Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Esekielu 4:1-17

4  “O oe foʻi le atalii e o le tagata, ia e ave se piliki ma ia tuu i ou luma ma vane ai se ata o le aai o Ierusalema.+  E ao ona e siʻomia le aai ina ia tau faasaga i le aai,+ ma ati se pā e tau faasaga i le aai,+ ia tanu foʻi se mea mautiʻetiʻe,+ e tau ai faasaga i le aai ma faatū ni faleʻie mo le taua ma siʻomia le aai i meatau e lepetia ai.+  A o oe, ia e ave se falai uʻamea mafolafola, ma tuu ai e fai ma pā uʻamea i le va o oe ma le aai, ia e matuā faasaga i ai, ma e ao ona siʻomia ai, ia e siʻomiaina lava. O se faailoga lea i le nuu o Isaraelu.+  “A o oe, ia e taoto i lou itu tauagavale ma tuu i ai mea sesē a le aiga o Isaraelu i lea itu.+ O le aofaʻi o aso e te taoto ai faapea, e te tauaveina ai a latou mea sesē.  O aʻu foʻi ou te tuuina atu iā te oe o tausaga o a latou mea sesē+ i le aofaʻiga e tolu selau iva sefulu aso,+ ma e ao ona e tauaveina mea sesē a le aiga o Isaraelu.  E ao ona e faaatoaina ia aso. “Ona e toe taoto lea i lou itu taumatau i le taimi lona lua, ma e te tauaveina mea sesē a le aiga o Iuta mo le fā sefulu aso.+ Ou te tuuina atu iā te oe o le aso mo le tausaga, o le aso mo le tausaga.+  Ia matuā faasaga ou foliga i le siʻomiaina o Ierusalema,+ ma lou lima e lē ufiufia, ma e ao ona e faia valoaga e faasaga i le aai.  “Faauta! ou te saisaia oe i maea+ ina ia e lē feliuaʻi ai mai i le tasi ou itu i le isi ou itu, seʻia atoa aso o lou siʻomiaina o le aai.  “A o oe, ia e ave o saito,+ o karite, o pi,+ o atasema,+ o tokana, ma kaseme*+ ma ia e tuu na mea i se ipu ma fai ai se falaoa mo oe, e tusa ma le aofaʻiga o aso e te taoto ai i lou itu; e te ʻai ai i aso e tolu selau iva sefulu.+ 10  E fuaina lau meaʻai e ʻai, e lua sefulu sekeli i le aso.+ Ia e ʻai ai e auauaʻi i aso taʻitasi. 11  “E fuaina foʻi vai e te inu ai, o le tasi vaeono o le sinu.* Ia e inu ai e auauaʻi i aso taʻitasi. 12  “E te ʻai i le falaoa+ lapotopoto e faia i le karite; ma o le a e tao lenei falaoa i luga o faaputuga o otaota+ mamago o tagata i luma o o latou mata.” 13  Ua toe fetalai mai Ieova: “E faapena lava ona ʻai e le fanauga a Isaraelu a latou meaʻai ma le lē mamā+ i nuu o le a ou faataapeapeina ai i latou.”+ 14  Ona ou faapea atu lea: “Oi auē le Alii Pule Silisili Ese o Ieova! Faauta! E leʻi leaga lava aʻu i se meaʻai;+ ou te leʻi ʻai i se manu ua mate fua po o se meaola ua saeia talu mai loʻu laʻitiiti,+ e oo mai i lenei taimi, e leʻi oo foʻi se aano o se manu e lē mamā i loʻu gutu.”+ 15  Ona ia fetalai mai lea iā te aʻu: “Tagaʻi foʻi, ou te tuuina atu iā te oe o otaota o povi, nai lo o faaputuga o otaota mamago o tagata ma ia e faia ai lau falaoa i luga o ia mea.” 16  Ua ia toe fetalai mai iā te aʻu: “Le atalii e o le tagata, ou te gauia laau ia e tautau ai falaoa lapotopoto+ i Ierusalema ma o le a latou aai ma le popole i meaʻai ua fuaina mai,+ ma e latou te feinu ma le matuā popole i vai ua fuaina mai,+ 17  ina ia lē lava meaʻai ma vai ma vaavaai ai le tasi i le isi ma le fememeaʻi, ma faasolo ai ina tino vale ma feoti ai i a latou mea sesē.+

Faamatalaga Pito i Lalo

O le “karite” o se isi ituaiga saito. O le upu Peretania o le barley. O le “atasema” o se ituaiga o pi. O le upu Peretania o le lentil. O le “tokana” o se tamaʻi laau e iai ona fatu ninii e masani ona fai ai falaoa. O le upu Peretania o le millet. O le “kaseme” o se ituaiga o saito. O le upu Peretania o le spelt.
O le fua o le “sinu” e tusa ma le ʻafa lita po o le paina e tasi.