Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Esekielu 47:1-23

47  Ua ia faifaimālie ona toe avatu aʻu i le mea e ulufale atu ai i le Fale,+ faauta foʻi! ua tafe atu le vai+ mai i lalo o le mea e ulu atu ai i le Fale i le itu i sasaʻe,+ auā ua faasaga luma o le Fale i le itu i sasaʻe. Ua tafe atu le vai mai i lalo o lea mea, mai i le itu taumatau o le Fale i le itu i saute o le fata faitaulaga.  Ua ia faifaimālie ona ave aʻu e ala i le faitotoʻa i le itu i mātū+ ma taʻitaʻi atu aʻu i le ala i fafo e oo i le faitotoʻa pito i fafo lea e faasaga i le itu i sasaʻe,+ faauta foʻi! o le vai+ ua sisina ifo i le itu taumatau.  Ua alu ane le tamāloa i le itu i sasaʻe ma le manoa e fua ai i lona lima,+ ua fua ai e ia le afe kupita ma ua ia faaui ane aʻu i le vai, o le vai e oo i tapuvae.  Ua fua pea e ia le afe ma ua ia faaui ane aʻu i le vai, o le vai e oo i tulivae. Ua ia fua pea le afe ma ua ia faaui ane foʻi aʻu i le vai, o le vai e oo i suilapalapa.  Ua faaauau ona ia fuaina le afe. Ua avea ma ālia ma e lē mafai ona ui ane ai, auā ua loloto le vai, o le vai e aau ai, o se ālia e lē mafai ona asā.  Ona ia faapea mai lea iā te aʻu: “Le atalii e o le tagata, po ua e vaai i lenei mea?” Ua ia faasavali aʻu ma toe faafoʻi aʻu i le auvai o le ālia.  Ua ou toe foʻi, silasila! ua iai laau e tele i le auvai o le ālia i lenei itu ma le isi itu.+  Ua ia toe faapea mai iā te aʻu: “E tafe atu lenei vai i le itu i sasaʻe ma e tafe atu i Arapa.+ E oo atu foʻi i le sami.+ E tafe atu i le sami+ ma magalo ai ona vai.  O meaola uma e feoaʻi, o le a feola i mea uma e alu atu i ai le ālia ua faaluaina lona telē.+ O le a tele iʻa auā o le mea lea e alu atu ai le vai, ma e magalo ai le suāsami,+ e ola ai foʻi mea uma i le mea e tafe atu i ai le ālia. 10  “O le a tutū foʻi tagata faifaiva i autafa o le sami mai i Enokati+ e oo atu i Enokelima. O le a iai foʻi se mea e faamamago ai upega. O le a tele foʻi ituaiga o iʻa eseese e pei o iʻa i le Sami Tele.*+ 11  “Ua iai ona mea e pala ma ona faataufusi, ma e lē magalo ia mea.+ E tuuina atu ia mea i le masima.+ 12  “O le auvai o le ālia i lenei itu ma le la itu, e tutupu ai laau uma e ʻaina.+ E lē mamae lau o ia laau,+ e lē uma foʻi fua o ia laau.+ E taʻitasi le masina ma le fuata, auā o le vai e faasūsūina ai ia laau e sau mai i le malumalu.+ E fai fua o ia laau ma meaʻai, ma lau o laau e fai ma vailaau.”+ 13  O le fetalaiga lenei a le Alii Pule Silisili Ese o Ieova: “O le laueleele lenei e tou te vaevaeina mo outou e fai ma tofi, o le laueleele lea mo ituaiga e sefulu lua o Isaraelu, ma e lua fanua e avatu mo Iosefa.+ 14  E ao ona outou nonofo ai, o le tasi e tusa ma lona uso, o le laueleele lea na sii ai loʻu lima i se tautoga+ e avatu i o outou augātamā,+ ma e vaevaeina lenei laueleele e fai ma o outou tofi.+ 15  “O le tuaoi lenei o le laueleele i le itu i mātū, mai i le Sami Tele e agaʻi atu i le ala i Hetelona,+ e oo foʻi i Setata,+ 16  e oo atu i Amato,+ ma oo atu ai i Perota,+ e oo atu lava i Seperimo, lea e i le va o le tuaoi o Tamaseko+ ma le tuaoi o Amato; e oo foʻi i Hasaratikona lea e lata i le tuaoi o Haurana.+ 17  O le tuaoi e amata mai i le sami e alu atu ma gata mai i Hasarenona,+ i le tuaoi o Tamaseko, ma e oo i le itu i mātū, e faasaga i le itu i mātū e oo atu i le tuaoi o Amato.+ O le itu i mātū lea. 18  “Ia outou fua le itu i sasaʻe lea e i le va o Haurana+ ma Tamaseko,+ i le va o Kiliata+ ma le laueleele o Isaraelu; o le Ioritana,+ mai i le tuaoi e oo i le sami i sasaʻe. O le itu i sasaʻe lea. 19  “O le itu i saute lea e faasaga i le itu i saute, e amata mai i Tamara+ e oo atu i vai o Meripa-katesa,+ ma e alu atu ai i le vanu+ e oo atu i le Sami Tele. O le itu i saute lea e faasaga i Nekepi. 20  “O le itu i sisifo o le Sami Tele lea, e mai i le tuaoi e alu saʻo lava i le mea e ulu atu ai i Amato.+ O le itu i sisifo lea.” 21  “E ao ona outou vaevaeina lenei laueleele mo outou lava, i ituaiga e sefulu lua o Isaraelu. 22  E tou te vaevaeina ai e fai mo o outou tofi,+ atoa ma tagata ese o ē e aumau iā te outou o ni tagata ese, o ē ua fai fanau i atalii i o outou lotolotoi.+ E avea i latou iā te outou ma tama a le eleele i le fanauga a Isaraelu. E latou te fai tofi faatasi ma outou i le lotolotoi o ituaiga o Isaraelu.+ 23  O le ituaiga lea e aumau ai le tagata ese, o i inā tou te avatu i ai lona tofi,” ua fetalai mai ai le Alii Pule Silisili Ese o Ieova.

Faamatalaga Pito i Lalo

O lona uiga o le “sami o Metitirani.”