Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Esekielu 36:1-38

36  “A o oe, le atalii e o le tagata, ia fai valoaga e faatatau i mauga o Isaraelu, ma ia e fai atu, ‘Mauga e o Isaraelu,+ inā faalogo mai ia i le afioga a Ieova.  O le fetalaiga lenei a le Alii Pule Silisili Ese o Ieova: “Talu ai ua faapea mai le fili e faasagatau iā te outou,+ ‘Ua ā la! E oo foʻi i nofoaga maualuluga mai i aso anamua,+ ua fai mo i matou!’”’+  “O lea, ia fai valoaga ma e ao ona e fai atu, ‘O le fetalaiga lenei a le Alii Pule Silisili Ese o Ieova: “Talu ai lava ua latou faatafunaina+ outou ma ua taumafai e puʻea outou mai i itu uma,+ ina ia avea outou mo ē ua totoe o nuu+ ma ua taʻutaʻu pea outou i laulaufaiva,+ ua leaga foʻi le tala ua salalau atu i tagata,+  o lea, Mauga e o Isaraelu,+ inā faalogo mai ia i le afioga a le Alii Pule Silisili Ese o Ieova! O le fetalaiga lenei a le Alii Pule Silisili Ese o Ieova i mauga ma aʻega, i ālia, i vanu ma mea gaogao ua faatafunaina,+ i aai ua tuufua ma ua faoa ma fai ma mea e tauemu ai ē ua totoe o nuu ua siʻomia ai;+  o le mea lea ua fetalai mai ai le Alii Pule Silisili Ese o Ieova, ‘O le a ou tautala+ lava ona o le aasa o loʻu maelega e faasagatau atu i ē o totoe o nuu, ma e faasagatau atu foʻi iā Etoma uma,+ o ē ua fai mo i latou loʻu laueleele ma le fiafia o le lotoatoa,+ ma le ʻinoʻino o loto,+ ona o lona fanua e aai ai lafumanu ina ia faoa.’”’+  “O le mea lea ia e fai ai valoaga e faatatau i le eleele o Isaraelu, ma ia e fai atu i mauga, i aʻega, i ālia ma vanu, ‘O le fetalaiga lenei a le Alii Pule Silisili Ese o Ieova: “Faauta! Ou te tautala atu i loʻu maelega ma loʻu ita tele, auā e faamāina outou e nuu.”’+  “O lea, o le fetalaiga lenei a le Alii Pule Silisili Ese o Ieova, ‘Ua ou sii loʻu lima i se tautoga+ o le a oo i nuu ua siʻomia ai outou lo latou lava māsiasi.+  A o outou, Mauga e o Isaraelu, o le a tutupu mai o outou lālā laau ma fua mai o outou fua mo loʻu nuu o Isaraelu,+ auā ua latalata le taimi e latou te ō mai ai.+  Auā ua malie loʻu loto iā te outou ma ou te liliu atu iā te outou,+ o le a galueaʻiina foʻi outou ma lūlūina fatu.+ 10  O le a ou faatoʻateleina foʻi tagata iā te outou, o le aiga uma o Isaraelu,+ ma e nofoia aai uma,+ e toe fausia foʻi mea na faagaogaoina.+ 11  Ioe, o le a ou faatoʻateleina tagata ma manu iā te outou,+ o le a uluola ma fanafanau i latou, o le a ou ʻaināina outou e pei o lo outou tulaga muamua,+ ou te faia foʻi le tele o mea lelei e sili nai lo o le tulaga na outou i ai muamua;+ ona outou iloa ai lea o aʻu lava o Ieova.+ 12  O le a ou faasavavali tagata i o outou luga, o loʻu nuu lea o Isaraelu, ma e fai outou mo i latou,+ e fai foʻi outou ma tofi mo i latou,+ ma e tou te lē aveesea+ fanau mai iā i latou ma latou faanoanoa ai.’” 13  “O le fetalaiga lenei a le Alii Pule Silisili Ese o Ieova, ‘Talu ai ua iai i latou ua faapea atu iā te outou: “O oe, o lē e faatamaʻia tagata, ma ua avea oe ma laueleele e aveesea ai fanau mai i ou nuu ma māfua ai le faanoanoa,”’+ 14  ‘o lea, e te lē toe faatamaʻia+ tagata ma e lē toe aveesea ai fanau+ mai i ou nuu ma māfua ai le faanoanoa,’ ua fetalai mai ai le Alii Pule Silisili Ese o Ieova. 15  ‘Ou te faapogaia foʻi le lē toe faalogo i se tala e faamāina ai e faatatau iā te oe mai i isi nuu,+ ma e lē toe faalumaina oe e tagata,+ e lē toe tautevateva foʻi ou nuu ona o oe,’ ua fetalai mai ai le Alii Pule Silisili Ese o Ieova.” 16  Ua oo mai foʻi le afioga a Ieova iā te aʻu e faapea: 17  “Le atalii e o le tagata, na nonofo ai le aiga o Isaraelu i lo latou laueleele, ma na lē mamā ai pea i o latou ala ma a latou gaoioiga.+ Na pei o latou ala i oʻu luma o le lē mamā o le maʻi masina o le fafine.+ 18  Na ou sasaa ifo loʻu ita tele i luga o i latou ona o le toto na latou faamaligiina i le laueleele,+ o le laueleele lea na lē mamā ai i o latou tupua inosia.+ 19  Ona ou faataapeapeina ai lea o i latou i nuu, ma salalau atu ai i latou i atunuu.+ Na ou faamasino iā i latou e tusa ma o latou ala ma a latou gaoioiga.+ 20  Ua latou oo atu i nuu, o nuu ua latou ō atu i ai ma ua taʻuvaleaina ai loʻu igoa paia+ e tagata i le faapea atu e uiga iā i latou, ‘O le nuu lea o Ieova, ma ua ō ese i latou mai i lona laueleele.’+ 21  O le a ou alofa ona o loʻu igoa paia, lea ua taʻuvalea e le aiga o Isaraelu i nuu ua latou ō atu i ai.”+ 22  “O lea, ia fai atu i le aiga o Isaraelu,‘O le fetalaiga lenei a le Alii Pule Silisili Ese o Ieova: “Le aiga e o Isaraelu, ou te lē o faia lenei mea ona o outou, ae ona o loʻu igoa paia lea ua outou taʻuvaleaina i nuu ua outou ō atu i ai.”’+ 23  ‘O le a ou faapaiaina lava loʻu igoa mamalu+ lea ua taʻuvalea i nuu, lea foʻi ua outou taʻuvaleaina i o latou lotolotoi; ma o le a iloa ai e nuu o aʻu lava o Ieova,’+ ua fetalai mai ai le Alii Pule Silisili Ese o Ieova, ‘pe a faapaiaina aʻu e ala iā te outou i o latou luma.+ 24  O le a ou aveesea outou mai i nuu ma aoaoina outou mai i atunuu uma ma avatu i lo outou eleele.+ 25  O le a ou sausauina outou i vai mamā ma outou mamā ai;+ o le a ou faamamāina+ outou mai i o outou tulaga lē mamā uma ma a outou tupua inosia uma.+ 26  O le a ou tuuina atu iā te outou se loto fou,+ ma o le a ou tuuina atu foʻi iā te outou se agaga fou,+ o le a ou aveeseina mai i o outou tino le loto e pei o se maa* ma tuuina atu iā te outou se lotovaivai.*+ 27  Ou te tuuina atu loʻu agaga i totonu iā te outou,+ ou te faia outou ina ia savavali i aʻu tulafono,+ ma outou tausia pea ma faatinoina iʻuga o aʻu faamasinoga.+ 28  O le a outou nonofo lava i le laueleele na ou tuuina atu i o outou augātamā,+ ma avea outou ma oʻu nuu ma avea foʻi aʻu ma o outou Atua.’+ 29  “‘Ou te faaolaina outou mai i o outou tulaga lē mamā uma+ ma valaau atu i fatu ma faatuputeleina ai, ou te lē tuu atu foʻi se oge iā te outou.+ 30  Ou te faatuputeleina foʻi fua o laau, ma faaeleeleaga o le fanua, ina ia lē toe faalumaina ai outou e nuu ona o se oge.+ 31  Ona outou manatua ai lea o outou ala leaga ma a outou gaoioiga lē lelei,+ e tou te ʻinoʻino ai foʻi iā te outou lava ona o a outou mea sesē ma a outou mea inosia.+ 32  Ia outou iloa e lē ona o outou ou te faia ai lenei mea,’+ ua fetalai mai ai le Alii Pule Silisili Ese o Ieova, ‘Le aiga e o Isaraelu, ia māsiasi ma lagona le mā ona o outou ala.’+ 33  “O le fetalaiga lenei a le Alii Pule Silisili Ese o Ieova, ‘I le aso ou te faamamāina ai outou mai i a outou mea sesē, o le a ou ʻaināina+ ai foʻi aai ma toe fausia mea ua faagaogaoina.+ 34  O le a galueaʻiina le eleele na faatafunaina, auā na avea ma mea na matuā faatafunaina iā i latou uma na ui ane ai.+ 35  Ona faapea ane lea o tagata: “O le laueleele le la na faatafunaina ua pei nei o le faatoʻaga o Etena,+ ma ua malupuipuia aai na faagaogaoina, na faatafunaina ma lepetia i lalo; a ua ʻaināina.”+ 36  Ona iloa ai lea e nuu ua totoe o loo siʻomia ai outou, o aʻu lava o Ieova, ua ou toe fausia mea na lepetia i lalo,+ ma ua ou totōina le fanua na faatafunaina. O aʻu o Ieova ua ou fai atu ai ma ua ou faia lava.’+ 37  “O le fetalaiga lenei a le Alii Pule Silisili Ese o Ieova, ‘O le mea foʻi lenei ou te tuu atu i le aiga o Isaraelu ina ia latou fesili mai iā te aʻu i mea ou te faia mo i latou:+ Ou te faatoʻateleina i latou e pei o se lafu o tagata.+ 38  E pei o se lafu o tagata paia, e pei o le lafu o Ierusalema i aso o ona tausamiga,+ e faapea foʻi ona tumu o aai na faagaogaoina i se lafu o tagata;+ ma o le a iloa ai e tagata o aʻu lava o Ieova.’”

Faamatalaga Pito i Lalo

O lona uiga, o se loto e pei o se maa.
O lona uiga, o se loto e agavaivai, e lologofie ma e usiusitaʻi.