Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Esekielu 43:1-27

43  Ua ia taʻitaʻi foʻi iā te aʻu i le faitotoʻa, o le faitotoʻa lea e faasaga i le itu i sasaʻe.+  Faauta! ua oo mai le mamalu+ o le Atua o Isaraelu mai i le itu i sasaʻe,+ ma o lona siʻufofoga ua pei o le taalili o vai e tele;+ ua malamalama foʻi le lalolagi ona o lona mamalu.+  E pei foliga o le faaaliga na ou vaaia,+ o le faaaliga na ou vaai i ai ina ua ou sau e faaumatia le aai;*+ ma ua foliga e pei o foliga na ou vaaia i autafa o le vaitafe o Kepara,+ ona ou faapaʻū faō ai lea.  Ua sau le mamalu+ o Ieova i le Fale e ala i le faitotoʻa o loo faasaga ona luma i le itu i sasaʻe.+  Ua ave aʻu e le agaga+ ma avatu i totonu o le lotoā pito i totonu, tagaʻi foʻi, ua tumu le Fale i le mamalu o Ieova.+  Ona ou faalogo lea ua tautala mai se isi iā te aʻu mai i le Fale,+ ua tū mai foʻi le tamāloa i oʻu autafa.+  Ua fetalai mai o Ia iā te aʻu: “Le atalii e o le tagata, o le mea lenei ua iai loʻu nofoālii+ ma le mea e tuu ai alofivae o oʻu vae,+ o le mea ou te nofo ai i le lotolotoi o le fanauga a Isaraelu i aso uma;+ ma e lē toe faaleagaina loʻu igoa paia+ e le aiga o Isaraelu, o i latou ma o latou tupu,+ i a latou faitaaga ma tino oti+ o o latou tupu ina ua feoti,*  i le tuuina atu o o latou mea e ulu atu ai i tafatafa o le mea e ulu atu ai i loʻu fale, ma a latou pou o le faitotoʻa i tafatafa o le pou o le faitotoʻa o loʻu fale, e na o le pā puipui i le va o i latou ma aʻu.+ Ua latou faaleagaina loʻu igoa paia i mea inosia na latou faia,+ o le mea lea, na ou faaumatia ai i latou i loʻu ita tele.+  O lenei, ia latou lafoaʻi mamao ese a latou faitaaga+ ma tino oti o o latou tupu mai iā te aʻu,+ ona ou nofo ai lea i lo latou lotolotoi i aso uma.+ 10  “A o oe, le atalii e o le tagata, ia faailoa atu i le aiga o Isaraelu e faatatau i le Fale,+ ina ia latou lagona ai le māsiasi ona o a latou mea sesē,+ ma e ao ona latou fuaina le ata. 11  Afai latou te lagona moni le māsiasi ona o mea uma na latou faia, ia faailoa atu iā i latou le ata o le Fale,+ ma ona faatulagaga, o mea e ulufafo ai, ma mea e ulufale ai, ma ona ata uma ma ona tuutuuga uma, ma ona ata uma ma ona tulafono uma, ia tusia i lalo i luma o o latou mata ina ia latou faatinoina e tusa ai ma ona ata uma ma ona tuutuuga uma, ma faia ia mea uma.+ 12  O le tulafono lenei o le Fale. O le vaega atoa i luga o le mauga i itu uma o le Fale, o se mea lea e silisili ona paia.+ Faauta! O le tulafono lenei o le Fale. 13  “O fua nei o le fata faitaulaga i kupita, o le kupita+ e tasi e aofia ai le fua o le kupita atoa ma le alofilima.+ O lona taʻele e tasi le kupita. E tasi foʻi le kupita le lautele. Ua iai le augutu* e fai ma ona pito, e tasi le aga i itu uma. O le faavae lenei o le fata faitaulaga. 14  E mai i le taʻele o le fola e oo i le tafatafa faasili e siʻo ai i le pito i lalo, e lua kupita, ma e tasi le kupita le lautele. E amata mai i le tafatafa faasili e aupito itiiti e siʻo ai e oo atu i le tafatafa faasili aupito telē e siʻo ai, e fā kupita, o lona lautele e tasi le kupita. 15  O le taʻinafi o le fata faitaulaga e fā kupita, ma ua lālā mai ai agaʻi i luga seu e fā mai i le taʻinafi o le fata faitaulaga.+ 16  E sefulu lua kupita le umi o le taʻinafi o le fata faitaulaga, e sefulu lua foʻi kupita le lautele,+ e faatafafā ona itu uma.+ 17  E sefulu fā kupita le umi o le tafatafa faasili e siʻo ai, ma e sefulu fā lona lautele i ona itu uma e fā; o le pito e siʻo ai e ʻafa le kupita, ma o lona taʻele e tasi le kupita i itu uma. “E faasaga ona faasitepu i le itu i sasaʻe.” 18  Ona ia fetalai mai lea iā te aʻu: “Le atalii e o le tagata, o le fetalaiga lenei a le Alii Pule Silisili Ese o Ieova, ‘O tulafono nei e tusa ma le fata faitaulaga i le aso ua faia ai, ina ia osi ai le taulaga mū+ ma sausau ai le toto i ona luga.’+ 19  “ ‘Ia e avatu se povi poʻa+ taanoa mai i le lafu mo le taulaga o agasala i ositaulaga sa Levī, o le fanau a Satoka,+ o ē e faalatalata mai iā te aʻu+ e auauna mai iā te aʻu,’ ua fetalai mai ai le Alii Pule Silisili Ese o Ieova.+ 20  Ia e avatu se vaega o lona toto ma tuu i luga o seu e fā o le fata faitaulaga, i luga foʻi o tulimanu e fā o le tafatafa faasili e siʻo ai, ma luga o le augutu e fai ma ona pito i itu uma, ia faamamā ai mai i le agasala+ ma faia ai se togisala mo lea mea.+ 21  Ia e avatu foʻi le povi poʻa taanoa, o le taulaga o agasala, ma ia susunuina e se tasi i le mea ua faatulagaina i le Fale, i fafo o le malumalu.+ 22  O le aso lona lua e te aumai ai le ʻoti poʻa e matuā lelei e fai ma taulaga o agasala; e ao ona latou faamamāina le fata faitaulaga mai i le agasala, e pei ona latou faamamāina ai mai i le agasala i le povi poʻa taanoa.’ 23  “ ‘Pe a uma ona e faia le faamamāina mai i le agasala, ona e aumaia lea o se povi poʻa taanoa e matuā lelei lava mai i le lafu, ma se mamoe poʻa mai i le lafu, e matuā lelei lava. 24  Ia e avatu ia manu i luma o Ieova ma e lūlūina i ai e ositaulaga le masima, ma ofo atu ia manu o le taulaga mū iā Ieova.+ 25  E te fai taulaga i ʻoti poʻa mo taulaga o agasala i aso taʻitasi mo aso e fitu;+ e latou te fai taulaga foʻi i se povi poʻa taanoa mai i le lafu ma se mamoe poʻa mai i le lafu, ua atoatoa ona lelei. 26  E fitu aso latou te faia ai le togisala+ mo le fata faitaulaga, ma e ao ona latou faamamāina ma faaaogā loa. 27  E latou te faaatoaina ia aso. O le aso lona valu+ ma faasolo atu ai, o le a ofo atu ai e ositaulaga a outou taulaga mū ma a outou taulaga faifaatasi i luga o le fata faitaulaga; ma o le a ou matuā fiafia ai iā te outou,’+ ua fetalai mai ai le Alii Pule Silisili Ese o Ieova.”

Faamatalaga Pito i Lalo

E foliga mai e ala i le valoia o le faaumatiaga o le aai.
Atonu e faasino atu i tupua na latou faia ma o latou tupu.
Atonu o se mea e tali ai le toto.