Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Esera 4:1-24

4  Ina ua faalogo fili+ o Iuta ma Peniamina, ua fausia e le fanauga a ē na Aveina Faapagota+ le malumalu iā Ieova le Atua o Isaraelu,  ona latou faalatalata mai loa lea iā Serupapelu+ ma ulu+ o aiga o tamā, ua faapea mai iā i latou: “Seʻi o tatou fausia faatasi ia ma outou;+ auā i le pei o outou, ua matou saʻili atu i lo outou Atua,+ ua matou fai taulaga atu foʻi iā te ia, talu mai aso o Esara-atona+ le tupu o Asuria, o lē na aveina aʻe i matou i inei.”+  A ua fai atu Serupapelu, o Iesua,+ ma isi ulu+ uma o aiga o tamā o Isaraelu iā i latou: “E tatou te lē faia ma outou le fale o lo matou Atua,+ auā e tatau iā i matou lava ona fausia faatasi le fale o Ieova le Atua o Isaraelu, e pei ona poloaʻi mai ai le Tupu o Kuresa,+ o le tupu o Peresia iā i matou.”  Ua faaauau pea ona faavaivaia+ e tagata o le nuu lima o tagata o Iuta, ma faalotovaivaia i latou mai i le fausiaina+ o le fale,  ua latou totogi+ foʻi tagata faufautua e tetee atu iā i latou, ina ia faalēaogāina a latou fautuaga i aso uma o Kuresa le tupu o Peresia, seʻia oo i le taimi o le nofoaiga a Tariu+ le tupu o Peresia.  I le nofoaiga a Asueru, ma i le amataga o lana nofoaiga, na latou tusia ai se tusi e molia+ ai ē na nonofo i Iuta ma Ierusalema.  I aso foʻi o Aretaseta, na tusi atu ai Piselama, o Metereta, o Taveele, ma isi uma o ana aumea i le tupu o Peresia o Aretaseta, ma na tusia le tusi i mataʻitusi Arama ma faaliliuina i le gagana Arama.+  Na tusia e Rekuma le tagata sili o le malo ma Semesai le tusiupu, se tusi iā Aretaseta le tupu e tuuaʻia ai Ierusalema, e faapea:  Ona tusi atu lea o Rekuma+ le tagata sili o le malo, o Semesai le tusiupu, ma isi uma o a latou aumea, o faamasino, o isi kovana i le isi itu o le Vaitafe,+ o failautusi,+ o tagata o Areka,+ o tagata Papelonia,+ o ē na nonofo i Susa,+ o tagata Elama+ ia, 10  o isi uma nuu+ na aveina faapagota e Asenapa+ le alii sili ma mamalu ma faanonofo i aai o Samaria,+ ma isi uma i tala atu o le Vaitafe, ——; ma 11  o le kopi lenei o le tusi na latou auina atu e faatatau i lenei mataupu: “I le tupu o Aretaseta,+ o au auauna i matou, o tagata o loo i tala atu o le Vaitafe: O lenei 12  ia silafia e le tupu, o tagata Iutaia mai iā te oe, na ō aʻe i inei iā i matou i Ierusalema. Ua latou fausia le aai fouvale ma leaga, ma ua latou faauma foʻi pā+ ma toe faaleleia faavae. 13  Ia silafia foʻi e le tupu, afai e toe fausia lenei aai ma faaumaina ona pā, e latou te lē toe totogi atu ni lafoga,+ po o ni tupe i le malo,+ po o ni lafoga o auala, ma o le a faaitiitia ai tupe+ a tupu. 14  O lenei, ona ua matou aai i mea* mai i le maota o le tupu, ma ua lē fetaui foʻi iā i matou le vāai atu o faamativaina le tupu, o le mea lea ua matou auina atu ai lenei tusi ma faailoa atu ai i le tupu, 15  ina ia faia se suʻesuʻega o le tusi o faamaumauga+ a ou tuaa. Ona e maua ai lea i le tusi o faamaumauga ma iloa ai, o lenā aai o le aai fouvale, ma o le a faaitiitia ai oloa a tupu ma itumalo, ma o loo tusia i le tusi ē na faia fouvalega mai i aso anamua. O le mea lea na faatafunaina ai lenā aai.+ 16  Ua matou faailoa atu i le tupu, afai e toe fausia lenā aai ma faaumaina ona pā, o le a lē maua foʻi sou tofi i tala atu o le Vaitafe.”+ 17  Ona auina mai lea e le tupu o le tusi iā Rekuma+ le tagata sili o le malo, o Semesai le tusiupu, o isi uma o a latou aumea+ o ē na nonofo i Samaria, ma isi uma i tala atu o le Vaitafe: “Talofa lava!+ O le 18  tusi lenei na outou auina mai iā i matou, ua faitauina lava i oʻu luma. 19  O lea, ua ou avatu ai le faatonuga, ma ua latou suʻesuʻeina+ ma iloa ai, o lenā aai sa fouvale i tupu mai lava i aso anamua, o le aai foʻi lea o loo faaauau pea ona fouvale ma tetee.+ 20  Sa iai foʻi tupu malolosi+ na pule i Ierusalema ma pulea tala atu atoa o le Vaitafe,+ na tuuina atu foʻi iā i latou lafoga, o tupe i le malo, ma lafoga o auala.+ 21  O lenei, ia outou faatonu atu i nei tagata ina ia taofia le galuega, ina ia aua neʻi toe fausia lenā aai, seʻia oo atu saʻu faatonuga. 22  O lea, ia outou faaeteete ina neʻi faatamala i lenei mea, ina neʻi tupu se mea e faaleagaina atili ai mea a tupu.”+ 23  O lea, ina ua uma ona faitauina o le kopi o le tusi a le tupu o Aretaseta i luma o Rekuma+ ma Semesai+ le tusiupu, ma a latou aumea,+ ona latou faanatinati atu loa lea i Ierusalema i tagata Iutaia, ma taofia faamalosi i latou.+ 24  O le taimi lenā na taofia ai loa le galuega o le fale o le Atua sa i Ierusalema; ma na taofia pea seʻia oo i le tausaga lona lua o le nofoaiga a Tariu+ le tupu o Peresia.

Faamatalaga Pito i Lalo

I le gagana Eperu, “ona ua matou aai i masima mai i le maota o le tupu.”