Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Esekielu 46:1-24

46  “O le fetalaiga lenei a le Alii Pule Silisili Ese o Ieova, ‘O le faitotoʻa o le lotoā pito i totonu lea e faasaga i le itu i sasaʻe,+ e ao ona tapunia+ pea mo aso e ono e faia ai galuega,+ ae e ao ona tatalaina i le aso sapati, e ao foʻi ona tatalaina i le aso o le masina faatoʻā vaaia.+  E ulufale mai i fafo le taʻitaʻi e ala i le faapaologa o le faitotoʻa,+ ma tū i autafa o le pou o le faitotoʻa;+ e ao i le ositaulaga ona fai taulaga i ana taulaga mū ma ana taulaga faifaatasi, e ao foʻi ona ia punou i le mea e ulu atu ai o le faitotoʻa,+ ona ia ulufafo atu ai lea, ae e lē tapunia le faitotoʻa seʻia oo i le afiafipō.  E ao i tagata o le nuu ona ifo i le mea e ulufale atu ai i le faitotoʻa i luma o Ieova i sapati ma masina faatoʻā vaaia.+  “‘O le taulaga mū e avatu e le taʻitaʻi iā Ieova i le aso sapati, e ono tamaʻi mamoe poʻa e matuā lelei lava, ma le mamoe poʻa e matuā lelei lava;+  ma le taulaga i meaʻai o le efa e tasi i le mamoe poʻa,+ ma le taulaga i meaʻai e tusa ma mea ua ia gafatia i tamaʻi mamoe poʻa,+ ma e tusa ma le suāuu, o le sinu i le efa.+  O le aso o le masina+ faatoʻā vaaia, e ao ona avatu ai se tamaʻi povi poʻa taanoa e matuā lelei lava mai i le lafu, ma tamaʻi mamoe poʻa e ono ma le mamoe poʻa; e ao ona matuā lelei lava ia manu uma.+  E ao ona ia avatu e fai ma taulaga i meaʻai o le efa i le povi poʻa taanoa, ma le efa i le mamoe poʻa, ma e tusa ma mea ua ia gafatia i tamaʻi mamoe poʻa, ma e tusa ma le suāuu, o le sinu i le efa.+  “‘Pe afai e ulufale mai le taʻitaʻi,+ e ao ona ia ui mai e ala i le faapaologa o le faitotoʻa, ma o le auala foʻi lenā e ao ona ia ulufafo atu ai.+  Afai e ulufale mai tagata o le atunuu ina ia ifo atu i luma o Ieova i aso o tausamiga,+ o lē e ulufale mai e ala i le faitotoʻa+ i le itu i mātū ina ia ifo atu, e ao ona ulufafo e ala i le faitotoʻa i le itu i saute;+ o lē foʻi e ulufale mai e ala i le faitotoʻa i le itu i saute, e ao ona ulufafo e ala i le faitotoʻa i le itu i mātū. E leai se isi e toe foʻi e ala i le faitotoʻa lea na ia ulufale mai ai, auā e ao ona ia alu saʻo. 10  A o lē e taʻitaʻi iā i latou, pe a latou ulufale mai, e ao ona ia ulufale mai foʻi; ma pe a latou ulufafo atu, e ao foʻi ona ulufafo o ia.+ 11  I tausamiga+ ma aso o tausamiga, e avatu ai e fai ma taulaga i meaʻai le efa i le povi poʻa taanoa ma le efa i le mamoe poʻa, ma e tusa ma mea ua ia gafatia i tamaʻi mamoe poʻa, ma e tusa ma le suāuu, o le sinu i le efa.+ 12  “‘Afai foʻi e saunia e le taʻitaʻi se taulaga mū+ e fai ma taulaga tauofo, po o taulaga faifaatasi e fai ma taulaga tauofo iā Ieova, e ao ona tatala e se isi iā te ia le faitotoʻa lea e faasaga i le itu i sasaʻe,+ ma ia saunia lana taulaga mū ma ana taulaga faifaatasi e pei ona ia faia i le aso sapati.+ Ona ia ulufafo atu ai lea, ma e ao i se isi ona tapunia le faitotoʻa pe a ulufafo o ia.+ 13  “‘E te saunia se tamaʻi mamoe poʻa e matuā lelei lava e faatoʻā atoa le tausaga, e fai ma taulaga mū i aso taʻitasi iā Ieova.+ E ao ona avatu lea taulaga i lea taeao ma lea taeao. 14  E te saunia foʻi se taulaga i meaʻai i lea taeao ma lea taeao, o le tasi vaeono o le efa, ma e tusa ma le suāuu, o le tasi vaetolu o le sinu ina ia sausauina ai i le falaoamata lelei.+ O le taulaga i meaʻai iā Ieova, o se tulafono lea i aso uma, e faia e lē aunoa. 15  E ao ona latou saunia se tamaʻi mamoe poʻa ma le taulaga i meaʻai ma le suāuu i lea taeao ma lea taeao, o se taulaga mū e faia e lē aunoa.’ 16  “O le fetalaiga lenei a le Alii Pule Silisili Ese o Ieova, ‘Afai e avatu e le taʻitaʻi se meaalofa i ona atalii taʻitoʻatasi e fai ma ona tofi, e fai lava mo i latou lea mea. Ua latou mauaina lo latou tofi. 17  Afai e na te avatu se meaalofa mai i lona tofi i se isi o ana auauna e fai mo ia seʻia oo i le tausaga o le saʻolotoga;+ ona toe faafoʻi atu lea i le taʻitaʻi. E na o lona tofi lea ua tuuina atu i ona atalii, e avea pea ma o latou tofi. 18  E lē tatau i le taʻitaʻi ona aveesea le tofi o tagata o le atunuu ina ia faoa ai a latou mea.+ E ao ona ia avatu le tofi i ona atalii mai i ana lava mea, ina ia lē tuuesea ai loʻu nuu mai i ona fanua.’”+   19  Ona ia aumaia lea o aʻu i le mea e ulufale ai i autafa+ o le faitotoʻa i potu ʻai paia, o potu ʻai paia ia a ositaulaga, e faasasaga i le itu i mātū,+ faauta! ua iai se nofoaga i le pito i tua i le itu i sisifo. 20  Ona ia faapea mai lea iā te aʻu: “O le nofoaga lenei e faavela ai e ositaulaga le taulaga o le nofosala+ ma le taulaga o agasala,+ ma latou tao ai taulaga i meaʻai,+ ina ia aua neʻi ave se mea i le lotoā pito i fafo e faapaia ai le nuu.”+   21  Ua ia aumaia aʻu i le lotoā pito i fafo, ua taʻitaʻi aʻu i tulimanu e fā o le lotoā pito i fafo, faauta foʻi! ua iai se lotoā i tala ane o nei tulimanu o le lotoā pito i fafo, ma o se lotoā foʻi i le la tulimanu o le lotoā pito i fafo. 22  O tulimanu e fā o le lotoā, ua iai tamaʻi lotoā, e fā sefulu kupita le umi ma e tolu sefulu kupita le lautele. Ua tutusa le fua o nei fausaga i tulimanu e fā. 23  Ua iai se pā maa e siʻo ai, ma ua siʻo ai i lotoā e fā, ua iai foʻi mea e faavela+ ai meaʻai i lalo ifo o nei pā maa. 24  Ona ia faapea mai lea iā te aʻu: “O umukuka nei a i latou e faavelaina meaʻai, o i inā e faavela ai e auauna o le Fale taulaga a le nuu.”+

Faamatalaga Pito i Lalo