Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Esekielu 6:1-14

6  Ua toe fetalai mai Ieova iā te aʻu, e faapea:  “Le atalii e o le tagata, inā faasaga ia ou mata i mauga o Isaraelu ma faia valoaga+ i ia mea.+  Ia e fai atu, ‘Mauga e o Isaraelu, inā faalogo mai ia i le afioga a le Alii Pule Silisili Ese o Ieova:+ O le fetalaiga lenei a le Alii Pule Silisili Ese o Ieova ua fai atu i mauga ma aʻega,+ i vaitafe ma vanu: “O aʻu lenei! Ou te auina atu iā te outou le pelu, ma ou te faatafunaina a outou mea maualuluga.+  O le a lepetia foʻi o outou fata faitaulaga+ ma o outou fata faitaulaga e faamū ai mea manogi, ma ou lafoina ou tagata ua fasiotia i luma o au tupua inosia.*+  Ou te tuuina atu tino oti o le fanauga a Isaraelu i luma o a latou tupua inosia, ma ou te faataapeapeina o outou ponaivi ia soo ai o outou fata faitaulaga.+  O le a faatafunaina+ aai i mea uma tou te nonofo+ ai ma o le a lepetia mea maualuluga, ina ia faatafunaina+ ai pea ia mea, ma faatafunaina ai o outou fata faitaulaga ma gauia ai,+ e faaumatia a outou tupua inosia,+ e soloia i lalo fata faitaulaga e faamū ai mea manogi,+ ma e soloiesea foʻi a outou galuega.  E paʻuʻū o ē ua fasiotia i lo outou lotolotoi,+ ona outou iloa ai lea o aʻu lava o Ieova.*+  “ ʻ “Pe a oo ia mea, ou te tuu ai pea iā te outou o ni ē e totoe, o ē ua sao mai i le pelu mai i nuu pe a faataapeapeina outou i atunuu.+  Pe a ave faapagota i latou o ē ua sao i isi atunuu,+ ona latou manatua ai lea o le tigā o loʻu loto ona o o latou loto mulilulua na ō ese ai iā te aʻu,+ ma ua tuliloa e o latou mata tupua+ inosia ina ia faitaaga ai; o le a ʻinoʻino i latou iā i latou lava, ona o mea leaga ua latou faia i a latou mea inosia uma.+ 10  Ona latou iloa ai lea o aʻu lava o Ieova; na ou lē fai atu fua+ e tusa ma le faaooina atu o lenei mala iā i latou.” ’+ 11  “O le fetalaiga lenei a le Alii Pule Silisili Ese o Ieova, ‘Ia patipati ou lima i le faanoanoa+ ma tatū lou vae, ma faapea mai: “Oi auē!” ona o mea leaga ma le inosia a le aiga o Isaraelu,+ o le a fasiotia i latou i le pelu,+ i le oge,+ ma le faamaʻi.+ 12  A o lē ua mamao,+ e oti o ia i le faamaʻi; o lē ua latalata mai, e oti o ia i le pelu; o lē foʻi ua totoe ma ua malupuipuia, e oti o ia i le oge, ma faaumaina ai loʻu ita iā i latou.+ 13  Ona latou iloa ai lea o aʻu lava o Ieova,+ pe a taatitia ē ua fasiotia o i latou i le lotolotoi o a latou tupua inosia,+ e soo ai o latou fata faitaulaga,+ i luga o mauga maualuluga,+ i luga foʻi o tumutumu o atumauga,+ ma i lalo o laau lauolaola+ ma laau tetele mafalā,+ i le mea ua latou ofo atu ai a latou taulaga e faamalie ai a latou tupua inosia uma.+ 14  O le a ou faaloaloa loʻu lima faasaga iā i latou+ ma faagaogaoina le laueleele, o se faagaogaoina e sili ona leaga nai lo o le toafa lea e faasaga i Tipelata, i mea uma latou te nonofo ai. Ona latou iloa ai lea o aʻu lava o Ieova.’ ”

Faamatalaga Pito i Lalo

O le upu “inosia” e fesootaʻi atu i le upu mo otaotavale.
O le taimi muamua mai i taimi e sili atu i le 60 e maua ai lenei faaupuga i le tusi o Esekielu, e faatatau atu i le faapaiaina o le suafa o Ieova i le lalolagi.