Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Esekielu 23:1-49

23  Ua oo mai foʻi le afioga a Ieova iā te aʻu+ e faapea:  “Le atalii e o le tagata, na iai ni fafine se toʻalua, o le fanau teine a le tinā e toʻatasi.+  Na la faia faiga faatalitane i Aikupito.+ Na la faia faiga faatalitane a o talavou i laʻua.+ Na omia i inā o la susu,+ na tatao ai foʻi i inā o la susu a o teine muli i laʻua.  O o la igoa, o Aola lē e matua ma Aolipa lona uso, na fai i laʻua mo aʻu+ ma na fanaua e i laʻua o fanau tama ma fanau teine.+ Ae e tusa ma o la igoa, o Aola o Samaria+ lea, a o Aolipa o Ierusalema lea.+  “Na faia e Aola faiga faatalitane+ a o i lalo o laʻu pule, na ia tuʻinanau pea iā i latou o ē na mananaʻo tele iā te ia,+ o tagata Asuria,+ o ē na latalata ane,  o kovana na oofu i ʻie lanu moana ma sui pule, o tauleleʻa aulelei i latou uma, o ʻautau uma i latou e tiʻetiʻe i solofanua.  Na ia faia pea ana faiga faatalitane iā i latou, o atalii sili uma o Asuria; na ia faaleagaina o ia lava ma i latou na ia tuʻinanau i ai, atoa ma a latou tupua inosia.+  E na te leʻi tuua ana amioga faatalitane mai i Aikupito, auā na latou taooto ma ia i lona teineitiiti, na latou tataoina ona susu a o teine muli o ia, na latou tuʻinanau tele foʻi iā te ia ma faia pea feusuaʻiga lē mamā ma ia.+  O le mea lea na ou tuuina atu ai o ia i lima o ē na mananaʻo tele iā te ia,+ i lima o atalii o Asuria, o ē na ia tuʻinanau i ai.+ 10  O i latou ia na faaalialia lona telenoa.+ Na latou ave ana fanau tama ma ana fanau teine,+ na latou fasiotia foʻi o ia i le pelu. Na leaga lona talaaga i fafine, ma na latou faaoo le faasalaga iā te ia. 11  “Ina ua iloa e lona uso o Aolipa lea mea,+ ona ia faasili lea o lona tuʻinanau i feusuaʻiga nai lo o le tuʻinanau o lona uso, na sili foʻi ana faiga faatalitane nai lo o le faitaaga a lona uso.+ 12  Auā na tuʻinanau o ia i atalii o Asuria,+ o kovana ma sui pule o ē na latalata ane, o ē na oofu i ofu mananaia, o ʻautau uma i latou e tiʻetiʻe i solofanua, o tauleleʻa aulelei i latou uma.+ 13  Talu ai na ia faaleagaina o ia lava, ona ou iloa ai lea, e tasi lava lo laʻua ala.+ 14  Na ia faateleina ana faiga faatalitane ina ua ia vaai i ata o tane ua vaneina i le puipui,+ o faatagata+ ua vaneina o tagata Kaletaia ua valiina i le vali mūmū,+ 15  ua fusi puimanava i fusipaʻu,+ ua i o latou ulu pulou ʻie e tautau pito, e foliga e pei o ni toa, o ia tupua uma, ua pei o atalii o Papelonia, na fananau i le atunuu o Kaletaia. 16  Ona tuʻinanau lea o ona mata+ iā i latou ma ua ia aauina atu avefeʻau iā i latou i Kaletaia.+ 17  Na ō mai pea iā te ia o atalii o Papelonia, i le moega e fefaaaliaʻi ai le alofa, ma faaleagaina o ia i feusuaʻiga lē mamā;+ na latou faaleagaina pea o ia, ona liliuese lea o lona loto ma ua ʻinoʻino iā i latou. 18  “Ua ia faaalialia pea ana amioga faatalitane ma faaalialia lona telenoa,+ ona liliuese lea o loʻu loto ma le ʻinoʻino i le faauō atu iā te ia, e pei ona liliuese o loʻu loto ma le ʻinoʻino i le faauō atu i lona uso.+ 19  Ua ia faateleina pea ana faiga faatalitane+ ma oo ai ina manatua aso o lona teineitiiti,+ ina ua ia talitane i Aikupito.+ 20  Na ia tuʻinanau pea e pei o aga a palake i a latou tane o ē e pei o latou itutino* o itutino o asini poʻa, ma o latou totogasā e pei o totogasā o solofanua poʻa.+ 21  Na e manaʻo pea i amioga matagā o lou teineitiiti, ona ua tatao pea ou susu talu ona e iai i Aikupito,+ ina ia faataunuu ai manaʻoga o ou susu a o e teineitiiti.+ 22  “O lea Aolipa e, o le fetalaiga lenei a le Alii Pule Silisili Ese o Ieova, ‘O le a ou faaoso o ē ua mananaʻo iā te oe e faasagatau iā te oe,+ o i latou ua liliuese ai lou loto ma le ʻinoʻino, ma o le a ou aumaia i latou e faasagatau iā te oe mai i itu uma,+ 23  o atalii o Papelonia,+ o tagata Kaletaia+ uma, o tane o Pekota,+ o Soa ma Koa, o atalii uma o Asuria faatasi ma i latou, o tauleleʻa aulelei, o kovana ma sui pule uma, o toa, o faufautua ua tofia, e tiʻetiʻe i latou uma i solofanua. 24  O le a latou ō mai e faasagatau iā te oe ma le paʻō tele o kariota o le taua ma uili,+ ma le faapotopotoga o tagata, o le talipupuni telē, o le tamaʻi talita ma le pulou tau. O le a latou faasagatau iā te oe mai i itu uma, ma o le a ou tuuina atu le pule iā i latou e faamasino ai, e latou te faamasinoina oe e tusa ma a latou faamasinoga.+ 25  Ou te faaalia loʻu ita tele faasaga iā te oe,+ ma o le a latou gaoioi ma le toʻatamaʻi faasaga iā te oe.+ O le a latou aveesea lou isu ma ou taliga, ma fasiotia i le pelu ou vaega o le a totoe. E latou te aveina+ au fanau tama ma au fanau teine,+ ma faatamaʻia au mea e totoe i le afi.+ 26  O le a latou tō ese ou ofu+ ma aveesea au teuga matagofie.+ 27  O le a ou faamutaina au amioga matagā,+ ma au faiga faatalitane mai i Aikupito;+ o le a lē toe tepa aʻe ou mata iā i latou, e te lē toe manatua foʻi Aikupito.’ 28  “O le fetalaiga lenei a le Alii Pule Silisili Ese o Ieova, ‘Ou te tuuina atu oe i le lima o i latou ua e ʻinoʻino i ai, i le lima o i latou na liliuese ai lou loto ma le ʻinoʻino.+ 29  O le a latou gaoioi ma le ʻinoʻino iā te oe ma aveesea fua o au galuega uma ae tuu oe e telenoa ma lē lavalavā;+ o le a faalialia le telenoa o au faitaaga ma au amioga matagā ma au faiga faatalitane.+ 30  O le a oo ia mea iā te oe ona o lou saʻili atu i nuu ina ia faia ai faiga faatalitane,+ ma talu ai foʻi ua e faaleagaina oe lava i a latou tupua inosia.+ 31  Ua e savali i le ala o lou uso;+ ma ou te avatu i lou lima lana ipu.’+ 32  “O le fetalaiga lenei a le Alii Pule Silisili Ese o Ieova, ‘E te inu i le ipu a lou uso, lea e loloto ma lautele.+ E fai oe ma taulaʻiga o toēga ma tauemuga, auā ua taumasuasua le ipu.+ 33  O le a faatumuina oe i le onā ma le faanoanoa, ma le ipu o le ofo tele ma le faatafunaina, o le ipu a lou uso o Samaria. 34  O le a e inu i ai ma inu lava seʻia uma,+ o le a e galia toega o ana ipu omea, e te saeia ou lava susu.+ “O aʻu lava ua ou fai atu ai,” o le fetalaiga lea a le Alii Pule Silisili Ese o Ieova.’ 35  “O lea o le fetalaiga lenei a le Alii Pule Silisili Ese o Ieova, ‘Talu ai ua e faagaloina aʻu+ ma ua e lafoaʻi aʻu i ou tua,+ o le mea lea e te selesele mai ai āuga o au amioga matagā ma au faiga faatalitane.’ ” 36  Ua toe fetalai mai Ieova iā te aʻu: “Le atalii e o le tagata, pe e te faamasino+ iā Aola ma Aolipa+ ma faailoa atu iā i laʻua a la mea inosia?+ 37  Auā ua la faia le mulilua+ ma ua iai le toto i o la lima,+ ua la faia le mulilua ma a laʻua tupua inosia.+ I le ma lea, o a la fanau na fananau iā te aʻu ua la susunuina i le afi e fai ma meaʻai a tupua.+ 38  E lē gata i lea, ua la faia lenei mea iā te aʻu: Ua la faaleagaina+ loʻu malumalu+ i lea aso, ua la solia foʻi aʻu sapati.+ 39  Ina ua la fasiotia a laʻua fanau e avatu i a laʻua tupua inosia,+ ona la ō mai ai lea i loʻu malumalu i lea aso ina ia faaleagaina ai,+ faauta! o le mea lea ua la faia i totonu o loʻu fale.+ 40  I le ma lea, ina ua la auina atu se avefeʻau i tane mai i se mea mamao,+ tagaʻi foʻi na ō mai i latou,+ na e tāʻele+ ma vali ou mata+ ma teuteu oe i teuga matagofie+ mo i latou. 41  Ona e nofo lea i le nofoa umi matagofie,+ ma ua saunia se laulau i luma,+ ma ua e tuu ai aʻu mea manogi+ ma laʻu suāuu.+ 42  Ua iai le leo o le motu o tagata ua fai faafiafiaga+ i inā ma ua aumaia foʻi tagata onanā+ mai i le toafa faatasi ma i latou, ua latou tuuina taulima i lima o ia fafine ma palealii matagofie i luga o o la ulu.+ 43  “Ona ou fai atu lea e faatatau iā te ia o lē ua loa ona faia le mulilua,+ ‘Peitaʻi na te faia pea ana faiga faatalitane, ioe o ia lava.’+ 44  Ua latou ō ane pea iā te ia, e pei ona alu ane o se tasi i se fafine talitane; ua faapea foʻi ona latou ō atu iā Aola ma Aolipa o ni fafine e amio matagā.+ 45  Ae o tane amiotonu, o i latou na e faamasinoina+ o ia i le faamasinoga mo fafine mulilulua+ ma le faamasinoga mo fafine e faamasaatoto;+ auā o fafine mulilulua i laʻua ma ua iai le toto i o laʻua lima.+ 46  “O le fetalaiga lenei a le Alii Pule Silisili Ese o Ieova, ‘O le a oo mai se faapotopotoga e faasagatau iā i laʻua,+ ma e fai i laʻua ma mea e mataʻutia i le vaai, e faoa foʻi a laʻua mea.+ 47  E fetogia i laʻua i maa e le faapotopotoga,+ o le a fasiotia foʻi i laʻua i a latou pelu. O le a latou fasiotia a la fanau tama ma fanau teine,+ e susunuina foʻi o laʻua fale i le afi.+ 48  Ou te faamutaina amioga matagā+ i le atunuu,+ o le a faasaʻoina fafine uma lava, ina ia latou lē toe faia e tusa ma a oulua amioga matagā.+ 49  E latou te faaoo iā te oulua le faasalaga o a oulua amioga matagā,+ ma lua te selesele i āuga o a oulua agasala sa faia ma o oulua tupua inosia; ma o le a oulua iloa ai o aʻu lava o le Alii Pule Silisili Ese o Ieova.’ ”+

Faamatalaga Pito i Lalo

Po o le “totogasā o le tane.”