Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Esera 8:1-36

8  O ulu nei o aiga o o latou tamā,+ ma ē na tusia i le tusi o gafa+ o i latou na matou ō aʻe faatasi mai i Papelonia i le taimi o le nofoaiga a le tupu o Aretaseta:+  E mai i le fanauga a Fineaso,+ o Keresoma; e mai i le fanauga a Itamaro,+ o Tanielu;+ e mai le fanauga a Tavita,+ o Hatusa;  e mai i le fanauga a Sekania, o le fanauga a Parose,+ o Sakaria, sa iā te ia foʻi o tane e toʻaselau lima sefulu na tusia o latou igoa;  e mai i le fanauga a Paka-moapi,+ o Elioenai le atalii o Serakia, sa iā te ia foʻi o tane e toʻalua selau;  e mai i le fanauga a Satu,+ o Sekania le atalii o Iaaseelu, sa iā te ia foʻi o tane e toʻatolu selau;  e mai i le fanauga a Atini,+ o Epete le atalii o Ionatana, sa iā te ia foʻi o tane e toʻalima sefulu;  e mai i le fanauga a Elama,+ o Iesaia le atalii o Atalia, sa iā te ia foʻi o tane e toʻafitu sefulu;  e mai i le fanauga a Sefatia,+ o Sepatia le atalii o Mikaele, sa iā te ia foʻi o tane e toʻavalu sefulu;  e mai i le fanauga a Ioapo, o Opetaia le atalii o Ikielu, sa iā te ia foʻi o tane e toʻalua selau sefulu valu; 10  e mai i le fanauga a Pani,+ o Selomita le atalii o Iosefia, sa iā te ia foʻi o tane e toʻaselau ono sefulu; 11  e mai i le fanauga a Pepai, o Sakaria le atalii o Pepai,+ sa iā te ia foʻi o tane e toʻalua sefulu valu; 12  e mai i le fanauga a Asekata,+ o Iokana le atalii o Hakatana, sa iā te ia foʻi o tane e toʻaselau sefulu; 13  e mai i le fanauga a Atonikama,+ o ē na mulimuli, o o latou igoa nei: o Elifaleta, o Ieielu, ma Semaia, sa iā te i latou foʻi o tane e toʻaono sefulu; 14  e mai i le fanauga a Pikevai,+ o Utai, ma Saputo, sa iā i laʻua foʻi o tane e toʻafitu sefulu. 15  Ona ou faapotopoto lea o i latou i le vaitafe+ e tafe atu i Aava;+ ma faatutū ai pea o matou faleʻie i inā mo aso e tolu, seʻia ou suʻesuʻeina le nuu+ ma le ʻauositaulaga,+ ae e leai se tasi o le ʻau sa Levī+ na ou maua ai i inā. 16  Na ou aami atu iā Elisara, o Arielu, o Semaia, o Elenatana, o Iaripa, o Elenatana, o Natano, o Sakaria, o Mesulama, o taʻitaʻi i latou, ma Ioiaripa, ma Elenatana, o aʻoaʻo+ i laʻua. 17  Ona ou poloaʻi atu lea e ō iā Ito le taʻitaʻi o le nuu o Kasipeia, ona ou tuuina atu lea o upu+ e latou te tautatala atu ai iā Ito ma ona uso le ʻau Netini+ i le nuu o Kasipeia, ina ia tuuina mai iā i matou o auauna+ mo le fale o lo matou Atua. 18  Ua latou aumaia iā i matou e tusa ma le aao agalelei+ o lo matou Atua iā i matou, o se tagata faautauta+ e mai i le fanauga a Maali,+ o le atalii o le atalii o Levi,+ o le atalii o Isaraelu, o Serepeia+ lea ma ona atalii, ma ona uso, e toʻasefulu valu; 19  o Hasapea, sa iā te ia foʻi o Iesaia mai i le fanauga a Merari,+ o ona uso, ma o latou atalii, e toʻalua sefulu. 20  E mai i le ʻau Netini o ē na tuuina atu e Tavita ma perenise mo le auaunaga a le ʻau sa Levī, e toʻalua selau lua sefulu le ʻau Netini, o ē uma na filifilia o latou igoa. 21  Ona ou talaʻi atu lea o le anapogi i inā i le vaitafe o Aava, ina ia faamaulalo+ i matou lava i luma o lo matou Atua, e saʻili ai mai iā te ia se auala saʻo+ mo i matou, ma a matou fanau iti,+ ma a matou mea uma. 22  Auā na ou māsiasi e talosagaina se ʻautau,+ ma ni tagata tiʻetiʻe solofanua+ mai i le tupu ina ia fesoasoani iā i matou e siitaua atu ai i le fili i le ala, auā na matou faapea atu i le tupu: “Ua i luga le aao+ o lo matou Atua i ē uma o loo saʻili atu iā te ia e faia le mea lelei,+ a o lona malosi ma lona toʻasā+ o loo i ē uma ua tuua o ia.”+ 23  Ona matou anapopogi+ ai lea ma talosaga+ atu i lo matou Atua e faatatau i lenei mea, ona faafofoga+ mai lea o ia i la matou ʻaiʻoi. 24  Na ou vavaeese foʻi le toʻasefulu lua mai i alii sili o le ʻauositaulaga, o Serepeia+ ma Hasapea,+ sa iā i laʻua foʻi o la uso e toʻasefulu. 25  Ona ou fuaina atu lea iā i latou o siliva, o auro, ma ipu,+ o mea nei na foaʻi mai i le fale o lo matou Atua e le tupu,+ o ana faufautua,+ o ona alii sili ma tagata uma o Isaraelu+ na iai i lea mea. 26  Na ou fua atu foʻi i o latou lima o taleni* siliva+ e ono selau lima sefulu, o ipu siliva e selau e tusa ma le lua taleni, ma taleni auro e selau, 27  o tamaʻi ipu auro faaofuofu e lua sefulu e tusa ma le afe tareki,* ma ipu e lua o le ʻapamemea lelei e lanu mūmū iila, ma e tautele e pei o le auro. 28  Ona ou fai atu lea iā i latou: “O outou e paia+ iā Ieova, e paia foʻi ipu,+ o siliva ma auro o foaʻi tauofo iā Ieova le Atua o o outou augātamā. 29  Ia outou mataala, ma leoleo mea na seʻia outou fuaina+ atu i luma o alii sili o le ʻauositaulaga, o le ʻau sa Levī, ma perenise o tamā o Isaraelu i potu ʻai+ o le fale o Ieova i Ierusalema.” 30  Ona maua lea e ositaulaga ma le ʻau sa Levī o le fua o le mamafa o siliva, o auro, ma ipu, e avatu i Ierusalema i le fale o lo matou Atua.+ 31  Mulimuli ane, ona matou ō ese lea mai i le vaitafe o Aava+ i le aso lona sefulu lua o le uluaʻi masina+ ina ia matou ō i Ierusalema, sa faatasi foʻi ma i matou le aao o lo matou Atua, ma ua ia laveaʻi+ i matou mai i lima o le fili, ma ʻau na lalafi i le ala. 32  Ona matou ō mai lea i Ierusalema+ ma nonofo ai i inā i aso e tolu. 33  O le aso lona fā na matou fuaina atu ai siliva, o auro,+ ma ipu,+ i le fale o lo matou Atua i lima o Meremota+ le atalii o Uria le ositaulaga, sa iā te ia foʻi o Eleasaro le atalii o Fineaso, sa iā i laʻua o Ieosapa+ le atalii o Iesua, ma Noataia le atalii o Penui+ le ʻau sa Levī, 34  e tusa ma le aofaʻi ma le mamafa o mea uma, ona tusia lea o le mamafa i lenā taimi. 35  O ē na ō mai mai i le faapagotaina, na ave faapagota+ muamua, ua latou faia taulaga mū+ i le Atua o Isaraelu, e sefulu lua povi poʻa+ mo Isaraelu uma, e iva sefulu ono mamoe poʻa,+ e fitu sefulu fitu tamaʻi mamoe poʻa, ma ʻoti poʻa+ e sefulu lua e fai ma taulaga o agasala, o mea uma ia o taulaga mū iā Ieova. 36  Ona matou avatu lea o tulafono+ a le tupu i faipule+ a le tupu ma kovana+ i tala atu o le Vaitafe,+ ma ua latou fesoasoani i le nuu+ ma le fale o le Atua moni.

Faamatalaga Pito i Lalo

E faasino atu “taleni” i tupe. Tagaʻi i le Faaopoopoga e 14.
O le tupe auro a Peresia.