i le Purima. 30  Ona ia aauina atu lea o tusi i tagata Iutaia uma o itumalo+ e selau lua sefulu fitu, o le malo o Asueru,+ i upu filemu ma moni,+ 31  ina ia faamautinoa nei aso o le Purima i o latou taimi ua atofaina, e pei ona tuuina atu e Moretekai le Iutaia ma le masiofo o Eseta iā i latou,+ e pei foʻi ona latou tuuina atu iā i latou lava ma a latou fanau,+ o mea e faatatau i anapogi+ ma lo latou alalaga atu mo se fesoasoani.+ 32  O upu a Eseta na faamautinoa ai nei mea e faatatau i le Purima,+ ma na tusia ai i se tusi.

Faamatalaga Pito i Lalo