Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Esekielu 37:1-28

37  Ua i oʻu luga le aao o Ieova,+ ua ia aveina aʻu i le agaga o Ieova+ ma tuu aʻu i totonu o le vanu laugatasi ua tumu i ivi.+  Ua ia faaui ane aʻu e faataamilo i ivi, faauta foʻi! ua matuā tele lava ivi i luga o le fanua o le vanu laugatasi, faauta, ua matuā mamago lava ia ivi.+  Ua ia fetalai mai iā te aʻu: “Le atalii e o le tagata, pe e mafai ona toe ola mai nei ivi?” Ona ou fai atu lea: “Le Alii Pule Silisili Ese o Ieova, o oe lava ua e silafiaina.”+  Ona ia fetalai mai lea iā te aʻu: “Ia e faia valoaga e tusa ma nei ivi, ma ia fai atu i ivi, ‘Ivi mamago e, inā faalogo mai ia i le afioga a Ieova:  “‘O le fetalaiga lenei a le Alii Pule Silisili Ese o Ieova i ivi nei: “O lenei o le a ou tuu atu iā te outou le mānava, ma o le a outou ola ai.+  Ou te tuu atu uaua iā te outou ma faatupuina le aano iā te outou, ou te ufiufi iā te outou i le paʻu ma tuu atu iā te outou le mānava, ona outou ola ai lea;+ ma o le a outou iloa ai o aʻu lava o Ieova.”’”+  Ona ou valoia ai lea e pei ona poloaʻiina ai aʻu.+ A o oʻu faia le valoaga, ua ou faalogoina le gasēsē mai ma le gaolo, ma ua amata ona fesootaʻi ivi, o le ivi i lona ivi.  Ua ou vaai faauta foʻi! ua tupu aʻe uaua ma aano i ivi, ma ua ufitia i latou i paʻu. Ae ua leai se mānava iā i latou.  Ona ia fetalai mai lea iā te aʻu: “Ia faia valoaga i le matagi. Le atalii e o le tagata, ia faia valoaga ma ia e faapea atu i le matagi, ‘O le fetalaiga lenei a le Alii Pule Silisili Ese o Ieova: “Le matagi e, inā sau ia mai i matagi e fā, ma ia agi atu i nei tagata ua fasiotia,+ ina ia toe feola ai i latou.”’”+ 10  Ua ou valoia e pei ona poloaʻiina ai aʻu, ona alu atu lea o le mānava iā i latou, ma ua toe feola ai i latou, ua latou tutū i o latou vae,+ o se ʻautau e matuā toʻatele lava. 11  Ona ia toe fetalai mai lea iā te aʻu: “Le atalii e o le tagata, o ivi nei, o i latou ia o le aiga uma o Isaraelu.+ Ua latou faapea mai, ‘Ua mamago o matou ivi, ma ua mou atu lo matou faamoemoe.+ Ua vavaeese i matou ma ua nonofo na o i matou lava.’ 12  O lea, ia faia valoaga ma ia fai atu iā i latou, ‘O le fetalaiga lenei a le Alii Pule Silisili Ese o Ieova: “Loʻu nuu e, o lenei ua ou lagaina o outou tuugamau,+ ma ou te ave aʻe outou mai i o outou tuugamau ma avatu i le eleele o Isaraelu.+ 13  Loʻu nuu e, o le a outou iloa ai o aʻu lava o Ieova pe a ou lagaina o outou tuugamau, ma ave aʻe outou mai i o outou tuugamau.”’+ 14  ‘O le a ou tuu atu loʻu agaga i totonu o outou ma outou feola ai,+ ma ou te avatu outou e nonofo i lo outou eleele; ma o le a outou iloa ai o aʻu lava o Ieova, ua ou fai atu ai ma ua ou faia,’ ua fetalai mai ai Ieova.”+ 15  Ua oo mai foʻi le afioga a Ieova iā te aʻu e faapea: 16  “A o oe, le atalii e o le tagata, ia e avane se laau ma tusi ai i luga,+ ‘Mo Iuta ma le fanauga o Isaraelu o ana uō ia.’+ Ia e avane le isi laau ma tusi ai i luga, ‘Mo Iosefa, o le laau a Efaraima+ atoa ma le aiga uma o Isaraelu o ana uō ia.’+ 17  Ia faafesootaʻi le tasi i le isi ma avea ai o se laau e tasi mo oe, ona tasi ai lea o le laau i lou lima.+ 18  Pe afai e faapea atu iā te oe tagata o lou nuu, ‘Pe e te lē taʻuina mai ea iā i matou le uiga o ia mea e tusa ma lou malamalama?’+ 19  ia fai atu iā i latou, ‘O le fetalaiga lenei a le Alii Pule Silisili Ese o Ieova: “O lenei, ou te aveina le laau a Iosefa lea o loo i le lima o Efaraima, ma ituaiga o Isaraelu o ana uō ia, ma o le a ou tuuina ai i latou i luga o lea mea, o lona uiga o le laau a Iuta, ou te faia foʻi ia laau ia avea ma laau e tasi,+ ona tasi ai lea i loʻu lima.”’ 20  O laau foʻi ua e tusi ai, ia iai i lou lima i o latou luma.+ 21  “Ia e fai atu iā i latou, ‘O le fetalaiga lenei a le Alii Pule Silisili Ese o Ieova: “O lenei, ou te aumaia le fanauga a Isaraelu mai i atunuu na latou ō atu i ai, ma o le a ou faapotopotoina i latou mai i itu uma, ma avatu i lo latou lava eleele.+ 22  Ou te faia i latou e avea ma nuu e tasi i le laueleele,+ i mauga o Isaraelu, e tasi foʻi le tupu e fai ma tupu mo i latou uma,+ e lē toe avea i latou ma nuu e lua, e lē toe vaevaeina foʻi i latou i ni malo se lua.+ 23  O le a latou lē toe faaleagaina i latou lava i a latou tupua inosia, i a latou mea e inosia, ma a latou solitulafono uma;+ ou te faaolaina i latou mai i a latou agasala na fai i mea na latou nonofo ai,+ ou te faamamāina i latou ma e fai i latou ma oʻu nuu e avea foʻi aʻu ma o latou Atua.+ 24  “ʻ“E fai Tavita laʻu auauna ma tupu iā i latou,+ ma o le a tasi le leoleo mamoe mo i latou uma;+ o le a latou savavali e tusa ma iʻuga o aʻu faamasinoga,+ e latou te tausia+ foʻi aʻu tulafono ma latou faia.+ 25  O le a latou nonofo i le laueleele na ou avatu i laʻu auauna o Iakopo, lea na nonofo ai o outou augātamā,+ o le a latou nonofo ai,+ o i latou ma o latou atalii, ma atalii o o latou atalii i aso uma,+ ma o le a fai Tavita laʻu auauna ma o latou taʻitaʻi i aso uma.+ 26  “ʻ“Ou te osia le feagaiga o le filemu ma i latou;+ e fai ma feagaiga e tumau iā i latou.+ Ou te tuuina i latou i o latou laueleele ma faatoʻateleina i latou,+ ou te tuuina foʻi loʻu malumalu i totonu iā i latou i aso uma.+ 27  O le a iai loʻu faleʻie i luga o i latou,+ e fai aʻu ma o latou Atua, e fai foʻi i latou ma oʻu nuu.+ 28  O le a iloa ai e nuu, o aʻu lava o Ieova,+ o aʻu ua ou faapaiaina Isaraelu pe a iai loʻu malumalu i totonu iā i latou i aso uma.”’”+

Faamatalaga Pito i Lalo