Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Esekielu 5:1-17

5  “A o oe foʻi, le atalii e o le tagata, ia e tago i se pelu maʻai. Ia e faaaogā e fai ma tafi a se tagata sele ʻava,+ ia e tafi ai lou ulu ma lau ʻava, ma ia e avane foʻi mo oe se fua faatautau, ma vaevaeina lauulu o le ʻava ma le ulu i ni vaega se tolu.  E te susunuina le tasi vaetolu i le afi i le aai pe a atoa aso e siʻomia ai.+ Ia e ave foʻi le isi tasi vaetolu, ma tāina i le pelu ia soo ai le aai uma,+ a o le tasi vaetolu mulimuli, ia faasalalau solo i le matagi, ae ou te toina aʻe le pelu ia mulimuli iā i latou.+  “Ia e ave ni nai lauulu mai i le vaega mulimuli ma afīfī i lou pito ofu.+  A ia e ave nisi lauulu ma togi i le afi ma susunuina ai i le afi. O le a alu atu le afi mai i lea mea i le aiga uma o Isaraelu.+  “O le fetalaiga lenei a le Alii Pule Silisili Ese o Ieova, ‘O Ierusalema lenei. Ua ou tuuina o ia i totonu o nuu ma atunuu o loo siʻomia ai o ia.  Ua fouvale o ia i iʻuga o aʻu faamasinoga ma ua sili atu ona amioleaga nai lo o isi nuu,+ ma ua sili atu ona faasagatau i aʻu tulafono nai lo o isi atunuu o loo siʻomia ai o ia, ua latou teena iʻuga o aʻu faamasinoga ma na latou lē savavali foʻi e tusa ma aʻu tulafono.’+  “O le mea lea, o le fetalaiga lenei a le Alii Pule Silisili Ese o Ieova, ‘Talu ai ua sili atu ona outou ulavavale+ nai lo o nuu o loo siʻomia ai outou, tou te leʻi savavali e tusa ma aʻu tulafono, tou te leʻi faatinoina foʻi iʻuga o aʻu faamasinoga;+ peitaʻi na outou faatinoina iʻuga o faamasinoga a nuu o loo siʻomia ai outou, pe na outou lē faia ea faapea?+  o lea, o le fetalaiga lenei a le Alii Pule Silisili Ese o Ieova: “Le aai e, o aʻu,+ o aʻu lava ou te faasagatau atu iā te oe, ou te faaoo i lou lotolotoi iʻuga o faamasinoga i luma o nuu.+  Ou te faia iā te oe le mea ou te leʻi faia lava, ma ou te lē toe faia foʻi se mea faapea, ona o au mea inosia uma ua e faia.+ 10  “ʻ“O le mea lea o le a ʻaina ai e tamā o latou atalii i lou lotolotoi,+ ma e ʻaina foʻi e atalii o latou tamā, o le a ou faaoo iā te oe faasalaga ma faataapeapeina ē o totoe mai iā te oe i matagi uma.”’+ 11  “‘O le mea lea, o loo ola aʻu,’ ua fetalai mai ai le Alii Pule Silisili Ese o Ieova, ‘talu ai ua e faaleagaina loʻu malumalu i au mea inosia uma+ ma au mea ou te ʻinoʻino i ai,+ o aʻu, o aʻu lava foʻi o Lē o le a faatoʻaitiitia oe,+ ou te lē faapelepele+ iā te oe ma ou te lē alofa mutimutivale foʻi.+ 12  O le tasi vaetolu ua iā te oe, o le a feoti i latou i le faamaʻi,+ e feoti foʻi i latou i le oge i lou lotolotoi.+ O le isi tasi vaetolu, o le a feoti i latou i pelu i mea uma e siʻosiʻoina ai oe. O le tasi vaetolu mulimuli ou te faataapeapeina i matagi uma,+ ae ou te toina aʻe le pelu e mulimuli atu iā i latou.+ 13  O le a uma loʻu ita+ ma o le a toʻafilemu loʻu ita tele iā i latou+ ma faamāfanafanaina ai aʻu;+ ona latou iloa ai lea o aʻu lava o Ieova, ua ou fai atu ai i loʻu maumauaʻi e tapuaʻi mai tau lava o aʻu,+ pe a uma loʻu ita tele iā i latou. 14  “‘Ou te faia oe ma se nofoaga o faatafunaga ma ua avea ma luma i nuu e siʻomia ai oe, i luma foʻi o i latou uma e ui ane ai.+ 15  O le a fai oe ma mea e māsiasi+ ai ma taulaʻiga o upu faifai,+ o se faaaʻoaʻoga e lapataʻia+ ai ma o se mea e fememeaʻi ai nuu o loo siʻomia oe, pe a ou faaoo iā te oe o faasalaga i loʻu ita, ma loʻu ita tele, ma aʻu aʻoaʻiga+ ogaoga. O aʻu lava o Ieova, ua ou fai atu ai. 16  “‘Pe a ou fana atu iā te outou aū e tigā ai o le oge,+ lea e faatafunaina ai, o aū ia ou te auina atu e fano ai outou,+ ou te faateleina le oge iā te outou ma ou gauia a outou laau e tautau ai falaoa lapotopoto.+ 17  Ou te auina atu i o outou luga le oge ma manufeʻai,+ e faaumatia e ia mea a outou fanau ma outou faanoanoa ai, ma e ui atu iā te outou o faamaʻi+ ma le toto,+ o le a ou tuuina atu foʻi i o outou luga le pelu.+ O aʻu lava o Ieova, ua ou fai atu ai.’”

Faamatalaga Pito i Lalo