Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Eseta 8:1-17

8  I lenā aso, na avatu ai e le Tupu o Asueru i le masiofo o Eseta le fale o Hamanu,+ o lē na ita i tagata Iutaia;+ ua sau foʻi Moretekai i luma o le tupu, auā na taʻu atu e Eseta i le tupu e la te aiga ma Moretekai.+  Ona aveese lea e le tupu o lana mama faamaufaailoga+ na iā aveeseina mai iā Hamanu, ua tuuina atu iā Moretekai; ona tofia lea e Eseta o Moretekai e pule i le fale o Hamanu.+  Ona toe fai atu foʻi lea o Eseta i luma o le tupu ma faapaʻū i ona luma, ua tagi ma ʻaiʻoi+ atu ia alofa ma soloia le mea leaga+ na faia e Hamanu le Akako, ma lana faufauga+ na ia faufau ai i tagata Iutaia.+  Ua faaloaloa mai e le tupu le tootoo auro+ iā Eseta, ona tulaʻi lea o Eseta ma tū i luma o le tupu.  Ona fai atu lea o ia: “Afai e lelei i le tupu, afai foʻi e alofagia+ aʻu i ona luma, ma ua lelei lea mea i luma o le tupu, ma ua fiafia foʻi o ia iā te aʻu, ia tusia ina ia faalēaogāina tusi na tusia,+ o le faufauga a Hamanu le atalii o Hametatu le Akako,+ lea na ia tusia e faaumatia tagata Iutaia+ o loo i itumalo uma a le tupu.+  Auā ou te mafaia faapefea ona vaai atu i le mala o le a oo i loʻu nuu, ma e faapefea foʻi ona ou vaai atu i le faaumatiaga o oʻu aiga?”  Ua fai mai le Tupu o Asueru i le masiofo o Eseta, ma Moretekai le tagata Iutaia: “Faauta! Ua ou tuuina atu le fale o Hamanu iā Eseta,+ ma ua latou faatautauina Hamanu i le laau,+ ona na faaoo lona lima i tagata Iutaia.  Ia oulua tusia foʻi se tusi ona o tagata Iutaia, e tusa ai ma le mea ua lelei i o oulua manatu i le igoa o le tupu,+ ma faamauina i le mama faamaufaailoga a le tupu; auā e lē mafai ona faalēaogāina se tusi ua tusia i le igoa o le tupu, ma faamauina i le mama faamaufaailoga a le tupu.”+  Ua valaau atu foʻi i failautusi+ a le tupu i lenā taimi i le masina lona tolu, o le masina lea o Sevana, i le aso lona lua sefulu tolu o le masina; ma ua tusia ai e tusa ma mea uma na poloaʻi atu ai Moretekai i tagata Iutaia, o faipule,+ o kovana, ma alii sili o itumalo e amata mai i Initia e oo atu i Aitiope, e selau lua sefulu fitu itumalo,+ e avatu i itumalo taʻitasi i lana lava tusilima+ ma le gagana a ona lava tagata,+ ia avatu foʻi i tagata Iutaia i la latou lava tusilima ma la latou lava gagana.+ 10  Ona tusia lea e ia o tusi i le igoa o le Tupu+ o Asueru ma faamauina+ i le mama faamaufaailoga a le tupu,+ ma ua aauina atu nei tusi e ala i lima o avefeʻau o ē e tiʻetiʻe i solofanua,+ o solofanua televavave na faaaogā i le auaunaga a le tupu, o tama a solofanua fafine televavave, 11  na tuuina atu e le tupu le faatagaga i tagata Iutaia sa i aai eseese uma, ina ia faapotopoto i latou+ ma tau mo o latou ola, ina ia faaumatia, fasiotia, ma faafanoina ʻautau uma a le nuu+ ma le itumalo sa feitai iā i latou, o ē e iti ma fafine, ma ia faoa foʻi a latou vete,+ 12  i le aso e tasi+ i itumalo uma a le Tupu o Asueru, i le aso e sefulu tolu+ o le masina e sefulu lua, o le masina lea o Atara.+ 13  Ia avatu foʻi se kopi+ o le tusi e fai ma tulafono i itumalo eseese uma, ua lomia mo tagata uma ina ia nofosauni tagata Iutaia mo lea aso e tauimasui+ ai i o latou fili. 14  Ua ō atu avefeʻau+ o loo tiʻetiʻe i solofanua na faaaogā i le auaunaga a le tupu, ua televavave ma ō atu ma le saoasaoa+ i le upu a le tupu; ma tuuina atu le tulafono i le maota i Susana.+ 15  Ua alu atu foʻi Moretekai mai i luma o le tupu, ua ofu i ofu o le tupu,+ o le ʻie lanu moana ma le ʻie lino, faatasi ma le palealii auro tele, ma le ofu talaloa e faia i le ʻie lelei+ faapea le fulufulu mamoe ua vali lanu mūmū violē.+ Ona alalaga lea o le aai o Susana i le fiafia ma le olioli.+ 16  Auā ua oo le malamalama i tagata Iutaia i inā, ma ua olioli,+ ua fiafia, ma ua faamamaluina. 17  I mea uma lava na oo i ai le upu a le tupu ma lana tulafono, i itumalo eseese uma ma aai eseese uma, na olioli ma fiafia ai tagata ona o tagata Iutaia, na iai foʻi le faigaʻai+ ma le aso fiafia; o le toʻatele foʻi o tagata+ o le nuu ua fai i latou ma tagata Iutaia,+ auā ua latou matuā matataʻu+ i tagata Iutaia.

Faamatalaga Pito i Lalo