Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Esekielu 41:1-26

41  Ona ia avatu lea o aʻu i le malumalu, ma ua ia fuaina poutū i autafa, e ono kupita le lautele i lenei itu, e ono foʻi kupita le lautele i le isi itu, o le lautele lea o le poutū i autafa.  O le lautele o le mea e ulu atu ai e sefulu kupita, ma o itu o le mea e ulu atu ai e lima kupita i lenei itu ma e lima foʻi kupita i le isi itu. Ua ia fuaina le umi o le malumalu, e fā sefulu kupita; o le lautele e lua sefulu kupita.  Ona ia ulu atu lea i totonu ma fua le poutū i autafa i le mea e ulu atu ai, e lua kupita; ma le mea e ulu atu ai e ono kupita; o le lautele o le mea e ulu atu ai e fitu kupita.  Ua ia fuaina lea potu e lua sefulu kupita lona umi; ma e lua sefulu kupita+ foʻi lona lautele i tala ane o le pā puipui o loo faafesagaʻi ma le malumalu.* Ona ia fai mai lea iā te aʻu: “O le Mea e Sili Ona Paia lenei.”+  Ona ia fuaina lea o le pā puipui o le fale, e ono kupita. O le lautele o potu taʻitasi i autafa e fā kupita; ma ua iai i itu uma o le fale, e faapena le tulaga i itu uma o le fale.+  Ua fausia potu i autafa i luga o isi potu i autafa, e tolu fogāfale ma e tolu sefulu potu i fogāfale taʻitasi; ua sosoo atu potu i autafa i le pā puipui o le fale, o potu i autafa o itu uma, ina ia mau lelei ai ae e lē faamauina i le pā puipui o le fale.+  Ua faalautele potu i autafa i fogāfale taʻitasi e agaʻi i luga, ua iai foʻi auala faataamilomilo o le fale e agaʻi i luga ma ua iai i itu uma o le fale.+ O le mea lea, ua faalautele foʻi le fale e agaʻi i luga, ma e mai i le fogāfale pito i lalo, e mafai ona ui atu i le fogāfale i luga+ e ala i le fogāfale i le ogatotonu.  Ua ou iloa ua iai se faavae maualuga o le fale i ona itu uma. A o faavae o potu i autafa o le ū atoa lea e ono kupita e oo atu i le sooga.+  O le mafiafia o le pā puipui i fafo o potu i autafa e lima kupita. Ua iai se avanoa i tala ane o le fale ua iai potu i autafa. 10  E lua sefulu kupita le va o potu ʻai+ ma le fale i itu uma. 11  E faafesagaʻi le mea e ulu atu ai i potu i autafa ma le avanoa, e tasi le mea e ulu atu ai i le itu i mātū ma e tasi foʻi le isi mea e ulu atu ai i le itu i saute; e tusa ma le lima kupita le avanoa i itu uma. 12  A o le fale i le itu i sisifo o loo i luma o le fanua ua vavaeese, e fitu sefulu kupita le lautele. O le pā puipui o le fale e lima kupita le mafiafia i ona itu uma; ma e iva sefulu kupita lona umi. 13  Ua ia fuaina le malumalu e selau kupita le umi; o le fanua ua vavaeese ma le fale ma ona pā puipui e selau kupita le umi. 14  O le lautele o luma o le malumalu ma le fanua ua vavaeese i le itu i sasae e selau kupita. 15  Ua ia fuaina le umi o le fale i luma o le fanua ua vavaeese, lea o loo i le pito i tua o lea mea, ma ona poletito i luga i lenei itu ma le la itu e selau kupita. Na ia fuaina foʻi le malumalu ma le potu i totonu+ ma faapaologa o le lotoā; 16  o mea e ulu atu ai, ma faamalama e faasolo ina lauiti auivi pe a agaʻi i tua,+ ma ona poletito i luga i itu uma o ia nofoaga e tolu. I luma o le mea e ulu atu ai ua faia puipui i laupapa i itu uma,+ e mai i le fola e oo i faamalama; ua fai foʻi auivi o faamalama i laupapa. 17  O luga aʻe o le mea e ulu atu ai o le fale i totonu atoa ma fafo, ma le pā puipui atoa o loo siʻomia ai le fale i totonu ma lona pito i fafo, ua iai fua o ia mea uma. 18  Ua iai foʻi kerupi ua vaneina+ ma ata o laau o le pama,+ o ata o pama ua i le va o le tasi kerupi ma le isi kerupi, ma e lua mata o le kerupi.+ 19  Ua fesagaʻi mata o le tagata ma le ata o le laau o le pama i lenei itu, ua fesagaʻi mata o le leona taanoa ma le ata o le laau o le pama i le isi itu,+ ua vaneina ia mea i itu uma o le fale. 20  E afua mai i le fola e oo atu i luga aʻe o le mea e ulu atu ai, ua iai kerupi ua vaneina ma ata o laau o le pama i le pā puipui o le malumalu. 21  A o le malumalu, e faatafafā pou o le faitotoʻa;+ ma o luma o le mea paia ua iai se mea e foliga e faapea: 22  e tolu kupita le maualuga o le fata faitaulaga ua faia i laau, e lua kupita lona umi, ma e iai ona pou tulimanu.+ E fai ona pā puipui i laau e tusa ma lona umi. Ona ia faapea mai lea iā te aʻu: “O le laulau lenei ua i luma o Ieova.”+ 23  E lua faitotoʻa o le malumalu ma le mea paia.+ 24  E taʻilua itu o faitotoʻa, e mafai ona tatala mai i luma ma tua nei itu e lua. E lua itu o le tasi faitotoʻa, e lua foʻi itu o le isi faitotoʻa. 25  Ua faia i luga o ia mea, i luga o faitotoʻa o le malumalu, o kerupi ma ata o laau o pama,+ e pei o mea ua vaneina i pā puipui, ua iai foʻi se faataumata laupapa i luga aʻe o le faapaologa i fafo. 26  Ua iai faamalama ua faasolo ina lauiti ona auivi pe a agaʻi i tua,+ ma ata o le laau o le pama i lenei itu ma le isi itu, i itu o le faapaologa ma potu i autafa o le fale ma faataumata.

Faamatalaga Pito i Lalo

E foliga mai e faasino atu i le “Mea Paia.”