Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Esera 3:1-13

3  E oo ane i le masina lona fitu,+ ua iai le fanauga a Isaraelu i o latou aai. Ona faapotopoto lea o le nuu e pei o se tagata e tasi+ i Ierusalema.+  Ua tulaʻi Iesua+ le atalii o Iosatako, o ona uso o le ʻauositaulaga, o Serupapelu+ le atalii o Salatielu,+ ma ona uso, ua latou fauina le fata faitaulaga o Ieova le Atua o Isaraelu, ina ia fai ai taulaga mū, e tusa ma le mea ua tusia+ i le tulafono a Mose le tagata o le Atua moni.  Ua latou faatūina mausalī le fata faitaulaga i luga o lona tulaga,+ auā ua latou matataʻu ona o tagata o nuu,+ ua latou ofoina atu ai taulaga mū iā Ieova, o taulaga mū o le taeao ma le afiafi.+  Ua latou faia le tausamiga o fale lauvao+ e tusa ma mea ua tusia,+ ua faia taulaga mū i lea aso ma lea aso, e tusa ma le aofaʻiga o mea e tatau ona faia i aso taʻitasi e tusa ai ma le tulafono.+  Mulimuli ane, ona faia lea e lē aunoa o taulaga mū,+ o taulaga o masina faatoʻā vaaia,+ o taulaga o tausamiga+ uma ua faapaiaina a Ieova, ma taulaga tauofo+ a tagata uma na lotomalilie e foaʻi atu iā Ieova.  Ua latou amata ofo atu taulaga mū iā Ieova mai i le uluaʻi aso o le masina lona fitu,+ a o leʻi faataatiaina le faavae o le malumalu o Ieova.  Ua latou avatu foʻi tupe+ i tagata tipi maa+ ma tufuga,+ o meaʻai+ ma vai, ma suāuu+ i tagata Saitonu+ ma tagata Turo,+ ina ia aumai ai laupapa arasi mai i Lepanona+ i le sami o Iopa,+ e tusa ma le faatagaga a Kuresa+ le tupu o Peresia iā i latou.  I le tausaga lona lua talu ona latou ō mai i le fale o le Atua moni i Ierusalema, i le masina lona lua,+ na amata ai le galuega e Serupapelu+ le atalii o Salatielu,+ o Iesua+ le atalii o Iosatako, ma ē ua totoe o o latou uso, o le ʻauositaulaga ma le ʻau sa Levī,+ ma i latou uma o ē na ō mai mai i le aveina faapagota+ i Ierusalema; ma ua latou tofia le ʻau sa Levī, e amata mai i ē e taʻilua sefulu tausaga ma ē e matutua atu, ina ia avea ma ē e vaavaaia le galuega o le fale o Ieova.+  Ua tutū faatasi foʻi Iesua,+ o ona atalii ma ona uso, o Katameeli ma ona atalii, ma atalii o Iuta, ua latou vaavaaia ē e faia le galuega i le fale o le Atua moni, atoa foʻi ma atalii o Henatati,+ o o latou atalii, ma o latou uso o le ʻau sa Levī. 10  Ina ua uma ona faataatia e le ʻaukamuta le faavae+ o le malumalu o Ieova, ona tutulaʻi lea o ositaulaga ua fai o latou ofu+ o le malumalu faatasi ma pū,+ ma le ʻau sa Levī o atalii o Asafo+ faatasi ma sumepalo,*+ ua latou vivii atu iā Ieova e tusa ai ma le taʻitaʻiga+ a Tavita le tupu o Isaraelu. 11  Ona latou tali atu lea i viiga+ ma faafetai iā Ieova, “auā e lelei o ia,+ auā e alofa faamaoni o ia iā Isaraelu i aso uma lava.”+ Ua alalaga foʻi le nuu uma i le alaga+ leotele i viiga o Ieova, ina ua uma ona faataatia le faavae o le fale o Ieova. 12  O le toʻatele foʻi o le ʻauositaulaga,+ o le ʻau sa Levī ma ulu o aiga o o latou tamā,+ ma toeaina o ē na vāai i le fale muamua,+ ua fetagisi+ leotetele ina ua faataatia le faavae+ o lenei fale i o latou luma, a o alalaga leotetele le toʻatele o isi ona o le olioli.+ 13  Ua lē iloa e le nuu le eseesega o le leo o le alaga fiafia+ mai i le leo o le fetagisi o le nuu, auā ua alalaga leotetele le nuu, ma ua lagona atu foʻi e oo lava i le mea mamao.

Faamatalaga Pito i Lalo

O le “sumepalo” o se meafaifaaili e lapotopoto, ma e tagitagi pe a faafetoʻai le tasi i le isi.