Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Esekielu 48:1-35

48  “O igoa nei o ituaiga. E mai i le taufaasiʻusiʻuga o le itu i mātū i le ala e oo atu i Hetelona+ i le mea e ui atu ai i Amato.+ E oo atu foʻi i Hasarenana+ i le tuaoi o Tamaseko i le itu i mātū, e oo atu i tala ane o Amato; e ao ona iai se tuaoi i le itu i sasaʻe ma le itu i sisifo, o le tofi lea o Tanu.+  E amata mai i le tuaoi o Tanu ma e mai i le tuaoi i sasaʻe e oo i le tuaoi i sisifo, o le tofi lea o Asera.+  E amata mai i le tuaoi o Asera ma e mai i le tuaoi i sasaʻe e oo i le tuaoi i sisifo, o le tofi lea o Nafatali.+  E amata mai i le tuaoi o Nafatali ma e mai i le tuaoi i sasaʻe e oo i le tuaoi i sisifo, o le tofi lea o Manase.+  E amata mai i le tuaoi o Manase ma e mai i le tuaoi i sasaʻe e oo i le tuaoi i sisifo, o le tofi lea o Efaraima.+  E amata mai i le tuaoi o Efaraima ma e mai i le tuaoi i sasaʻe e oo i le tuaoi i sisifo, o le tofi lea o Reupena.+  E amata mai i le tuaoi o Reupena ma e mai i le tuaoi i sasaʻe e oo i le tuaoi i sisifo, o le tofi lea o Iuta.+  E amata mai i le tuaoi o Iuta ma e mai i le tuaoi i sasaʻe e oo i le tuaoi i sisifo, o le foaʻi e tatau ona outou foaʻi atu e ao ona lua sefulu lima afe kupita le lautele,+ ma o le umi ia tutusa ma isi tofi, e mai i le tuaoi i sasaʻe e oo atu i le tuaoi i sisifo. E tatau ona iai le malumalu i totonu o lea foaʻi.+  “O le foaʻi e ao ona outou avatu iā Ieova, o le umi e lua sefulu lima afe kupita ma le lautele e sefulu afe. 10  E ao ona iai se foaʻi paia i ia mea mo ositaulaga,+ o le itu i mātū e lua sefulu lima afe kupita, o le itu i sisifo e sefulu afe le lautele, o le itu i sasaʻe e sefulu afe foʻi le lautele, ma le itu i saute e lua sefulu lima afe le umi. O le a iai foʻi le malumalu o Ieova i totonu o lea mea.+ 11  E fai lea mea mo ositaulaga, o ē ua faapaiaina mai i le fanau a Satoka,+ o ē na tausia la latou matafaioi iā te aʻu, ma na lē ō ese ina ua ō ese le fanauga a Isaraelu, e pei foʻi ona ō ese o le ʻau sa Levī.+ 12  E ao ona latou maua se foaʻi mai i le foaʻi o le laueleele, o se mea e paia, i le tuaoi o le ʻau sa Levī.+ 13  “E ao ona maua e le ʻau sa Levī,+ e feagai ma le fanua o ositaulaga, se fanua e lua sefulu lima afe kupita le umi, ma le lautele e sefulu afe; o le umi atoa e lua sefulu lima afe ma le lautele e sefulu afe.+ 14  E lē tatau ona latou faatauina atu sina fasi fanua, pe fesuiaʻi, e lē tatau foʻi ona latou faamatuu ese le laueleele e sili ona lelei mai iā i latou; auā o se mea paia lea iā Ieova.+ 15  “A o le lima afe kupita le lautele lea e totoe, i tala ane o le lua sefulu lima afe, o se mea ua tuu e faaaogā e tagata o le aai,+ e nonofo ai ma se fanua e aai ai lafumanu. E ao ona iai le aai i totonu o lea mea.+ 16  O fua nei o le aai: o le tuaoi i mātū e fā afe lima selau kupita, o le tuaoi i saute e fā afe lima selau, o le tuaoi i sasaʻe e fā afe lima selau, ma le tuaoi i sisifo e fā afe lima selau. 17  E ao ona iai i le aai se fanua e aai ai lafumanu,+ i le itu i mātū e lua selau lima sefulu kupita, i le itu i saute e lua selau lima sefulu, i le itu i sasaʻe e lua selau lima sefulu ma i le itu i sisifo e lua selau lima sefulu. 18  “O le umi o le mea ua totoe e tutusa lelei ma le foaʻi paia,+ e sefulu afe kupita i le itu i sasaʻe ma e sefulu afe foʻi i le itu i sisifo; e ao ona tutusa e pei o le foaʻi paia, ma o faaeleeleaga mai i lea mea e fai ma meaʻai a ē e auauna i le aai.+ 19  O i latou uma o ē e auauna i le aai mai i ituaiga uma o Isaraelu o le a galueaʻiina le fanua.+ 20  “O le foaʻi atoa e lua sefulu lima afe kupita faatele i le lua sefulu lima afe. E ao ona outou foaʻi atu se vaega faatafafā e fai ma foaʻi paia faatasi ma le fanua o le aai. 21  “E fai mo le taʻitaʻi le mea e totoe i lenei itu+ ma le isi itu o le foaʻi paia ma le fanua o le aai,+ i tala ane o le lua sefulu lima afe kupita o le foaʻi i le tuaoi e oo i le itu i sasaʻe; ma le itu i sisifo i tala ane o le lua sefulu lima afe kupita i le tuaoi e oo i le itu i sisifo.+ O le fanua o le taʻitaʻi e feagai ma ia tofi. O le a iai i totonu o lea mea le foaʻi paia ma le malumalu o le Fale. 22  “O le a iai i le ogatotonu o fanua o le taʻitaʻi, le fanua o le ʻau sa Levī ma le fanua o le aai. O le a fai mo le taʻitaʻi le fanua i le va o le tuaoi o Iuta+ ma le tuaoi o Peniamina. 23  “A o ituaiga o totoe, e amata mai i le tuaoi i sasaʻe e oo i le tuaoi i sisifo, o le tofi lea o Peniamina.+ 24  E amata mai i le tuaoi o Peniamina ma e mai i le tuaoi i sasaʻe e oo i le tuaoi i sisifo, o le tofi lea o Simeona.+ 25  E amata mai i le tuaoi o Simeona ma e mai i le tuaoi i sasaʻe e oo i le tuaoi i sisifo, o le tofi lea o Isakara.+ 26  E amata mai i le tuaoi o Isakara ma e mai i le tuaoi i sasaʻe e oo i le tuaoi i sisifo, o le tofi lea o Sepulona.+ 27  E amata mai i le tuaoi o Sepulona ma e mai i le tuaoi i sasaʻe e oo i le tuaoi i sisifo, o le tofi lea o Kato.+ 28  E amata mai i le tuaoi o Kato, e oo atu i le tuaoi i saute, i le itu i saute; o le tuaoi e amata mai i Tamara+ e oo atu i vai o Meripa-katesa,+ e oo atu foʻi i le vanu+ ma e oo atu lava i le Sami Tele.+ 29  “O fanua ia e tou te vaevaeina e fai ma tofi o ituaiga o Isaraelu,+ o a latou vaega ia,”+ ua fetalai mai ai le Alii Pule Silisili Ese o Ieova. 30  “O mea ia e ulufafo atu ai mai i le aai: O le tuaoi i mātū e fā afe lima selau kupita le fua.+ 31  “O le a faaigoa faitotoʻa o le aai e tusa ma igoa o ituaiga o Isaraelu, e tolu faitotoʻa i le itu i mātū, o le faitotoʻa o Reupena e tasi; o le faitotoʻa o Iuta e tasi; o le faitotoʻa o Levi e tasi. 32  “O le tuaoi i sasaʻe e fā afe lima selau kupita, ma e tolu faitotoʻa, o le faitotoʻa foʻi o Iosefa e tasi; o le faitotoʻa o Peniamina e tasi; ma le faitotoʻa o Tanu e tasi. 33  “O le tuaoi i saute e fā afe lima selau kupita le fua, e tolu faitotoʻa, o le faitotoʻa o Simeona e tasi; o le faitotoʻa o Isakara e tasi; ma le faitotoʻa o Sepulona e tasi. 34  “O le tuaoi i sisifo e fā afe lima selau kupita, e tolu faitotoʻa, o le faitotoʻa o Kato e tasi; o le faitotoʻa o Asera e tasi; ma le faitotoʻa o Nafatali e tasi. 35  “O le faataamilosaga e sefulu valu afe kupita; ma o le igoa o le aai mai i lenā aso ma faaauau ai pea, O Loo Afio ai Ieova i Inā.”+

Faamatalaga Pito i Lalo