Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Esekielu 7:1-27

7  Ua toe fetalai mai Ieova iā te aʻu, e faapea:  “A o oe le atalii e o le tagata, o le fetalaiga lenei a le Alii Pule Silisili Ese o Ieova i le eleele o Isaraelu, ‘O le iʻuga, ua oo mai le iʻuga i itu e fā o le laueleele.+  O lenei ua i ou luga le iʻuga,+ ou te faaoo atu loʻu ita faasaga iā te oe, ou te faamasino foʻi iā te oe e tusa ma ou ala+ ma ou te taui atu iā te oe i au mea inosia uma.  Ou te lē faapelepele iā te oe,+ po ou te alofa mutimutivale iā te oe, ou te taui atu iā te oe e tusa ma ou ala, o le a e mafatia ona o au mea inosia ua iai i lou lotolotoi;+ ona outou iloa ai lea o aʻu lava o Ieova.’+  “O le fetalaiga lenei a le Alii Pule Silisili Ese o Ieova, ‘Faauta! o loo sau se mala, o se mala uigaese.+  O le a oo mai le iʻuga.+ E oo mai lava le iʻuga; e oo faafuaseʻi mai iā te oe. Faauta foʻi! o loo sau.+  O oe lenā o lē e nofo i le laueleele, o le a oo mai iā te oe le pale o le malaia, o le a oo mai le taimi, ua latalata mai le aso.+ E iai le vāvāō, ae e lē o le alaga fiafia o mauga.  “‘E lē o toe umi ona ou sasaa atu lea o loʻu ita tele iā te oe,+ ma o le a ou faauma loʻu ita faasaga iā te oe,+ ou te faamasinoina oe e tusa ma ou ala+ ma ou taui atu iā te oe i au mea inosia uma.  Ou te lē faapelepele iā te oe,+ po ou te alofa mutimutivale iā te oe.+ Ou te taui atu iā te oe e tusa ma ou ala, o le a e mafatia ona o au mea inosia ua iai i lou lotolotoi;+ ona outou iloa ai lea o aʻu lava o Ieova o loo oʻu taia outou.+ 10  “‘Faauta! O le aso! O loo sau.+ Ua alu atu le pale o le malaia.+ Ua fuga mai le tootoo.+ Ua tupuolaola le faamaualuga.+ 11  Ua tulaʻi le sauā e fai ma tootoo o le amioleaga.+ E lē faasaoina i latou mai i le faasalaga i lo latou tamaoaiga, po o i latou lava, po o lo latou tulaga aloaʻia. 12  O le a oo mai le taimi, o le a oo mai le aso. Ia aua neʻi fiafia lē e faatau mai;+ a o lē e faatau atu aua neʻi faanoanoa o ia, auā ua iai le ita tele faasaga i tagata uma o le nuu. 13  Auā e lē toe foʻi le tagata i le mea na ia faatauina atu, a o ola pea i latou; auā o le faaaliga e mo le nuu atoa. E leai se tasi e toe foʻi atu, ma e lē faatumauina e tagata taʻitoʻatasi lona lava ola i lana lava mea sesē. 14  “‘Ua latou ilia le pū+ ma ua sauniuni uma tagata, ae e leai se tasi e alu atu i le taua, auā ua iai loʻu ita tele faasaga i tagata uma o le nuu.+ 15  Ua i fafo le pelu,+ a ua i totonu le faamaʻi ma le oge.+ O lē ua i le fanua e oti o ia i le pelu, ma o ē o loo i le aai e faaumatia i latou i le faamaʻi ma le oge.+ 16  O ē e sao, e sao lava i latou,+ e avea foʻi i latou i luga o mauga e pei o lupe i vanu,+ e ōi i latou uma e taʻitasi e tusa ma lana mea sesē. 17  A o o latou lima uma e tautau i lalo;+ ma o o latou tuli uma e sisina ai le vai.*+ 18  E latou te sulu i ʻie talatala,+ e ufitia foʻi i latou i le gatete;+ e māsiasi+ o latou mata uma, ma e tula o latou ulu uma.+ 19  “‘O le a latou lafo a latou siliva i auala, ma e fai a latou auro ma mea e ʻinoʻino i ai. E lē mafai e a latou siliva po o a latou auro ona laveaʻiina i latou i le aso o le toʻasā o Ieova.+ O le a lē faamalieina i latou, e lē maoona foʻi o latou laualo, auā ua avea lo latou tamaoaiga ma mea e tautevateva ai ma māfua ai ona latou faia o mea sesē.+ 20  Ua fai ma mea e mimita ai le matagofie o teuga a se tasi; ua latou faaaogā auro ma siliva e faia ai faatusa inosia,+ o a latou mea inosia.+ O le mea lea, o le a ou faia ai ia mea ma mea leaga iā i latou.+ 21  O le a ou tuuina atu siliva ma auro i lima o tagata ese ina ia ave faamalosia, ma i tagata amioleaga o le lalolagi e fai ma vete,+ ma e latou te faaleagaina ai. 22  “‘O le a liliuese oʻu mata mai iā i latou,+ o le a latou faaleagaina laʻu mea lilo, ma o le a ō atu i ai o ē e faomea ma faaleagaina.+ 23  “‘Ia faia se filifili,+ auā ua tumu le atunuu i faamasinoga e iʻu ai i le faamasaatoto,+ ua tumu foʻi le aai i le sauā.+ 24  O le a ou aumaia o ē e aupito sili ona leaga i nuu,+ o le a fai mo i latou o latou fale,+ ou te faamutaina le mimita o ē e malolosi,+ ma faaleagaina o latou potu paia.+ 25  O le a iai le puapuaga, ma e latou te saʻili foʻi i le filemu ae e lē maua.+ 26  O le a fafa mai le isi faigatā i luga o le isi faigatā,+ e sosoo mai foʻi le isi tala ma le isi tala, e saʻili e le nuu se faaaliga mai i le perofeta,+ e fano ai foʻi le tulafono mai i le ositaulaga ma fautuaga mai i toeaina.+ 27  O le a faavauvau le tupu;+ e ofu le taʻitaʻi i le atuatuvale,+ o le a gatete foʻi lima o tagata o le atunuu ona o le vevesi. Ou te gaoioi iā i latou e tusa ma o latou ala,+ ou te faamasinoina i latou+ e tusa ma a latou faamasinoga; ona latou iloa ai lea o aʻu lava o Ieova.’”+

Faamatalaga Pito i Lalo

O lona uiga o le alu o le feʻau vai ona o le mataʻu.