Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Esekielu 26:1-21

26  Ua oo mai le afioga a Ieova iā te aʻu i le tausaga lona sefulu tasi, i le aso muamua o le masina e faapea:  “Le atalii e o le tagata, talu ai ua faapea atu Turo+ e faasagatau iā Ierusalema,+ ‘Ua ā la! ua lepetia+ o ia, o ia na fai ma faitotoʻa o nuu!+ O le a manuia la aʻu. O le a faatamaoaiga aʻu, ae e faatafunaina o ia,’+  o lea, o le fetalaiga lenei a le Alii Pule Silisili Ese o Ieova, ‘Turo e, o aʻu lava ou te faasagatau atu iā te oe, ou te aumaia le tele o atunuu+ e faasagatau iā te oe, e pei o le fafati mai o galu o le sami.+  O le a latou soloia pā o Turo ma lepeti+ ona ʻolo,+ o le a ou tafi mamā ese lona pefu mai iā te ia ma fai o ia ma mea pito i luga e iila o le papa.  E fai o ia ma mea e faalalā ai upega+ i totonu o le sami.’+ “ ‘Auā ua ou fai atu ai,’ o le fetalaiga lea a le Alii Pule Silisili Ese o Ieova, ‘e fai foʻi o ia ma mea e faoa a nuu.  O le a fasiotia foʻi i le pelu i latou e nonofo i uta i ona tamaʻi aai, ona iloa ai lea e tagata o aʻu lava o Ieova.’+  “O le fetalaiga lenei a le Alii Pule Silisili Ese o Ieova: ‘O aʻu lava ou te aumaia Nepukanesa le tupu o Papelonia mai i le itu i mātū+ e faasagatau iā Turo, o le tupu o tupu,+ faatasi ma solofanua+ ma kariota+ o le taua, o ʻautau tiʻetiʻe solofanua, ma le faapotopotoga+ o tagata e oo foʻi i le anoanoaʻi o tagata.  O le a ia fasiotia i le pelu i latou e nonofo i uta i ou tamaʻi aai, o le a ia faia se pā mo le taua e faasaga iā te oe, e na te tanu foʻi se mea mautiʻetiʻe+ e faasaga iā te oe ma sii aʻe se talipupuni telē e faasagatau ai iā te oe;  e na te faatonutonu atu lana meatau* e lepetia ai ou pā, o le a ia soloia ou ʻolo i ana pelu. 10  O le a ufitia oe i le pefu ona o le anoanoaʻi o ana solofanua.+ O le a lūlūina ou pā ona o le paʻō o ʻautau tiʻetiʻe i solofanua, o uili ma kariota o le taua, pe a ulu atu o ia i faitotoʻa o ou pā, e pei ona ulu atu i le aai ua matala ona ua soloia vaega o le pā. 11  O le a solia ou auala e atigivae o ana solofanua.+ E na te fasiotia ou tagata i le pelu, e lafoina i le eleele ou poutū malolosi. 12  O le a latou faaleagaina ou alāmanuia+ ma faoa au mea e faatau atu,+ ma soloia ou pā, o le a latou lepetia foʻi ou fale mananaia. O le a latou lafoina i totonu o le vai au maa, o au laupapa ma ou eleele.’ 13  “ ‘Ou te faaiʻuina le leotele o au pesega,+ e lē toe lagonaina le leo o au kitara.*+ 14  O le a fai oe ma mea pito i luga e iila o le papa.+ O le a fai oe ma mea e faalalā ai upega.+ E lē toe fausiaina lava oe; auā o aʻu o Ieova ua ou fai atu ai,’ o le fetalaiga lea a le Alii Pule Silisili Ese o Ieova.+ 15  “O le fetalaiga lenei a le Alii Pule Silisili Ese o Ieova iā Turo, ‘Pe e lē lūlūina ea motu i le taalili o lou paʻū, pe a feoi ē ua tugā o latou manuʻa, pe a iai le fasiotiga iā te oe?+ 16  O le a ō ifo taʻitaʻi+ o le sami mai i o latou nofoālii+ ma aveese o latou ofu talaloa lima puupuu, ma tō ese o latou ofu ua teuteuina. O le a latou oofu i le gatete. O le a latou nonofo i le eleele,+ ma e latou te gatete pea i taimi uma+ ma sioa ma le ofo iā te oe. 17  E latou te lagi foʻi iā te oe se pese o le auēga+ ma faapea atu iā te oe: “ ʻ “Auē ua faaumatia oe, o lē sa nonofo ai tagata mai i le sami,+ le aai taʻutaʻua e, o lē na malosi i le sami,+ o ia ma ē na nonofo iā te ia, o ē na faaoo lo latou mataʻutia iā i latou uma ua nonofo i le lalolagi! 18  O lenei, e gatete motu i le aso o lou paʻū. E atuatuvale foʻi motu i le sami ona o lou mavae atu.” ’+ 19  “O le fetalaiga lenei a le Alii Pule Silisili Ese o Ieova, ‘Pe a ou faia oe ma aai ua faatafunaina, e pei o aai ua lē aināina, pe a ou ave aʻe vai loloto i ou luga ma ufitia ai oe i vai e tele,+ 20  o le a ou ave ifo oe e pei ona ou ave ifo o isi uma i le lua,+ o le mea ua iai ē ua leva ona feoti, ma ou te tuuina oe i le mea e sili ona maulalo o le eleele,+ faatasi ma isi nofoaga ua leva ona faatafunaina, faatasi ma i latou e ō ifo i le lua,+ ina ia lē toe aināina oe; ma ou te faamatagofieina le laueleele o ē o loo ola.+ 21  “ ‘Ou te faapuapuagatiaina oe i mala,+ ma e te lē toe iai; e fiu e saʻili iā te oe+ ae e lē toe maua oe i aso uma,’+ ua fetalai mai ai le Alii Pule Silisili Ese o Ieova.”

Faamatalaga Pito i Lalo

O se masini e lepetia ai pā.
O se meafaifaaili anamua e ese mai i le kitara i aso nei. O le upu Peretania, o le harp.