Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Esekielu 19:1-14

19  “A o oe, ia e lagi se pese o auēga+ e faatatau i taʻitaʻi o Isaraelu,+  ia e fai atu, ‘O ai lou tinā? O le leona fafine faatasi ma leona.+ Na taooto faatasi ma leona taanoa. Na ia tausia lana fanau.  “ ‘A o faagasolo taimi na ia tausia aʻe se tasi o ana tama.+ Ua avea o ia ma leona taanoa, ma ua aʻoaʻoina o ia ina ia saeia manu e ʻai.+ E na te faatamaʻiaina foʻi tagata.  Na logotala pea nuu e faatatau iā te ia. Na latou puʻeina o ia i o latou lua, ona latou avatu lea o ia i Aikupito e ala i mātau.*+  “ ‘Na ia faatalitali ma iloa ai ua siliga se faamoemoe, ona ia ave lea o se tasi o ana tama.+ Na ia aʻoaʻoina o ia ina ia avea ma leona taanoa.  Ona feoaʻi lea o ia faatasi ma isi leona ma avea ai o ia ma leona taanoa. Na faasolosolo ona ia aʻoaʻoina le saeia o manu e ʻai.+ E na te faatamaʻiaina foʻi tagata.+  Na ia iloa maota ua nonofo ai tagata, ma na ia faatafunaina o latou aai,+ ina ia faagaogaoina ai le laueleele ma tumu ai i le taalili leotele o lana tagi.+  Ona faasagatau atu lea iā te ia o nuu o siʻomia ai mai i itumalo,+ na latou fofola foʻi a latou upega i ona luga.+ Na maua o ia i la latou lua.+  Mulimuli ane, na latou tuuina o ia i le pā e ala i mātau ma avatu o ia i le tupu o Papelonia.+ Na latou avatu o ia e ala i upega tulimanu, ina ia lē toe lagona ai lona leo i mauga o Isaraelu.+ 10  “ ‘Na pei lou tinā+ o le vine i lou toto,+ na totōina i autafa o vai. Na avea o ia o sē na fuaina mai ni fua ma tele ona lālā ona o le tele o vai.+ 11  Na avea lālā laau ma tootoo malolosi mo ia, ua lava le malolosi e fai ma tootoo o tupu.+ Na maualuga foʻi lona umi i totonu o lālā, ma na iloa atu ona o lona umī ma le tele o ona lau lauusiusi.+ 12  Ae mulimuli ane, na liaʻiina o ia i le ita tele.+ Na lafoina o ia i le eleele ma mamago ai ona fua ona o le matagi mai i sasaʻe.+ Na gausia lona tootoo malosi ma mago ai.+ Na faatamaʻia ai foʻi i le afi.+ 13  A o lenei ua totōina le vine i le toafa,+ i le laueleele naumati e leai se vai.+ 14  Ona sau lea o le afi mai i lona tootoo.+ Ua faatamaʻia ai ona tātupu, o ona fua, ma ua leai se tootoo malosi iā te ia, ua leai se tootoo e pule ai.+ “ ‘O le pese lea o le auēga ma e fai pea ma pese o le auēga.’ ”+

Faamatalaga Pito i Lalo

O mātau ua tuu i alafau po o isu o manu atoa foʻi ma pagota ina ia toso ai i latou i maea.