Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Esekielu 39:1-29

39  “A o oe, le atalii e o le tagata, ia e faia valoaga e faasagatau atu iā Koku+ ma ia e fai atu, ‘O le fetalaiga lenei a le Alii Pule Silisili Ese o Ieova: “Koku e, o lenei ou te faasagatau atu iā te oe, o oe o le taʻitaʻi sili o Meseko+ ma Tupalu.+  O le a ou faaliliueseina oe ma taʻitaʻiina oe+ ma aumaia oe mai i vaega mamao o le itu i mātū,+ ma avatu i luga o mauga o Isaraelu.  O le a ou tā lau ʻaufana ia paʻū ese mai i lou lima tauagavale, ma ou te faapaʻū ese foʻi aū mai i lou lima taumatau.  O le a e paʻū i mauga o Isaraelu,+ o oe atoa ma au ʻautau uma ma tagata ia e faatasi ma oe. Ou te tuuina atu oe e fai ma meaʻai a manulele taufeʻai, o manufelelei eseese uma, ma manufeʻai o le fanua.” ’+  “ ‘O le a e paʻū i luga o le fogāeleele,+ auā ua ou fai atu ai,’ ua fetalai mai ai le Alii Pule Silisili Ese o Ieova.  “ ‘O le a ou lafo atu le afi i luga o Makoku+ ma luga foʻi o i latou o loo nonofo ma le saogalemu+ i motu; o le a iloa ai e tagata o aʻu lava o Ieova.  O le a ou faailoaina loʻu igoa paia i le lotolotoi o loʻu nuu o Isaraelu, ma ou te lē toe tuua foʻi loʻu igoa paia ia faaleagaina;+ o le a iloa ai foʻi e atunuu o aʻu lava o Ieova,+ o Lē e Paia i Isaraelu.’+  “ ‘Faauta! E oo mai lea mea ma e taunuu lava,’+ ua fetalai mai ai le Alii Pule Silisili Ese o Ieova. ‘O le aso lea ua ou fai atu ai.+  O le a ō atu tagata e nonofo i aai o Isaraelu ma susunu ma faia afi i auupega, o tamaʻi talita, o talipupuni tetelē, faatasi ma ʻaufana, o aū ma tao mata tasi, ma tao uumi; o mea ia o le a latou faamumū ai le afi+ mo tausaga e fitu. 10  E latou te lē aumaia ni laau mai i le fanua, pe e aoao mai ni fafie mai i le vaomatua, auā e latou te tafu afi i auupega.’ “ ‘O le a latou vetea mea a i latou na vetea a latou mea, ma faoa mea a i latou+ na faoa a latou mea,’ ua fetalai mai ai le Alii Pule Silisili Ese o Ieova. 11  “ ‘O lea aso foʻi, o le a ou avatu iā Koku+ se nofoaga i inā, o se fanuatanu i Isaraelu, o le vanu e ui atu ai tagata i le itu i sasaʻe o le sami, ma e taofia ai le ui ane o tagata i lea mea. O i inā o le a latou tanu ai Koku ma ana ʻau uma, ma e latou te faaigoa lea mea o le Vanu o ʻAu a Koku.*+ 12  E fitu masina e tatanu ai i latou e le aiga o Isaraelu ina ia faamamāina ai le laueleele.+ 13  O le a tanuina i latou e tagata o le atunuu, ona avea lea ma mea e taʻutaʻua ai i latou i le aso ou te faamamaluina ai aʻu,’+ ua fetalai mai ai le Alii Pule Silisili Ese o Ieova. 14  “ ‘O le a iai tane e vaevaeina mo galuega faifai pea, o ē e ui atu i le laueleele e galulue faatasi ma le isi vaega o loo ui atu foʻi i le laueleele e tanuina i latou, o ē o loo totoe i luga o le eleele ina ia faamamāina le eleele. O le a latou saʻili pea seʻia oo ina uma le fitu masina. 15  O i latou e ui ane e latou te ui ane i le laueleele, ma pe a vaai atu se tasi i se ivi o se tagata ona ia faatūina ai lea o se faailoga, seʻia tanuina e i latou o ē e faia le galuega o le tanuina i le Vanu o ʻAu a Koku.+ 16  E taʻua foʻi lea aai o Hamona. O le a latou faamamāina le atunuu.’+ 17  “A o oe, le atalii e o le tagata, o le fetalaiga lenei a le Alii Pule Silisili Ese o Ieova, ‘Ia fai atu i manufelelei eseese uma ma manufeʻai uma o le fanua:+ “Inā faapotopoto mai ia outou ma ō mai. Ia faapotopoto mai outou uma mai i itu uma i laʻu taulaga, lea ou te fai taulaga ai mo outou, o se taulaga tele i mauga o Isaraelu.+ O le a outou aai ai i aano ma feinu i le toto.+ 18  O le a outou aai i tino o ē e malolosi,+ o le a outou feinu i le toto o taʻitaʻi o le lalolagi. O i latou uma o mamoe poʻa, o tamaʻi mamoe poʻa,+ o ʻoti poʻa, o povi poʻa+ taanoa, ma manu pepeti o Vasana.+ 19  O le a outou maoona+ i le gaʻo ma e tou te onanā i le toto i laʻu taulaga o le a ou fai taulaga ai mo outou.” ’ 20  “ ‘E tou te maoona i laʻu laulau i solofanua, ma o ē e ave kariota, o tagata malolosi ma toa uma lava,’ ua fetalai mai ai le Alii Pule Silisili Ese o Ieova.+ 21  “ ‘Ou te faailoa atu loʻu mamalu i atunuu; o le a vāai foʻi atunuu uma i laʻu faamasinoga ua ou faia+ ma loʻu lima ua ou faaoo atu iā i latou.+ 22  O le a iloa ai e le aiga o Isaraelu o aʻu lava o Ieova lo latou Atua, e amata mai i lea lava aso.+ 23  O le a iloa ai e atunuu, o mea sesē a le aiga o Isaraelu na ave faapagota ai i latou,+ talu ai na latou gaoioi ma le lē faamaoni iā te aʻu, ona ʻaloese ai lea o oʻu mata mai iā i latou+ ma tuuina atu i latou i lima o o latou fili, na fasiotia foʻi i latou uma i le pelu.+ 24  Na ou faia iā i latou e tusa ma lo latou lē mamā ma a latou solitulafono,+ na ʻaloese pea oʻu mata mai iā i latou.’ 25  “O lea, o le fetalaiga lenei a le Alii Pule Silisili Ese o Ieova, ‘O lenei, ou te toe aumaia o ē na ave faapagota o Iakopo+ ma ou te alofa mutimutivale i le aiga uma o Isaraelu;+ ou te puipuia* foʻi loʻu igoa paia.+ 26  A uma ona tauave lo latou faamāina+ ma lo latou lē faamaoni uma na lē faamaoni mai ai iā te aʻu,+ e latou te nonofo i lo latou laueleele ma le saogalemu,+ ma e leai se isi e faamataʻu i ai.+ 27  Pe a ou toe aumaia i latou mai i nuu ma aoaoina i latou mai i atunuu o o latou fili,+ o le a ou faapaiaina aʻu iā i latou i luma o le tele o atunuu.’+ 28  “ ‘Ona latou iloa ai lea o aʻu lava o Ieova lo latou Atua, pe a ou aumaia i latou i lo latou laueleele mai i atunuu na ou avatu faapagota i ai i latou,+ ma ou te lē toe tuua lava se tasi o i latou i ia atunuu.+ 29  O le a lē toe ʻaloese foʻi oʻu mata mai i le aiga o Isaraelu+ auā ou te liligi ifo loʻu agaga i luga o i latou,’+ ua fetalai mai ai le Alii Pule Silisili Ese o Ieova.”

Faamatalaga Pito i Lalo

Po o le “Vanu o Hamona-Koku.”
Po o le “Ou te fuā ona o loʻu igoa paia.”