Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Eseta 2:1-23

2  Ua mavae nei mea ma ina ua teʻa le ita o le Tupu o Asueru,+ ona ia manatua lea o Vasati+ ma le mea na ia faia,+ ma le faasalaga na ia filifili e fai iā te ia.+  Ona fai atu lea o auauna+ a le tupu e faapea: “Ia latou saʻili+ mai ni tamaʻitaʻi talavou, o ni taupou+ lalelei mo le tupu,  ma ia tofia e le tupu ni matai i itumalo+ uma o lona malo, ia latou faapotopoto faatasi mai tamaʻitaʻi talavou uma, o taupou lalelei i le maota+ i Susana, i le fale o fafine lea e vaavaaia e Hege+ le eunuka+ a le tupu, o le leoleo o fafine; ma ia fofō i latou.  O le tamaʻitaʻi talavou e fiafia i ai le finagalo o le tupu, o le a fai ma masiofo e sui iā Vasati.”+ Ua lelei lea mea i le manatu o le tupu, ma na ia faia faapea.  Sa iai se tasi tamāloa Iutaia i le maota i Susana,+ o lona igoa o Moretekai+ le atalii o Iairo, le atalii o Semi, le atalii o Kiso mai i le ituaiga o Peniamina,+  o lē na aveina faapagota+ mai i Ierusalema ma le nuu na faapagotaina faatasi ma Iekonia+ le tupu o Iuta, lea na aveina faapagota e Nepukanesa+ le tupu o Papelonia.  Na tausi+ e ia Hatesa, o Eseta foʻi lea, o le afafine o le uso+ o lona tamā, auā e leai sona tamā po o sona tinā; o le tamaʻitaʻi talavou e lalelei lona tino ma e aulelei foʻi ona mata,+ na ave o ia e Moretekai e fai ma ona afafine ina ua feoti lona tamā ma lona tinā.  Ina ua faalogo i upu a le tupu ma lana tulafono, ma ina ua faapotopoto faatasi le toʻatele o tamaʻitaʻi talavou i le maota i Susana+ lea e vaavaaia e Hege,+ ona ave lea o Eseta i le fale o le tupu i le vaavaaiga a Hege le leoleo o fafine.  Ua lelei le tamaʻitaʻi talavou i lona manatu ma ua ia alofa faamaoni+ iā te ia, ona vave lea ona ia faatonu atu ia fofō+ o ia ma tuuina atu i ai o meaʻai faapitoa, ua tuuina atu foʻi iā te ia o tamaʻitaʻi talavou e toʻafitu ua filifilia mai i le fale o le tupu, ona ia ave lea o ia ma ona tamaʻitaʻi talavou i le nofoaga e sili ona lelei i le fale o fafine. 10  E leʻi faailoa atu e Eseta lona nuu+ po o lona aiga, auā na poloaʻi atu Moretekai iā te ia e aua neʻi ona faailoa+ atu. 11  O lea aso ma lea aso, na fesavaliaʻi ai Moretekai i luma o le lotoā o le fale o fafine, ina ia iloa po o ā mai Eseta, ma po o le ā foʻi se mea o faia iā te ia. 12  Ina ua oo i le taimi e ō atu ai tamaʻitaʻi talavou taʻitoʻatasi i le Tupu o Asueru, ina ua uma ona faia o lenā mea iā te ia e tusa ai ma le tulafono o fafine i masina e sefulu lua, auā na faasolosolo faataunuu faapena aso o le faasologa o a latou fofō, e ono masina e uu ai i le suāuu o le muro,+ e ono foʻi masina e uu ai i le suāuu+ pasama, faatasi ai ma fofō a fafine; 13  e tusa ai ma nei tulaga, e alu atu ai le tamaʻitaʻi talavou i le tupu. O mea uma e talosaga atu ai e tuuina atu iā te ia, e alu ma ia mai i le fale o fafine i le fale+ o le tupu. 14  Na alu atu o ia i le afiafi, ma na toe foʻi mai o ia i le taeao i le fale lona lua o fafine lea e vaavaaia e Sasekesa le eunuka+ a le tupu, o le leoleo o palake. E leʻi toe alu atu o ia i le tupu, seʻi vaganā ua fiafia le tupu iā te ia ma valaauina o ia i lona igoa.+ 15  Ina ua oo i le taimi o Eseta le afafine o Aviaila le uso o le tamā o Moretekai, o lē na aveina o ia e fai ma ona afafine,+ e alu atu ai o ia i le tupu, e na te leʻi talosagaina se mea,+ e na o mea na taʻua e Hege+ le eunuka a le tupu, o le leoleo o fafine, (i lea taimi atoa sa fiafia pea tagata uma iā Eseta o ē na vāai iā te ia).+ 16  Ona aveina lea o Eseta i le Tupu o Asueru i le fale o le tupu, i le masina lona sefulu, o le masina lea o Tapeta, i le tausaga+ lona fitu o lana nofoaiga. 17  Ua sili atu le alofa o le tupu iā Eseta nai lo o isi fafine uma, ma ua sili ona ia fiafia iā te ia ma alofa faamaoni i ai nai lo o isi taupou+ uma. Ona ia tuu lea o le ufiulu o le masiofo i lona ulu, ma fai o ia ma masiofo+ e sui ai Vasati. 18  Ona faia lea e le tupu o se faigaʻai tele mo ona alii sili uma ma ana auauna, o le faigaʻai mo Eseta; na ia tuuina atu foʻi le saʻolotoga+ i itumalo uma, ma na ia foaʻi atu pea meaalofa e tusa ma mea ua saunia e le tupu. 19  Ina ua faapotopotoina faalua taupou,+ na nofo Moretekai i le faitotoʻa+ o le tupu. 20  E leʻi faailoa atu e Eseta lona aiga ma lona nuu,+ e pei ona poloaʻi atu ai Moretekai+ iā te ia;+ ma na faia foʻi e Eseta mea na fai atu ai Moretekai, e pei ona ia faia a o ia tausia o ia.+ 21  I na aso a o nofo Moretekai i le faitotoʻa o le tupu, na feita ai Piketano ma Tirese, o tagata aloaʻia e toʻalua a le tupu, o leoleo faitotoʻa, ma taupulepule e faaoo o la lima+ i le Tupu o Asueru. 22  Ua iloa e Moretekai lenei mea, ona ia taʻuina atu loa lea i le masiofo o Eseta. Ona taʻu+ atu lea e Eseta i le tupu i le igoa+ o Moretekai. 23  Ua suʻesuʻeina lea mataupu ma iloa mulimuli ane ai, ona tasisi+ ai loa lea o i laʻua uma i se laau;+ ma na tusia lea mea i luma o le tupu i le tusi i mea na tutupu+ i na aso.

Faamatalaga Pito i Lalo