Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Esera 9:1-15

9  Ina ua uma nei mea, ona ō mai ai lea o perenise+ iā te aʻu, ma faapea mai: “Ua lē vavaeeseina+ e le nuu o Isaraelu, ma le ʻauositaulaga, ma le ʻau sa Levī i latou lava mai i tagata o isi atunuu e tusa ai ma a latou mea inosia,+ o sa Kananā,+ o sa Hetī,+ o sa Perisē,+ o sa Iepusē,+ o sa Amonī,+ o sa Moapī,+ o tagata Aikupito,+ ma sa Amorī.+  Auā ua latou talia nisi o o latou afafine mo i latou ma o latou atalii;+ ma ua auaufaatasi+ i latou o le fanau paia+ ma tagata o na atunuu, ua tausolomua+ foʻi perenise ma sui pule i lenei mea lē faamaoni.”  Ina ua ou faalogo i lenei mea, ona ou saeia ai lea o loʻu ofu ma loʻu ofu talaloa,+ ua ou futi foʻi i oʻu lauulu+ ma laʻu ʻava, ma ou nofo pea ua ou teʻi.+  Ua latou faapotopoto mai iā te aʻu, ua gatete+ i latou uma ona o afioga a le Atua o Isaraelu e faatatau i le lē faamaoni o tagata na ave faapagota, a o oʻu nofo ua ou teʻi, seʻia oo ina faia le taulaga o meaʻai i le afiafi.+  Ina ua faia le taulaga o meaʻai+ i le afiafi, ona ou tulaʻi lea mai i loʻu māsiasi, ua masae loʻu ofu ma loʻu ofu talaloa, ua ou tootuli+ ma faaloaloa atu oʻu lima iā Ieova loʻu Atua.+  Ua ou faapea atu:+ “Loʻu Atua e, ua ou lagona lava loʻu mā+ ma loʻu māsiasi+ e tepa aʻe oʻu mata iā te oe, loʻu Atua e, auā ua tele lava a matou mea sesē+ ua oo i o matou ulu, ma ua matuā tele foʻi lo matou nofosala ua oo atu lava i le lagi.+  Talu mai aso o o matou augātamā,+ ua matuā nofosala lava i matou e oo mai i aso nei;+ ona o a matou mea sesē, ua tuuina atu ai i matou, o o matou tupu,+ ma o matou ositaulaga+ i lima o tupu o nuu i le pelu,+ ua faapagotaina+ ma faoa+ a matou mea ma le māsiasi o o matou mata,+ e pei o le aso nei.  O lenei, ua fiafia+ Ieova lo matou Atua iā i matou mo sina taimi lava, i le tuua mo i matou o ē ua sao+ mai, ma tuuina mai iā i matou se pine i lona nofoaga paia e faamalamalama ai o matou mata,+ lo matou Atua e, e toe tau faaolaola ai i matou i la matou auaunaga.+  Auā o auauna i matou;+ ma i la matou auaunaga ua lē tuua ai i matou e lo matou Atua,+ a ua ia faalautele mai iā i matou lona alofa faamaoni i luma o tupu o Peresia,+ ina ia toe faaolaola ai i matou, ina ia siitia ai i luga le fale o lo matou Atua,+ ma ia toe faafoʻisia ona nofoaga ua faatafunaina,+ ma ia tuuina mai iā i matou se pā maa+ i Iuta ma Ierusalema. 10  “O lenei, lo matou Atua e, o le ā ea sa matou tala o le a fai atu ina ua uma ona e faia o nei mea? Auā ua matou tuua au poloaʻiga,+ 11  na e poloaʻi mai ai e ala i au auauna o perofeta, e faapea, ‘O le laueleele e tou te ō atu i ai e fai mo outou, o le laueleele e lē mamā, ona o le lē mamā o tagata o ia nuu,+ ona o a latou mea inosia+ na latou faatumu ai le laueleele i lo latou lē mamā,+ e mai i le tasi pito e oo atu i le isi pito.+ 12  O lenei, aua neʻi outou avatu o outou afafine i o latou atalii,+ aua foʻi neʻi outou talia o latou afafine mo o outou atalii; aua foʻi neʻi outou faia se mea e filemu+ ma saogalemu ai i latou i aso uma, ina ia outou malolosi+ ma ia aai i mea lelei o le laueleele, ma ia fai ma tofi mo o outou atalii i aso uma.’+ 13  Ua oo nei mea uma iā i matou ona o mea leaga+ na matou faia, ma lo matou matuā nofosala—lo matou Atua e, ua e lē faasalaina i matou e tusa ma a matou mea sesē,+ ma ua e tuuina mai iā i matou o ē ua sao, e pei o i latou nei+ 14  po o le a matou toe solia ea au poloaʻiga ma faaipoipo+ atu i tagata e faia nei mea inosia?+ Po o le a e matuā toʻatamaʻi+ lava iā i matou ma oo ai ina leai se tasi e totoe+ ma sao mai ai? 15  Ieova e, le Atua o Isaraelu, e amiotonu+ oe, auā ua faatotoeina i matou o se nuu ua sao e oo mai i lenei aso. Ua matou iai i ou luma ona ua matou nofosala,+ auā e lē mafai ona matou tutū atu i ou luma ona o lenei mea.”+

Faamatalaga Pito i Lalo