Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Esekielu 21:1-32

21  Ua toe oo mai le afioga a Ieova iā te aʻu e faapea:  “Le atalii e o le tagata, ia faasaga atu ou mata i Ierusalema ma folafola+ atu upu i mea paia+ ma fai valoaga faasaga i le eleele o Isaraelu.+  Ia e fai atu i le eleele o Isaraelu, ‘O le fetalaiga lenei a Ieova: “O aʻu lenei ou te faasagatau iā te oe,+ ou te tō aʻe laʻu pelu mai i lona faamoega+ ma fasiotia ai le tagata amiotonu ma le tagata amioleaga ua iā te oe.+  Ou te fasiotia le tagata amiotonu ma le tagata amioleaga ua iā te oe, o le mea lea o le a tō aʻe ai laʻu pelu mai i lona faamoega e faasagatau i tagata uma e amata mai i le itu i saute e oo atu i le itu i mātū.+  O le a iloa ai e tagata uma o aʻu o Ieova, o aʻu lea ua tō aʻe laʻu pelu mai i lona faamoega.+ E lē toe foʻi i lona faamoega.”’+  “O oe foʻi le atalii e o le tagata, ia mapusela ma gatete ou puimanava.+ Ia e mapusela ma le faanoanoa i o latou luma.+  Pe a latou faapea mai iā te oe, ‘Aiseā ua e mapusela ai?’+ ia e tali atu, ‘Ona o se tala.’+ Auā o le a faataunuuina lava,+ e liusuavai ai loto,+ e tautau ai i lalo lima uma, e vaivai ai agaga uma ma sisina ai le vai i tuli* uma.+ ‘Faauta foʻi! E oo mai lava+ ma e taunuu lava,’ ua fetalai mai ai le Alii Pule Silisili Ese o Ieova.”  Ua oo mai foʻi le afioga a Ieova iā te aʻu e faapea:  “Le atalii e o le tagata, ia fai valoaga ma faapea atu, ‘O le mea lenei ua fetalai mai ai Ieova: “Ia fai atu, ‘O se pelu, o se pelu!+ Ua faamaʻaiina+ ma ua faaiilaina. 10  Ua faamaʻaiina ina ia sauniuni e fasiotia ai tagata; ma ua faaiilaina ina ia feʻilafi ai.’”’”+ “Pe e lē tatau ea ona tatou olioli ai?”+ “‘Pe e lē oo ea le pelu i le tootoo+ a loʻu lava atalii+ e pei ona faia i laau uma?+ 11  “‘Ua avatu le pelu e se tasi ina ia faaiilaina, ina ia faaaogā e le lima. O se pelu ua faamaʻaiina, ua faaiilaina foʻi, ina ia avatu i le lima o le fasioti tagata.+ 12  “‘Le atalii e o le tagata, ia e alaga atu ma uiō,+ auā ua sau le pelu e faasagatau i loʻu nuu;+ ua faasagatau i taʻitaʻi uma o Isaraelu.+ Ua lafoina i latou i le pelu faatasi ma loʻu nuu.+ O lea, ia pōpō le ogāvae.+ 13  Ua faia se iloiloga,+ ae e faapefea la pe afai e lē oo le pelu i le tootoo?+ E lē faaauau pea ona iai lea mea,’+ ua fetalai mai ai le Alii Pule Silisili Ese o Ieova. 14  “O oe le atalii e o le tagata, ia fai valoaga, ia po le isi alofilima i le isi alofilima,+ ia faatolu ona faapea atu,+ ‘O le pelu!’ O le pelu lea o le a fasiotia ai tagata. O le pelu o le a fasiotia ai se tasi, o lē ua sili, lea e siʻomia ai i latou.+ 15  Ina ia liusuavai ai le loto+ ma faatoʻateleina i latou ua faatoʻilaloina i o latou faitotoʻa+ uma o le aai, ou te faia se fasiotiga e ala i le pelu. Oi auē ua faia le pelu ina ia feʻilafi, ua faaiilaina mo le fasiotiga!+ 16  Ia e maʻai;+ ia e alu i le itu taumatau! Ia fuafua lou tulaga; ia e alu i le itu tauagavale! O so o se itu e faasaga i ai ou mata! 17  O aʻu foʻi ou te po le isi oʻu alofilima i le isi oʻu alofilima,+ ma ou te faaumaina loʻu ita.+ O aʻu o Ieova ua ou fai atu ai.” 18  Ua oo mai foʻi le afioga a Ieova iā te aʻu e faapea: 19  “O oe foʻi le atalii e o le tagata, ia e tusi i lalo ala e lua e oo mai ai le pelu a le tupu o Papelonia.+ E ō atu ala e lua mai i le atunuu e tasi, ia faatū se faailoilo i le auala;+ ma ia faatū i le mea e magalua ai le ala e agaʻi atu i le aai. 20  E ao ona totofi se ala e oo mai ai le pelu faasaga iā Rapa+ o le fanauga a Amoni, ma le isi e faasaga iā Iuta, o Ierusalema malupuipuia lea.+ 21  Ua tū saʻo le tupu o Papelonia i le fetaulaʻigaala, i le mea e magalua ai ala, ina ia faia ni valovaloga faataulāitu.+ Ua ia lūlū aū. Ua ia fesili atu e ala i faatagata;+ ma ua ia iloilo i le ate. 22  Ua i lona lima taumatau le tali o ana valovaloga faataulāitu iā Ierusalema, ia faatū ai meatau e lepetia ai,+ ia faatonuina ai le fasiotiga, ia ili le pū mo le taua,+ ia faatulaga meatau e lepetia ai i luma o faitotoʻa o le aai, ia tanu se mea mautiʻetiʻe, ma fausia ai se pā mo le taua.+ 23  Ua avea e peiseaʻī o se valovaloga pepelo i o latou manatu,+ o ē na faia tautoga iā i latou;+ ua ia toe manatuaina+ mea sesē, ina ia puʻea ai i latou.+ 24  “O lea, o le fetalaiga lenei a le Alii Pule Silisili Ese o Ieova, ‘O outou lava ua manatua ai a outou mea sesē ona ua faaalialia a outou solitulafono, ina ia iloa a outou agasala e tusa ma a outou mea ua faia, talu ai o lea ua manatua+ outou e puʻea lava outou e lima o o outou fili.’+ 25  “O oe foʻi le taʻitaʻi+ amioleaga o Isaraelu+ o lē ua toeitiiti a oti,  o lē ua oo mai lona aso i le taimi o mea sesē mulimuli,+ 26  o le fetalaiga lenei a le Alii Pule Silisili Ese o Ieova, ‘Ia aveese le pulou o le tupu ma aveese le palealii.+ O le a lē toe tutusa tulaga o mea.+ E faamaualugaina lē ua maulalo,+ ae e faamaulaloina lē ua maualuga.+ 27  O se faafanoga, o se faafanoga, o se faafanoga, lea o le a ou faia.+ E lē toe tuuina atu le palealii i se tasi seʻia afio mai lē ua iai le pule faaletulafono,+ ona ou tuuina atu lea iā te ia.’+ 28  “O oe le atalii e o le tagata, ia fai valoaga, ma ia e fai atu, ‘O le fetalaiga lenei a le Alii Pule Silisili Ese o Ieova e faatatau i le fanauga a Amoni ma e tusa ma faifaiga mai iā i latou.’ E ao ona e fai atu, ‘O le pelu, o le pelu ua tō aʻe mo le fasiotiga, ua faaiilaina ina ia faatamaʻia ai, ina ia feʻilafi,+ 29  ona o lo latou vaaia o se faaaliga mo oe, o se mea e lē moni, ona o a latou valovaloga pepelo ua faia mo oe,+ ina ia tuuina ai oe i luga o ua o ē ua fasiotia, o tane amioleaga o ē ua oo mai lo latou aso i le taimi o mea sesē mulimuli.+ 30  Ia toe faafoʻi le pelu i lona faamoega. O le a ou faamasinoina oe i le mea na faia ai oe, i le laueleele na e fanau ai.+ 31  Ou te sasaa ifo laʻu faasalaga i ou luga. Ou te feulaina oe i le afi o loʻu ita tele,+ ou te tuuina atu foʻi oe i lima o tamāloloa ua leai ni o latou mafaufau, o ē ua atamamai i le faafanoina o tagata.+ 32  O le a fai oe ma fafie i le afi.+ O le a tafe lou toto i le laueleele. E lē toe manatuaina oe, auā o aʻu o Ieova ua ou fai atu ai.’”+

Faamatalaga Pito i Lalo

O lona uiga o le alu o le feʻau vai ona o le mataʻu.