Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Esekielu 24:1-27

24  Ua oo mai le afioga a Ieova iā te aʻu i le tausaga lona iva, i le masina lona sefulu, i le aso sefulu o le masina e faapea:  “Le atalii e o le tagata, ia e tusia le igoa o le aso, o le aso lava lenei. Ua osofaʻia e le tupu o Papelonia Ierusalema i lenei lava aso.+  Ia e fatu se faaupuga masani e uiga i le aiga fouvale,+ ma ia e fai atu iā i latou, “ ‘O le fetalaiga lenei a le Alii Pule Silisili Ese o Ieova: “Ia tuu i luga o le afi le ulo e telē le gutu; ia tuu i ai ma sasaa i ai vai.+  Ia aoao mai i ai tufaaga,+ o tufaaga lelei uma, o le alagavae ma le alagalima; ia faatumu foʻi i ivi e sili ona lelei.  Ia aumai se mamoe+ e sili ona lelei, ma ia tuu faataamilo ogālaau i lalo o le ulo. Ia tunu ona tufaaga, ma ia faavela ponaivi o i totonu o le ulo.” ’ ”+  “O lea, o le fetalaiga lenei a le Alii Pule Silisili Ese o Ieova, ‘Oi talofa i le aai e faia faiga faamasaatoto,+ o le ulo e telē lona gutu, o le ʻele lea ua i totonu, o le ʻele foʻi lea e leʻi alu ese mai i le ulo! Ia auauaʻi ona aumai i fafo o tufaaga;+ aua neʻi fai i ai se vili.+  Auā o loo i totonu iā te ia lona lava toto.+ Ua ia tuu i le pito i luga e iila o le papa. E na te leʻi sasaaina i le eleele, ina ia ufitia ai e le pefu.+  Ina ia faatupu le ita tele ma faaoo i ai le tauimasui,+ ua ou tuu ai lona toto i le pito i luga e iila o le papa, ina ia lē ufitia ai.’+  “O lea, o le fetalaiga lenei a le Alii Pule Silisili Ese o Ieova, ‘Oi talofa i le aai e faia faiga faamasaatoto!+ Ou te faia le faaputuga ia telē.+ 10  Ia faateleina ogālaau. Ia tutu le afi. Ia faavela lelei le aano. Ia sasaa le sua, ma ia matuā faavevela ponaivi. 11  Ia tuu le ulo i luga o ona malala e aunoa ma se mea e iai ina ia faavevela ai; ia vevela ai foʻi ona ʻapamemea, ma ia liusuavai ai lona lē mamā o loo i totonu.+ Ia faaumatia ai le ʻele i le afi.+ 12  O galuega mamafa! Ua iʻu ina lē lavā ai, ae e lē aveesea ai le tele o ona ʻele.+ Ia lafo i le afi faatasi ma ona ʻele!’ 13  “ ‘Ua iai amioga matagā i au faiga lē mamā.+ O le mea lea na ou faamamā ai iā te oe, peitaʻi e lē mamā+ lava oe mai i au faiga lē mamā. E te lē mamā lava seʻi vaganā ua ou faataunuuina loʻu ita iā te oe.+ 14  O aʻu o Ieova ua ou fai atu ai.+ O le a oo mai lava,+ ma ou te faia lava. Ou te lē faatamala lava,+ ou te lē faapelepele+ foʻi pe suia loʻu manatu.+ O le a latou faamasinoina oe e tusa ma ou ala ma au mea na fai,’+ ua fetalai mai ai le Alii Pule Silisili Ese o Ieova.” 15  Ua oo mai foʻi le afioga a Ieova iā te aʻu e faapea: 16  “Le atalii e o le tagata, ou te aveesea mai iā te oe lē ua e faapelepele+ i ai e ala i le mala,+ aua e te tuʻi i lou fatafata, aua foʻi e te tagi pe maligi ou loimata.+ 17  Ia e mapusela e aunoa ma le tautala. Aua e te faavauvau ona o ē ua feoti.+ Ia e sai lou pulouʻie i lou ulu,+ ma ia faaseevaeina ou vae i seevae.+ Aua foʻi e te ufitia le ʻavaaluga+ ma aua e te ʻai i meaʻai mai i tagata.”+ 18  Ona ou tautala atu lea i le nuu i le taeao, ae ua vaivai laʻu avā ma oti ai i le afiafi. Ona ou faia lea i le taeao e pei ona poloaʻiina ai aʻu. 19  Ua fesili mai pea le nuu iā te aʻu e faapea: “Pe e te lē taʻu mai ea iā i matou pe e faapefea ona aafia i matou i ia mea o loo e faia?”+ 20  Ona ou fai atu lea iā i latou: “Ua oo mai le afioga a Ieova iā te aʻu e faapea, 21  ‘Ia fai atu i le aiga o Isaraelu: “O le fetalaiga lenei a le Alii Pule Silisili Ese o Ieova, ‘O lenei, ou te faaleagaina loʻu malumalu,+ o le malosi tou te mitamita ai,+ o le mea ua outou faapelepele i ai,+ o le taulaʻiga lea o lo outou tigā alofa, ma e fasiotia foʻi i le pelu a outou fanau tama ma fanau teine, o ē na outou tuua i mea ua latou iai nei.+ 22  O le a outou faia e pei ona ou faia. Tou te lē ufitia ʻavaaluga,+ tou te lē aai foʻi i meaʻai mai i tagata.+ 23  O le a iai pulouʻie i o outou ulu, ma o le a iai seevae i o outou vae. O le a outou lē tuʻi iā te outou lava pe tou te fetagisi,+ ma o le a tauau ina mou atu outou i a outou mea sesē,+ o le a outou feoi iā te outou lava.+ 24  E fai Esekielu ma faailoga iā te outou.+ E tou te faia e tusa ma mea na ia faia. Pe a oo mai lea mea,+ ona outou iloa ai lea o aʻu o le Alii Pule Silisili Ese o Ieova.’ ” ’ ”+ 25  “A o oe le atalii e o le tagata, pe e lē o le aso ea lea ou te aveese ai mai iā i latou lo latou nofoaga malupuipuia, o le mea matagofie o loo latou olioli ai, o le mea e latou te faapelepele i ai,+ ma le mea e naunau i ai o latou loto, o a latou fanau tama ma a latou fanau teine,+ ma 26  o lea aso o le a sau ai iā te oe lē ua sola ese ina ia faalogo ai taliga i se tala?+ 27  O lea aso, o le a tautala atu ai lou gutu i lē ua sao,+ e te tautala ai ma e lē toe gūgū;+ e avea oe ma faailoga iā i latou,+ ona latou iloa ai lea o aʻu lava o Ieova.”+

Faamatalaga Pito i Lalo