Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Esekielu 2:1-10

2  Ona ia fetalai mai lea iā te aʻu: “Le atalii e o le tagata,+ inā tulaʻi ia i ou vae ae seʻi oʻu tautala atu iā te oe.”+  Ua faatumuina aʻu i le agaga i le taimi ua ia fetalai mai ai iā te aʻu,+ ona faatūina ai lea o aʻu i luga i oʻu vae, ina ia ou faalogo atu i Lē o loo fetalai mai iā te aʻu.+  Ua ia toe fetalai mai iā te aʻu: “Le atalii e o le tagata, ou te auina atu oe i le fanauga a Isaraelu,+ o nuu fouvale ia ua fouvale mai faasaga iā te aʻu.+ O i latou ma o latou augātamā, ua latou solia aʻu tulafono e oo mai lava i le asō.+  Ua ou auina atu oe i atalii mata faasiasia+ ma lotomaaa,+ ma e ao ona e faapea atu iā i latou, ‘O le fetalaiga lenei a le Alii Pule Silisili Ese o Ieova.’  O i latou foʻi, e tusa lava pe latou te faalogo+ pe leai,+ auā o le aiga fouvale+ i latou, o le a latou iloa lava sa iai le perofeta iā i latou.+  “O oe foʻi, le atalii e o le tagata, aua e te fefe iā i latou;+ aua foʻi e te fefe i a latou upu, auā e iai i latou o ē ua maaa+ ma mea e tuia+ ai oe, ma e te nofo foʻi faatasi ma akarava.+ Aua lava e te fefe+ i a latou upu, aua e te mataʻu+ i o latou mata, auā o i latou o le aiga fouvale.+  E ao ona e fai atu aʻu upu iā i latou, e tusa pe faalogo pe leai, auā o i latou o ē e fouvale.+  “O oe foʻi le atalii e o le tagata, ia e faalogo mai i le mea ou te fai atu ai iā te oe. Aua e te fouvale e pei o le aiga fouvale.+ Inā faamaga ia lou gutu ma ʻai le mea ou te avatu iā te oe.”+  Ua ou vaai atu, tagaʻi foʻi! e iai le lima ua tuu mai iā te aʻu,+ faauta! ua iai le tusi tāʻai ua uu i le lima.+ 10  Ona ia fofola mālie lea o le tusi i oʻu luma, o loo tusia ai mea i luma ma tua;+ ma ua tusia ai solo faanoanoa, o le ōi ma le auēga.+

Faamatalaga Pito i Lalo