Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Eseta 7:1-10

7  Ua ō atu le tupu ma Hamanu+ i le taumafataga faatasi ma le masiofo o Eseta.  Ona toe fai atu lea o le tupu iā Eseta i le aso lona lua o le taumafataga o le uaina:+ “Le masiofo e, Eseta, o le ā se mea e te ōle mai ai?+ E tuuina atu lava iā te oe.+ O le ā foʻi e te talosaga mai ai? E faia e oo lava i le ʻafa o le malo!”+  A ua tali mai le masiofo o Eseta, ua faapea mai: “Le tupu e, afai ua e fiafia iā te aʻu, afai foʻi ua lelei i le tupu, ou te ōle atu ia faasaoina loʻu ola,+ ma ou te talosaga atu ia faasaoina loʻu nuu.+  Auā ua faatauina atu i matou,+ o aʻu ma loʻu nuu ina ia faaumatia, fasiotia, ma faafanoina.+ O lenei, ana faatauina atu i matou o tane ma fafine e fai ma pologa,+ semanū ou te lē toe tautala atu. Ae e lē tatau ona oo lenei puapuaga, auā e oo ai foʻi se mea leaga i le tupu.”  Ona tautala atu lea o le Tupu o Asueru ma faapea atu i le masiofo o Eseta: “O ai o ia,+ ma po o fea le toa+ ua ia faia lenā mea?”  Ua fai mai Eseta: “O le tagata amioleaga+ lele o Hamanu, o ia o le fili+ ma o lē e ita mai.” A ua matuā fefe+ Hamanu ona o le tupu ma le masiofo.  Ona tulaʻi lea o le tupu i lona ita tele+ a o faia le taumafataga o le uaina ma alu atu i le togālaau o le maota; a ua tulaʻi Hamanu e talosaga atu i le masiofo o Eseta ina ia faasao lona ola,+ auā ua ia iloa ua uma ona filifili+ le tupu i se mea leaga e fai iā te ia.+  Ua toe foʻi mai le tupu mai i le togālaau o le maota i le fale o loo faia ai le taumafataga o le uaina;+ ua paʻū foʻi Hamanu i luga o le moega+ sa iai Eseta. Ona fai atu lea o le tupu: “Po o le a toso ea foʻi ma le masiofo i oʻu luma i loʻu fale?” Ina ua uma ona fai atu o upu a le tupu,+ ona latou ufiufi ai lea o mata o Hamanu.  Ona fai ane lea o Harepono,+ o se tasi o tagata aloaʻia+ a le tupu: “E iai foʻi le laau+ na faia e Hamanu mo Moretekai, o lē na fai atu le tala lelei e faatatau i le tupu,+ ma o loo tū i le fale o Hamanu, e lima sefulu kupita lona maualuga.” Ona fai atu lea o le tupu: “Ia outou faatautau o ia i luga o le laau.”+ 10  Ua latou faatautau foʻi Hamanu i le laau+ na ia saunia mo Moretekai;+ ona teʻa ai lea o le ita o le tupu.

Faamatalaga Pito i Lalo