Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Esekielu 42:1-20

42  Ua ia faasolosolo ona avatu+ aʻu i le lotoā pito i fafo i le ala e faasaga i le itu i mātū.+ Ona ia avatu lea o aʻu i le fale ua iai potu ʻai,+ o loo i luma o le fanua ua vavaeese,+ i luma foʻi o le fale i le itu i mātū.  O le pā puipui pito i luma e selau kupita le umi e amata mai i le mea e ui atu ai i le itu i mātū, ma e lima sefulu kupita le lautele.  I le va o le fanua ua vavaeese e lua sefulu kupita i le lotoā pito i totonu,+ ma le paepae+ o le lotoā pito i fafo, ua iai poletito+ e faafesagaʻi ma isi poletito i fogāfale e tolu.  E iai se auala i totonu e feoaʻi ai i luma o potu ʻai, e sefulu kupita le lautele,+ o le ala e tasi le kupita, ma mea e ulu atu ai e iai i le itu i mātū.  E lāiti atu potu ʻai pito i luga ona o poletito, e sili atu ona itiiti nai lo o potu ʻai pito i lalo ma potu ʻai ogatotonu, e tusa ai ma le fausaga o le fale.  Auā ua iai ia potu ʻai i fogāfale e tolu,+ ua leai ni poutū e pei o poutū o le lotoā. O le mea lea ua faavaiti ai le fola i inā, nai lo o le fogāfale pito i lalo ma le fogāfale i le ogatotonu.  O le pā maa o loo i fafo, e latalata i potu ʻai e faasaga i le lotoā pito i fafo i luma o isi potu ʻai. O lona umi e lima sefulu kupita.  O le umi o potu ʻai o loo faasaga i le lotoā pito i fafo, e lima sefulu kupita, faauta foʻi! e selau kupita luma o le malumalu.  I le fogāfale muamua o le fale ua iai potu ʻai, ua iai se auala i le itu i sasaʻe, e ulu mai ai se tasi pe a sau mai i le lotoā pito i fafo. 10  Ua iai potu ʻai i tua o le pā maa i le itu i sasaʻe, i luma o le fanua ua vavaeese+ ma luma foʻi o le fale.+ 11  Ua tutusa le auala i luma o potu ʻai o loo i le itu i saute ma le auala i luma o potu ʻai i le itu i mātū;+ e tutusa foʻi le umi ma le lautele o potu ʻai; e faapena foʻi mea e ulufafo ai, ma fausaga o ia fogāfale ma mea e ulu atu ai. 12  E pei o mea e ulu atu ai i potu ʻai i le itu i saute, e faapea foʻi le mea e ulu atu ai mai i le amataga o le auala, o le auala o loo i luma o le pā maa i le itu i sasaʻe, pe a ulu mai ai se tasi.+ 13  Ua ia fai mai iā te aʻu: “O potu ʻai i le itu i mātū ma potu ʻai i le itu i saute ua i luma o le fanua ua vavaeese,+ o potu ʻai paia ia, o i inā e aai ai i mea e sili ona paia ositaulaga, o ē e faalatalata+ atu iā Ieova.+ O i inā foʻi latou te tuu ai mea e sili ona paia ma a latou taulaga i meaʻai, o le taulaga o agasala ma le taulaga o le nofosala, auā e paia lenei nofoaga.+ 14  A ulufale mai ositaulaga, e latou te lē ō ese mai i le mea paia ma ō atu ai i le lotoā pito i fafo, ae e latou te tuu i inā o latou ofu e masani ona faaaogā mo le auaunaga,+ auā e paia ia ofu. E latou te oofu i nisi ofu+ ona latou ō atu lea ina ia feagai ma le nuu.” 15  Ua uma ona ia fuaina totonu o le fale, ona ia aumaia lea o aʻu e ala i le faitotoʻa o loo faasaga ona luma i le itu i sasaʻe,+ ona ia fuaina lea o itu uma. 16  Ua ia fuaina le itu i sasaʻe i le ū e fuaina ai. E lima selau ū e tusa ma le ū e fua ai,+ o le mea atoa. 17  Ua ia fuaina le itu i mātū i le ū e fuaina ai. E lima selau ū e tusa ma le ū e fua ai, o le mea atoa. 18  Ua ia fuaina le itu i saute, e lima selau ū, e tusa ma le ū e fua ai. 19  Ona ia alu atu lea i le itu i sisifo. Ua ia fuaina ū e lima selau e tusa ma le ū e fua ai. 20  Ua ia fuaina itu e fā. Ua iai le pā ua siʻomia ai ia fale,+ o le umi e lima selau ū+ ma le lautele e lima selau ū, ina ia va ai le mea paia ma le mea e lē paia.+

Faamatalaga Pito i Lalo