Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Esekielu 33:1-33

33  Ua oo mai foʻi le afioga a Ieova iā te aʻu e faapea:  “Le atalii e o le tagata, ia e tautala atu i tagata o lou nuu,+ ma ia e fai atu iā i latou, “ ‘Pe afai ou te faaoo atu le pelu i se atunuu+ ma tagata o lea atunuu, ma ua malilie uma tagata uma o le atunuu e tofia se tane e fai ma o latou tagata vāai,+  ua ia iloa atu foʻi le pelu o loo agaʻi mai i le atunuu ma ua ia ili le pū ma lapataʻia tagata,+  afai e faalogoina e se tasi le leo o le pū ae e lē amanaʻiaina le lapataʻiga,+ ma e sau le pelu ma fasiotia ai o ia, e i luga o lona lava ulu lona lava toto.+  Na ia lagonaina le leo o le pū, a ua ia lē utagia le lapataʻiga. E i ona lava luga lona lava toto. Pe ana ia amanaʻia le lapataʻiga semanū e faasaoina lona ola.+  “ ‘A o le tagata vāai, afai e vaai atu o ia o loo agaʻi mai le pelu ae e na te lē iliina le pū+ ma lē oo atu ai se lapataʻiga i tagata, ma ua sau le pelu ma aveese ai ola o nisi o i latou, ona o a latou mea sesē e aveesea ai i latou,+ a o o latou toto o le a ou taui atu i le lima o le tagata vāai lava ia.’+  “O oe foʻi le atalii e o le tagata, ua ou faia oe ma tagata vāai i aiga o Isaraelu,+ ma e ao ona e faalogo mai i upu a loʻu gutu, e ao foʻi ona e avatu le lapataʻiga iā i latou mai iā te aʻu.+  Pe a ou fai atu i lē e amioleaga, ‘Le tagata amioleaga e, o le a e oti lava!’+ ae e te lē tautala atu ma lapataʻia lē e amioleaga ia liliuese mai i ona ala,+ e oti lava le tagata amioleaga ona o ana lava mea sesē,+ a o lona toto ou te taui atu lea iā te oe i lou lava lima.  A o oe, afai e te lapataʻia se tasi e amioleaga ia liliuese mai i ona ala ae e lē liliuese o ia mai i ona ala, e oti o ia i lana lava mea sesē,+ ae o le a faasaoina lou lava ola.+ 10  “O oe foʻi le atalii e o le tagata, ia e fai atu i le aiga o Isaraelu, ‘O lea ua outou faapea ane: “Ona ua i o matou luga a matou fouvalega ma a matou agasala, ma ona o ia mea ua tauau ai ina faaumatia i matou,+ o lea, e faapefea ona matou ola pea?” ’+ 11  Ia e fai atu iā i latou, ʻ “ O loo ola aʻu,” ua fetalai mai ai le Alii Pule Silisili Ese o Ieova, “ou te fiafia, e lē i le oti o le tagata amioleaga,+ ae pe a liliuese le tagata amioleaga+ mai i lona ala, ma ola ai pea o ia.+ Le aiga o Isaraelu e, inā liliuese ia, ia liliuese mai i o outou ala leaga+ auā aiseā o le a oti ai outou?” ’+ 12  “A o oe, le atalii e o le tagata, ia fai atu i tagata o lou nuu, ‘E lē laveaʻiina lē ua amiotonu i lana amiotonu i le aso o lana fouvalega.+ O le amioleaga a lē ua amioleaga, e lē tautevateva ai o ia ona o lea mea i le aso o lona liliuese mai i lana amioleaga.+ E lē ola pea le tagata amiotonu i lana amiotonu i le aso e agasala ai o ia.+ 13  Pe a ou fai atu i lē ua amiotonu: “O le a ola pea oe,” ae ua faatuatua o ia i lana lava amiotonu ma faia mea lē tonu,+ e lē manatuaina ana galuega amiotonu uma, ae e oti o ia ona o mea lē tonu ua ia faia.+ 14  “ ‘Pe a ou fai atu i lē ua amioleaga: “E te oti lava,”+ ae ua liliuese mai i lana agasala+ ma tausisi i le faia o mea tonu ma le amiotonu,+ 15  ma toe faafoʻi e lē ua amioleaga le mea na faamau ai se aitalafu,+ ua ia toe totogi atu mea na ia gaoia,+ ma ua savali e tusa ma tulafono e ola ai i le lē faia o mea e lē tonu,+ e ola pea o ia.+ E lē oti lava o ia. 16  E lē toe teulotoina so o se agasala na ia agasala ai.+ Ua ia tausisi i le faia o le mea tonu ma le amiotonu. E ola pea lava o ia.’+ 17  “Na faapea ane tagata o lou nuu: ‘E lē tonu ala o Ieova,’+ peitaʻi o o latou ala ia ua lē tonu. 18  “Pe a liliuese lē ua amiotonu mai i lana amiotonu ae fai mea e lē tonu, e oti o ia ona o ia mea.+ 19  Pe a liliuese lē ua amioleaga mai i lana amioleaga ma faia le mea tonu ma le amiotonu, o le a ola pea o ia ona o ia mea.+ 20  “Na faapea mai outou: ‘E lē tonu ala o Ieova.’+ Le aiga o Isaraelu e, o le a taʻitoʻatasi ma ou faamasinoina outou+ e tusa ma ona ala.” 21  O le tausaga lona sefulu lua, i le masina lona sefulu, i le aso lona lima o le masina talu ona ave faapagota i matou, na sau ai iā te aʻu o lē ua sola mai i Ierusalema+ ma faapea mai: “Ua faaumatia le aai!”+ 22  O lenei ua oo mai iā te aʻu le aao o Ieova i le afiafipō a o leʻi sau lē na sola mai,+ ona Ia faagaganaina lea o loʻu gutu a o leʻi sau iā te aʻu i le taeao lē na sola mai, ua matala loʻu gutu ma ua ou toe tautala ai.+ 23  Ua oo mai foʻi le afioga a Ieova iā te aʻu e faapea: 24  “Le atalii e o le tagata, o loo faapea ane o ē ua nonofo i mea ua faagaogaoina+ e faatatau i le laueleele o Isaraelu, ‘E na o le toʻatasi Aperaamo ae na fai mo ia le laueleele.+ E toʻatele i tatou; ma ua tuuina mai iā i tatou le laueleele e fai mo i tatou.’+ 25  “O lea inā fai atu ia iā i latou, ‘O le fetalaiga lenei a le Alii Pule Silisili Ese o Ieova: “Ua outou ʻaina pea mea ua iai le toto,+ ua tetepa aʻe o outou mata i a outou tupua inosia,+ ma le toto ua outou faamaligiina.+ Pe e tatau ea ona fai mo outou le laueleele?+ 26  Ua outou faalagolago i a outou lava pelu.+ Ua outou faia mea inosia,+ ua taʻitasi outou ma faaleagaina le avā a lona tuaoi.+ Pe e tatau ea ona fai mo outou le laueleele?” ’+ 27  “Ia faapea ona e fai atu iā i latou, ‘O le fetalaiga lenei a le Alii Pule Silisili Ese o Ieova: “O loo ola aʻu, o le a fasiotia i latou i le pelu o ē o loo i nofoaga ua faagaogaoina;+ ma lē ua i le laufanua taalaelae, ou te avatu o ia i se manufeʻai e fai ma ana meaʻai,+ o le a feoti i le faamaʻi i latou o loo i nofoaga malupuipuia ma i latou o loo i ana.+ 28  O le a ou matuā faatafunaina le laueleele,+ e faatafunaina lava, e faamutaina lona malosi e mitamita ai,+ e faatafunaina mauga o Isaraelu,+ e lē toe ui atu i ai se isi. 29  Ona latou iloa ai lea o aʻu lava o Ieova pe a ou matuā faatafunaina le laueleele,+ e faatafunaina lava, ona o a latou mea inosia uma na latou faia.” ’+ 30  “A o oe, le atalii e o le tagata, ua fetalanoaaʻi tagata o lou nuu e faatatau iā te oe i autafa o pā ma faitotoʻa o fale,+ ua fetalanoaaʻi le tasi i le isi, o le tasi ma lona uso e faapea, ‘Faamolemole, inā ō mai ia seʻi faalogologo po o le ā le afioga ua tulei mai ai Ieova.’+ 31  O le a latou ō mai iā te oe e pei ona masani ai ma nonofo i ou luma e pei o loʻu nuu;+ e latou te faalogo foʻi i au upu ae e latou te lē faia,+ auā ua tautatala o latou gutu i tuʻinanauga leaga ma ua pupū o latou loto i polofiti e maua i faiga faagaoi.+ 32  Faauta foʻi! ua pei oe o sē e usuina pese aualofa iā i latou, e pei o sē e manaia lona leo ma tāina lelei se meafaifaaili e iai uaua.+ O le a latou faalogo i au upu ae e leai se tasi e faia ia mea.+ 33  Faauta! pe a taunuu lea mea, e taunuu lava,+ ma o le a latou iloa ai na iai le perofeta i lo latou lotolotoi.”+

Faamatalaga Pito i Lalo