Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Eseta 1:1-22

1  I ona aso o Asueru,+ o Asueru lea na fai ma tupu e amata mai i Initia e oo atu i Aitiope, i itumalo+ e selau lua sefulu fitu,  o aso ia na nofo ai le Tupu o Asueru i le nofoālii+ o lona malo, sa i le maota+ i Susana,+  i le tausaga lona tolu o lana nofoaiga, na ia faia ai se faigaʻai+ mo ona alii sili uma ma ana auauna, o le ʻautau a Peresia+ ma Metai,+ ma tamālii+ ma alii sili o itumalo sa i ona+ luma,  ina ia faaali atu ai le tamaoaiga+ o lona malo matagofie, ma le mamalu+ ma le matagofie o lona malualii mo aso e tele, i aso e selau valu sefulu.  Ina ua atoa na aso, ona faia lea e le tupu o se faigaʻai i aso e fitu mo tagata uma na i le maota i Susana, o ē e sili ma ē e faatauvaa, i le lotoā o le togālaau o le maota o le tupu.  Na faamauina ʻie lino ma ʻie lelei lanu moana+ i maea ua faia i ʻie lelei, ma fulufulu mamoe ua vali lanu mūmū violē+ i mama siliva ma poutū maamora, na iai foʻi moega+ auro ma siliva i luga o fola e faia i paata,* o maamora, o penina, ma maamora uliuli.  Na avatu ai foʻi le uaina e inu i ipu+ auro; ma sa ese le tasi ipu mai i le isi ipu, na matuā tele foʻi le uaina+ a le tupu e tusa ma mea na saunia e le tupu.  O le taimi lenā e leai se tasi na tauanauina i latou e inu e tusa ai ma le tulafono, auā o le fuafuaga lenā a le tupu mo tagata sili uma o lona aiga, e faia lava le mea e mananaʻo i ai tagata taʻitoʻatasi uma.  Na faia foʻi e le masiofo o Vasati+ se faigaʻai mo fafine sa i le fale o le tupu, o le fale lea o le Tupu o Asueru. 10  I le aso lona fitu, ina o fiafia le loto o le tupu i le uaina,+ ona ia fai atu lea iā Meumanu, o Piseta, o Harepono,+ o Pigeta, o Avageta, o Setara, ma Karekase, o tagata aloaʻia e toʻafitu sa auauna+ i luma o le Tupu o Asueru, 11  e aumai le masiofo o Vasati i luma o le tupu ma le ufiulu o le masiofo, ina ia faaali atu lona lalelei i tagata ma alii sili; auā e lalelei lava o ia.+ 12  A ua musu+ pea le Masiofo o Vasati e alu ane i le feʻau a le tupu na faaoo atu e tagata aloaʻia. Ona matuā tigā ai lea o le tupu, ma ua oso aʻe le ita tele i lona+ loto. 13  Ona fai atu lea o le tupu i tagata atamamai+ o ē na iloa tū o na aso,+ (auā o le auala lenei na iloa ai e i latou o ē e popoto i le tulafono ma faamasinoga le mataupu a le tupu, 14  o ē na aupito i latalata iā te ia, o Karesena, o Setaru, o Atematu, o Tasesa, o Merese, o Maresena, ma Memukana, o perenise+ e toʻafitu o Peresia ma Metai e ō mai e lē aunoa i luma o le tupu,+ ma o ē e aupito i sili o latou tulaga i le malo): 15  “O le ā se mea e ao ona fai i le Masiofo o Vasati e tusa ai ma le tulafono, ona o lona lē faia o le mea na fai atu ai le Tupu o Asueru e ala i tagata aloaʻia?” 16  Ona fai mai lea o Memukana+ i luma o le tupu ma alii sili: “E lē na o le tupu ua faia i ai e le masiofo o Vasati le mea sesē,+ a o alii sili uma ma tagata uma o loo i itumalo uma o le Tupu o Asueru. 17  Auā pe a oo atu le tala i avā uma e faatatau i le mea na faia e le masiofo, ona latou ʻinoʻino+ ai lea i a latou tane+ pe a latou taʻu ane, ‘Na poloaʻi atu le Tupu o Asueru ina ia aumai le masiofo o Vasati i ona luma, ae e leʻi alu ane o ia.’ 18  O le aso lenei, pe a faalogo i ai purinisese o Peresia ma Metai e faatatau i le mea na faia e le masiofo, o le a latou talanoa atu i alii sili uma a le tupu, ona tele ai lea o le ʻinoʻino ma le ita.+ 19  Ae afai e lelei+ i le tupu, ia tuuina atu e ia se poloaʻiga ma ia tusia i tulafono+ a Peresia ma Metai, ma ia aua neʻi toe soloia,+ e faapea, aua neʻi toe sau Vasati i luma o le Tupu o Asueru; ma ia filifilia e le tupu se isi masiofo e sui iā te ia, o se fafine e sili atu ona lelei nai lo o ia. 20  Ia oo atu foʻi i lona malo uma (o se malo e telē) le poloaʻiga a le tupu, ona āva+ ai lea o avā uma i a latou tane,+ o ē e sili ma ē e faatauvaa.” 21  Ua lelei lea mea i manatu o le tupu+ ma perenise, ona faia lea e le tupu e tusa ai ma upu a Memukana. 22  Ona ia auina atu lea o tusi+ i itumalo uma a le tupu, e tusa ma le tusilima a itumalo+ taʻitasi ma i le gagana a tagata taʻitoʻatasi uma, ina ia faaauau pea ona pule le tane i lona lava aiga+ ma ia tautala i le gagana a lona lava nuu.

Faamatalaga Pito i Lalo

O se ituaiga o maa e matuā malō, e mūmū pāuli ma e togitogi i le lanu paʻepaʻe, e matuā tautele lava.