Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Eseta 6:1-14

6  I lenā pō, e leʻi maua ai se moe a le tupu.+ Ona ia fai atu lea ia aumai le tusi o faamaumauga+ o mea na tutupu i na taimi. Ona faitauina ai lea i luma o le tupu.  Ua iloa o loo tusia ai le mea na taʻu atu e Moretekai+ e faatatau iā Piketano ma Tirese, o tagata aloaʻia+ e toʻalua a le tupu, o leoleo faitotoʻa, o ē na faufau e faaoo o la lima i le Tupu o Asueru.  Ona fai atu lea o le tupu: “Pe na faamamaluina ea ma tauia Moretekai i lenei mea? Ua faapea mai auauna a le tupu: “E leai se mea na faia iā te ia.”+  Mulimuli ane, ona fai atu lea o le tupu: “O ai o loo i le lotoā?” A ua alu ane Hamanu i totonu o le lotoā i fafo+ o le fale o le tupu, e fai atu i le tupu ia faatautau Moretekai i le laau,+ ua uma ona ia saunia mo ia.  Ua fai mai auauna a le tupu iā te ia: “Silasila foʻi, o loo tū mai Hamanu+ i le lotoā.” Ona fai atu lea o le tupu: “Ia fai i ai e sau.”  Ina ua ulufale mai Hamanu, ona fai atu lea o le tupu iā te ia: “O le ā ea se mea e fai i le tagata ua loto le tupu e faamamaluina?”+ A ua faapea ifo Hamanu i lona loto: “Po o ai se isi o finagalo i ai le tupu e faamamaluina e sili atu i lo o aʻu?”+  Ona fai mai lea o Hamanu i le tupu: “O le tagata ua finagalo i ai le tupu e faamamaluina,  ia latou aumaia le ofu o le tupu+ lea e ofu ai le tupu, o le solofanua lea e tiʻetiʻe ai le tupu,+ ma le ufiulu o le tupu i lona ulu.  Ia tuuina atu le ofu ma le solofanua ina ia vaaia e se tasi o alii sili a le tupu;+ ia latou faaofuina le tagata ua finagalo i ai le tupu e faamamaluina, ma ia o latou faatiʻetiʻe o ia i le solofanua i le nofoaga faitele+ o le aai,+ ia o latou alalaga atu foʻi i ona luma e faapea, ‘O le mea lenei e faia i le tagata ua finagalo i ai le tupu e faamamaluina.’”+ 10  Ona fai atu loa lea o le tupu iā Hamanu: “Ia faavave ona ave le ofu ma le solofanua, ma ia faia e pei ona e fai mai ai iā Moretekai le tagata Iutaia, o loo nofo i le faitotoʻa o le tupu. Aua neʻi iai se mea e lē faia o mea uma na e fai mai ai.”+ 11  Ona ave lea e Hamanu o le ofu+ ma le solofanua, ua faaofu ma faatiʻetiʻe ai Moretekai+ i le nofoaga faitele+ o le aai, ma alaga atu i ona luma:+ “O le mea lenei e faia i le tagata ua finagalo i ai le tupu e faamamaluina.”+ 12  Mulimuli ane, ona toe foʻi atu lea o Moretekai i le faitotoʻa o le tupu.+ A ua alu faavave Hamanu i lona fale, ua faanoanoa ma ua ufiufi lona ulu.+ 13  Ona alu atu lea o Hamanu ma faamatala atu i lana avā o Seresa+ ma ana uō uma o mea uma ua oo iā te ia. Ona fai mai lea o ona tagata atamamai+ ma Seresa lana avā iā te ia: “Afai e mai i le fanauga a Iutaia Moretekai, o lē ua amata ai ona e paʻū, e te lē manumalo lava iā te ia, ae e mautinoa lava o le a e paʻū i ona luma.”+ 14  A o latou talanoa faatasi ma ia, ae taunuu mai loa tagata aloaʻia a le tupu, ma avatu faavave+ Hamanu i le taumafataga+ na faia e Eseta.

Faamatalaga Pito i Lalo